འཆི་བས་ཡོད་ཚད་འཁྱེར་འགྲོ་སྟེ། ཡོད་ཚད་ཀྱི་ཡོད་ཚད་འཁྱེར་འགྲོ ཡིན་ཡང་རང་ཉིད་ཀྱི་རྟོགས་པ་འཁྱེར་ཐབས་མེད་པ་འདྲ། རྟོགས་པ་མཐའ་དང་མཉམ་དུས། འཆི་བ་རང་འགག་ཏུ་འགྲོ་ཡང་། དེའང་རང་ཉིད་ཀྱི་བརྗོད་དུ་མེད་པའི་མྱོང་བ་ཞིག་ཡིན་པས། རང་གིས་མ་རྟོགས་ཤེས་ཐབས་མེད་མོད།། ཡིན་ཡང་འཁོར་བའི་ཀློང་ནས་དེ་གཅིག་པུས་མ་ཆོག་པ་ཅི་ཡོད།
࿐ ང་ཚོ་སྨྲ་ཤེས་ཤིང་དོན་གོ་བ་མིའི་རིགས་སུ་སྐྱེ་བ་ཙམ་ནས་སྲོག་ཆགས་གཞན་དང་མི་འདྲ་བར་ཕྱི་མཐར་ལྟ་བའི་མིག་རྒྱང་གིས་གུ་ཡངས་དང་བཟོད་སྒོམ་བྱེད་པ་ནི་དགོས་ངེས་པའི་ཀུན་སྤྱོད་ཅིག་དང་བསླབས་འོས་པའི་ཡོན་ཏན་ཞིག་ཏུ་གྲུབ་ཟིན་མོད།དེ་ཉིད་ཀྱི་རྩ་བ་དངངས་སྐྲག་དང་གཡོ་སྒྱུ་ཡིས་བྱས་ཡོད་ན་དེ་ནི་གཉའ་ཆགས་པ་དང་བྲོས་བྱོལ་ཞིག་ཏུ་བརྩི་བ་ལས་བཟོད་སྒོམ་ཞིག་གང་ནས་ཡིན།འུ་ཚོ་ཚང་མ་ཕ་མ་ཟུང་གི་ཡ་ཐོད་ཀྱི་མིག་དང་བྲང་ཁོག་གི་སྙིང་ལས་ཀྱང་གཅེས་ཤིང་ཕངས་པ་རེ་རེ་ཡིན་ཕྱིར། ང་ཚོས་ཀྱང་རང་ལ་མི་དགའ་བའི་མི་དང་དཀའ་ཁག་གིས་མདུན་ནས་ནུས་ཤུགས་ཡོད་རྒུ་རྩལ་དུ་སྤྲུགས་ཏེ་སྙིང་ནས་བརྩེ་བའི་ཕ་མའི་གདེང་འཇོག་ལ་བདེན་པ་ར་སྤྲོད་ཅིག་བྱེད་དགོས་པ་ལས། དཔའ་་ཞུམ་ཞུམ་དང་གཉའ་སྒུརསྒུར་བྱེད་དགོས་དོན་གང་ཡང་མེད།
༈ དེང་གི་འགལ་ཟླའི་བོད་པ།
དེང་གི་བོད་རིགས་སྤུན་ཟླ། །
འཁྲུག་རྩོད་དེ་འདྲ་མ་བྱེད། །
མ་འོངས་ཕུ་ནུ་ཚོ་ལ། །
མིག་དཔེ་བཟང་པོ་འཇོག་དགོས། །
དེང་གི་དགེ་རྒན་རྣམ་པ། །
མཚན་སྙན་ཁོ་ནར་མ་བསམ། །
མ་འོངས་ཕུ་ནུ་ཚོ་ལ། །
སློབ་གསོ་རྒྱུད་སྤྲོད་བྱེད་དགོས། །
དེང་གི་སྟག་ཤར་གཞོན་པ། །
ཆང་ཐ་གཉིས་ལ་མ་གཡེང་། །
མ་འོངས་ཕུ་ནུ་ཚོ་ལ། །
ཤེས་རིག་རྒྱུད་སྤྲོད་བྱེད་དགོས། །
དེང་གི་སྨན་ཆུང་བུ་མོ། །
ཞེ་སྡང་དེ་འདྲ་མ་བྱེད། །
མ་འོངས་ཕུ་ནུ་ཚོ་ལ། །
ས་བོན་གཙང་མ་སྤྲོད་དགོས། །
བན་སྒར་སྐལ་བཟང་གིས།
2023.6.5
དེང་གི་བོད་རིགས་སྤུན་ཟླ། །
འཁྲུག་རྩོད་དེ་འདྲ་མ་བྱེད། །
མ་འོངས་ཕུ་ནུ་ཚོ་ལ། །
མིག་དཔེ་བཟང་པོ་འཇོག་དགོས། །
དེང་གི་དགེ་རྒན་རྣམ་པ། །
མཚན་སྙན་ཁོ་ནར་མ་བསམ། །
མ་འོངས་ཕུ་ནུ་ཚོ་ལ། །
སློབ་གསོ་རྒྱུད་སྤྲོད་བྱེད་དགོས། །
དེང་གི་སྟག་ཤར་གཞོན་པ། །
ཆང་ཐ་གཉིས་ལ་མ་གཡེང་། །
མ་འོངས་ཕུ་ནུ་ཚོ་ལ། །
ཤེས་རིག་རྒྱུད་སྤྲོད་བྱེད་དགོས། །
དེང་གི་སྨན་ཆུང་བུ་མོ། །
ཞེ་སྡང་དེ་འདྲ་མ་བྱེད། །
མ་འོངས་ཕུ་ནུ་ཚོ་ལ། །
ས་བོན་གཙང་མ་སྤྲོད་དགོས། །
བན་སྒར་སྐལ་བཟང་གིས།
2023.6.5
✋热门推荐