བཀའ་གདམས་ཀྱི་སྐྱེས་བུ་དམ་པ་རྣམས་ཀྱི་གསུང་བགྲོས་ཐོར་བུ།

བདུན་པ
ཡང་འབྲོམ་སྟོན་པ་ལ་སྐུ་མཆེད་གསུམ་གྱིས་བདག་དོན་དང་གཞན་དོན་ཕུན་སུམ་ཚོགས་པ་བྱེད་པ་ལ་ལྟ་བ་དང་སྤྱོད་པ་གཉིས་གལ་གང་ཆེ་ལགས་ཞུ་པས། སྟོན་པའི་ཞལ་ནས། རྟེན་གྱི་གང་ཟག་ཅིག་ཐེག་པ་ཆེན་པོའི་སྒོར་ཞུགས་ནས། བདག་གཞན་གྱི་དོན་ཕུན་སུམ་ཚོགས་པར་བྱེད་པ་ལ། ལྟ་བ་རྣམ་པར་དག་པ་དང་། སྤྱོད་པ་རྣམ་པར་དག་པ་གཉིས་ཟུང་དུ་འབྲེལ་དགོས། ཡ་བྲལ་གྱིས་མི་གཏུབ་གསུང་། འོ་ན་ལྟ་སྤྱོད་རྣམ་པར་དག་པ་ཇི་ལྟར་ལགས་ཞུས་པས། སྟོན་པའི་ཞལ་ནས། ལྟ་བ་རྣམ་པར་དག་པ་ནི་དོན་དམ་པར་ཆོས་ཐམས་ཅད་དངོས་པོ་ཅིར་ཡང་མ་གྲུབ་པས་ཡོད་མེད་རྟག་ཆད་ལ་སོགས་པའི་མཐའ་ཐམས་ཅད་རྨི་ལམ་སྒྱུ་མ་སྤྲུལ་པ་ལྟ་བུར་ཤེས་ཤིང་། དེ་ཡང་རང་གི་སེམས་སྣང་འབའ་ཞིག་ཏུ་རྟོགས་ཏེ། དངོས་པོ་གང་ལ་ཡང་ཡིད་མི་གཏོད་ཅིང་གང་གི་ཡང་རྗེས་སུ་མི་འབྲང་བ་ཅིག་ཡིན། སྤྱོད་པ་རྣམ་པར་དག་པ་ནི། ཀུན་རྫོབ་རྨི་ལམ་སྒྱུ་མ་ཙམ་དུ་ལས་དཀར་ནག་གི་འབྲས་བུ་མི་བསླུ་བར་ཤེས་ཏེ། ལས་རྒྱུ་འབྲས་ལ་འཛེམ་ཞིང་། དེ་ལྟར་མ་རྟོགས་པའི་སེམས་ཅན་རྣམས་ལ་སྙིང་རྗེ་ཆེན་པོས་སེམས་ཅན་གྱི་དོན་ལ་བརྩོན་པ་ཅིག་ཡིན། དེ་ལྟ་བུའི་ལྟ་སྤྱོད་རྣམ་པར་དག་པ་དེ་ཡང་བྱང་ཆུབ་ཀྱི་སེམས་རྣམ་པ་གཉིས་རྒྱུད་ལ་སྐྱེས་པ་ཅིག་ལ་ངང་གིས་འབྱུང་གསུང་།   

འོ་ན་ལྟ་སྤྱོད་ཡ་བྲལ་བ་ལ་སྐྱོན་ཅི་ཡོད་ཞུས་པས། སྟོན་པའི་ཞལ་ནས། ལྟ་བ་རྣམ་པར་དག་པ་ཅིག་ཡོད་ཀྱང་སྤྱོད་པ་རྣམ་པར་མ་དག་སྟེ། ལས་རྒྱུ་འབྲས་ལ་མི་འཛེམ་ཞིང་སྤྱོད་པ་རྩིང་པོར་ཤོར་ན་བདག་གཞན་གཉིས་ཀའི་དོན་མི་ནུས་ཏེ་ལྟ་བ་དེ་ཡང་གོལ་བར་འགྲོ། སྤྱོད་པ་རྣམ་པར་དག་པ་ཅིག་ཡོད་ཀྱང་དངོས་པོའི་གནས་ལུགས་མ་རྟོགས་ན་བདག་གཞན་གཉིས་ཀའི་དོན་མི་ནུས་ཏེ་སྤྱོད་པ་དེ་ཡང་གོལ་བར་འགྲོ། དེས་ན་ལྟ་སྤྱོད་ཟུང་དུ་འབྲེལ་ནས་ལམ་ལོག་པར་ལྟུང་བས་ཟུང་འཇུག་ལ་བསླབ་དགོས་གསུང་། 

མུ་འགོད།  https://t.cn/z8Ac3wc

མུ་འབྲེལ་གློག་བརྙན་ལྟ་བུའི་མི་ཚེ་འདིར། འུ་ཚོས་དགའ་སའི་གངས་རི་དང་སྤང་རི། འབྱམས་ཀླས་པའི་ནགས་ཚལ།

ནོར་ལུག། ཡན་ལག་བརྒྱད་ལྡན་གྱི་ཆུ་བོ།

ས་སྒང་དེའི་སྟེང་འཚོ་ཞིང་གནས་པའི་མི། ལོ་ངོ་སྟོང་ཁྲག་མང་པོའི་མཚར་སྡུག་གི་ལོ་རྒྱུས། གོས་ཆེན་ཐང་ལ་གཏིང་འདྲའི་རྩྭ་ཐང་།

མདོར་ན་རང་རང་སོ་སོ་གི་ཆེད་དུ། འགན་འཁྲི་དང་ན་ཟུག་མེད་པ་སུ་ཞིག་མཆིས།

—ཤར་ཚངས་ལྷས།

བླ་མ་ཁྱེད་ནི་དགུང་གི་ཉི་ཟླ་བཞིན།།
ཉེ་རིང་མེད་པར་ཡིད་ཀྱི་མཁའ་རུ་ཤར།།
ཞི་བསིལ་ཐུགས་རྗེའི་སྤྲིན་དཀར་ཕུང་པོ་ལས།།
བྱམས་བརྩེའི་གྲུ་ཆར་འཇོ་བའི་བླ་མ་ཁྱེད།།
2023-6-2