ཧི་མ་ལ་ཡའི་སྒལ་ཚིགས་བརྒལ་པའི་རྐང་རྗེས་དག་དང་ཉི་ཟླའི་སྤྱན་ཟུང་ལས་འཐོར་པའི་མིག་ཆུའི་གོང་བུ་རེ་རེར་ཚང་རྩིས་རྒྱག་བཞིན་གཞི་ནས་ལམ་ལ་ཆས།
—— ཞང་ཞུང་ཉི་ཟླ།
不是所有的路都是直的，包括回家的路。
——象雄尼达 https://t.cn/RIa6kI6

མི་ཕམ་པ།

ཀ་དག་རང་བྱུང་ངོ་མཚར་རྫོགས་སང༵ས་རྒྱ༵ས། །
ཁ་དོག་དབྱིབས་ཚད་ལས་འདས་དམ༵་པའི་ཆོ༵ས། །
ག་བུར་རྒྱུད་བཞིན་དྲི་མེད་དགེ༵་འདུ༵ན་པ། །
ང་ཡི་དཀོན་མཆོག་ཀུན་འདུས་མི་ཕམ་པ། །

ཅ་དག་སྙིང་པོའི་བསྟན་འཛིན་བླ༵་མ༵་མཆོག །
ཆ་ལུགས་ཞི་རྒྱས་དབང་དྲག་ཡི༵་དམ༵་ལྷ། །
ཇ་དྭངས་ཡེ་ཤེས་སྤྱན་ལྡན་མཁ༵འ་འགྲོ༵་མ། །
ཉ་གང་ཟླ་ལྟར་རྩ་གསུམ་མི་ཕམ་པ། །

ཏ་ཐཱ་ག་ཏ་འདས༵་སངས༵་མར་མེ་མཛད། །
ཐ་སྙད་ཆོས་འདས་ད༵་སང༵ས་ཤཱཀྱ་ཐུབ། །
ད་ལྟའི་དུས་རྗེས་འདས༵་སང༵ས་བྱམས་པ་མགོན། །
ན་མོ་དུས་གསུམ་སངས་རྒྱས་མི་ཕམ་པ། །

པ་སངས་སྐུ་ལ་ཤར་བ་སོ༵་སོར་ཐར༵། །
ཕ་རོལ་ཕྱིན་པ་བཅུ་རྫོགས་བྱང་༵ཆུབ་སེམས༵། །
བ་གམ་གོང་མའི་ཐེག་པ་གསང༵་བ་སྔགས༵། །
མ་བཅོས་སོ་བྱང་སྔགས་གསུམ་མི་ཕམ་པ། །

ཙ་ན་ཤེས་རབ་ངོ་བོ་མཁྱེན༵་པའི་ལྷ། །
ཚ་གྲང་སྡུག་ཀུན་བཟོད་པ་བརྩེ༵་བའི་ལྷ། །
ཛ་ཡ་མཐུ་སྟོགས་ཀུན་འདུས་ནུས༵་པའི་ལྷ། །
ཝ་ལེ་མཁྱེན་བརྩེ་ནུས་གསུམ་མི་ཕམ་པ། །

ཞ་སྨྱུང་འཛིན་བཞིན་རྩོམ༵་ལ་ཟླ་བོ་སུ། །
ཟ་ཁ་ཤན་འབྱེད་རྩོད༵་ལ་དོ་ཟླ་སུ། །
འ་འུར་མ་ཡིན་འཆད༵་ལ་འགྲན་ཟླ་སུ། །
ཡ་མཚན་འཆད་རྩོད་རྩོམ་གསུམ་མི་ཕམ་པ། །

ར་གཏུགས་མཛད་པའི་ཐོས༵་པ་ཕུན་སུམ་ཚོགས། །
ལ་ལ་ཙམ་མིན་བསམ༵་པ་ཀུན་ཏུ་བཟང་། །
ཤ་ཞེན་ཏིང་འཛིན་སྒོམ༵་པའི་རྩལ་རྫོགས་པ། །
ས་ཐོབ་ཐོས་བསམ་སྒོམ་གསུམ་མི་ཕམ་པ། །

ཧ་གཉིད་ཡོངས་སུ་སད་པའི་ཕྱག༵་ཆེན་པ། །
ཨ་ཏའི་དགོངས་དོན་རྟོགས་པའི་རྫོགས༵་ཆེན་པ། །
ཧ་གོ་བདེན་གཉིས་མཁྱེན་པའི་དབུ༵་མ་པ། །
ཨ་ཧོ་ཕྱག་རྫོགས་དབུ་གསུམ་མི་ཕམ་པ།

༄༅།། འཇིགས་རུང་སྲིད་པའི་མཚོ་ལས་སྒྲོལ་བའི་གྲུ།།

ཐར་ལམ་དྲི་མེད་བལྟ་བའི་མིག་གཅིག་པོ།།

བླ་མ་སངས་རྒྱས་དེ་ལ་གསོལ་བ་འདེབས།།

ཐེག་མཆོག་ལམ་བཟང་རྙེད་པར་བྱིན་གྱིས་རློབས།།