࿑གསེར་ལྡན་གྲོང་ལ་བསྔགས་པ།

གསེར་ལྡན་རྨ་ཀློང་དལ་གྱིས་འབབས་པའི་འགྲམ།།
ངོ་མཚར་སྡེ་བཞིའི་ས་འཛིན་ལྟེ་བ་རུ།།
ལེགས་པར་བསྐྲུན་པའི་གྲོང་དང་གྲོང་ཁྱེར་གྱི།།
བཀོད་པ་མཐོང་བས་ཡིད་ཀྱི་བརྟན་པ་འཕྲོག།

བྱང་རིའི་དབུ་རྩེར་མཆོད་རྟེན་དཀར་པོ་ཞེས།།
འཇམ་མགོན་ས་པཎ་ཡབ་སྲས་འཕྲིན་ལས་ཀྱི།།
རྣམ་དཀར་ལས་བྱུང་བརྩེགས་རིམ་བདུན་པ་ཡི།།
བདག་ཉིད་ཅན་གྱི་རྒྱལ་མཚན་དགུང་དུ་བསྒྲེངས།།

ལྷོ་ཕྱོགས་ས་འཛིན་པང་དུ་ཆུ་མིག་ལྔའི། །
ཤག་ཤག་བཞུར་རྒྱུན་གྱིས་བསྐྱངས་ཁོར་ཡུག་གི།
ཡིད་འོང་སྐྱེད་མོས་ཚལ་གྱི་མེ་ཏོག་ཚོགས། །
རྣམ་པར་བཞད་པས་རྨད་བྱུང་ལྟ་ན་སྡུག།

སྣ་ཚོགས་རིག་པའི་གནས་ཀྱི་ཡོངས་གཏམས་པའི།།
མཐོ་སློབ་བགྲང་དཀའི་འཕང་བར་བློ་གསལ་ཁྱུ།།
རང་རང་འཇུག་པའི་ལས་ལ་འབད་པ་བརྒྱས།།
ཉིན་མཚན་ཁོར་མོ་ཡུག་ཏུ་ལྷོད་མེད་གཞོལ།།

ཚོང་འདུས་དབུས་སུ་རྒྱུ་འབྱོར་ཡོ་བྱད་དང་།།
འདོད་ཡོན་སྣ་ལྔ་བློ་ཡི་ཡུལ་ལས་འདས།།
འཕྲུལ་རིགས་སྣ་ཚོགས་མཐོང་བའི་མོད་ཉིད་ལ།།
ཡ་མཚན་རྟོག་པའི་རི་མོ་ཅི་ཡང་སྣང་།།

黄河奔流天地间，
孤独白塔守金城，
看似忘我心愿也，
浪花朵朵往回看。
金城兰州有风景优美的白塔山，，有原始森林气息很浓的兴隆山，有与白塔山齐名的五泉山，还有历史悠久的黄河铁桥，它像一条巨龙坐落在黄河两岸，还有现在建造的金碧辉煌、灯火通明的黄河风情线，那又是一个令人置身在欢闹之中的人间仙境。
[咖啡][咖啡][咖啡]

࿑རིག་པའི་དབང་ཕྱུག་ཆེན་མོ་འཇམ་དཔལ་དབྱངས།
བདག་མེད་སློབ་མའི་ཚོགས་ལ་ཐུགས་རྗེས་གཟིཊ།།
མཐོ་རྒྱུགས་དམག་གི་གཡུལ་ས་ཆེན་མོ་ནས།།
རྒྱལ་ཁའི་འབྲས་བཟང་ཐོབ་པར་བྱིན་གྱི་རློབས། ། #有一种无悔叫高三# https://t.cn/z8AfSpu

࿑ སྐད་ཡིག་རེ་བསྐུལ།

མེས་པའི་ཤུལ་བཞག་གནང་བའི་སྐད་ཡིག་དེ། །
ཉམས་ཤིང་ཉག་ཕྲའི་དུས་ཚིགས་ཁེལ་བ་འདི། །
གཞོན་ནུ་ལོ་ཆུང་དག་གིས་གཅེས་སྐྱོངས་ནས། །
བླ་སྲོག་རིན་ཆེན་འདི་ལ་འབད་བརྩོན་རོགས། །

གཞན་སྐད་འདྲ་མིན་ཤེས་ཀྱང་བཟང་མོད་ཀྱི། །
རང་སྐད་སྙིགས་མ་བཞིན་དུ་གཡུག་འཇོག་པའི། །
རུས་རྐང་མེད་པའི་མི་རིགས་ཆགས་བཞིན་པ། །
ཞིབ་ཏུ་བསམ་ན་ཡིད་སེམས་འཕང་བའི་གནས། །

རང་སྐད་མཐོང་ཆུང་བྱེད་པའི་རྒྱབ་ངོགས་བསྐྱུར། །
གཞན་སྐད་བརྩི་མཐོང་ཆེ་བའི་དུས་རབས་ཤིག །
རང་རིགས་བླ་སྲོག་རིན་ཆེན་དགོས་འདོད་འདིར། །
བརྩི་མཐོང་གྱིས་ཤིག་རིགས་ཀྱི་གཞོན་ནུ་རྣམས། །

དུས་རབས་ཉེར་གཅིག་ཁྲོད་ཀྱི་མང་ཚོཊ་ཚོས། །
ཕ་ནོར་འདོད་དགོས་འབྱུང་བའི་རིན་ཆེན་དེ། །
མ་ཉམས་དར་སྤེལ་བགྱིས་ལ་རྒྱུ་འཁྱོངས་ནས། །
གཅེས་སྤྲས་དོ་སྣང་མཛོད་ལ་སྐྱོངས་ཤིག་ཨང་། །