#佛教[超话]# སངས་རྒྱས་ཀྱིས་བདག་ཉིད་བདག་གི་མགོན་ཡིན་པ་དང་། ཐམས་ཅད་རང་ཉིད་ལ་རགས་ལས་ཡོད་པར་གསུངས་ཤིང་།

དེས་བདེ་བ་དང་སྡུག་བསྔལ་ཞེས་པ་དེ་ཡང་ཕྱིའི་རྐྱེན་ལས་བྱུང་བ་མ་ཡིན་པར།

རང་རྒྱུད་ཀྱི་དགེ་བ་དང་མི་དགེ་བའི་ལས་དེ་དག་ལས་བྱུང་བར་གསུངས་སོ།།#藏传[超话]##格鲁派##问道僧# https://t.cn/8kD4T5b

ཁ་སང་ཀྲུང་གོའི་བོད་ལྗོངས་རྒྱལ་སྤྱིའི་འགྲེམས་ཚོགས་སྐབས་ལྔ་པའི་ཐོག དྲིལ་བསྒྲགས་པུའུ་ཡིས་བཀོད་སྒྲིག་བྱས་པའི་འགྲེམས་ཚོགས་འགྲེལ་བཤད་རྒྱག་མཁན་བུ་མོ་ཞིག་གིས་རྒྱང་ནས་ང་ལ་ལག་གཡུག་བྱེད་ཅིང་འབོད་ཀྱིན་འདུག ང་ཁོ་མོའི་འགྲམ་ལ་སླེབས་སྐབས། བོད་རིགས་ཨ་ཅག་ལོ་བཞི་བཅུ་ཡས་མས་ཤིག་གིས་ལག་པའི་ནང་ང་ཚོའི་འགྲེམས་ཁང་ནང་གི་ཐོན་རྫས་ཏེ། ཀུང་སི་ག་གེ་མོ་ཅིག་གིས་ལས་སྣོན་བྱས་པའི་ཏན་ཤིང་ལབ་ལེབ་ཅིག་ལག་ཏུ་བཟུང་འདུག། མོས་ང་མཐོང་མ་ཐག འདི་བོད་ཀྱི་ཞིང་འབྲོག་ཐོན་རྫས་རེད་དམ་ཟེར། ངས་རེད་ཞུས་པས། མོས་དཱ་བྱས་ན་བོད་ཀྱི་ཐོན་རྫས་འདི་ཚོ་ཚང་མའི་སྒང་ལ་ཐོན་རྫས་དང་འབྲེལ་བའི་བོད་ཡིག་འགྲེལ་བརྗོད་གང་ཡང་མེད་པ་ཅི་ཡིན་ནམ་ཟེར།

ངས་ཁོ་མོར་ང་ཚོས་ཁེ་ལས་ལ་རམ་འདེགས་དང་སྒྲིག་འཛུགས་བྱེད་ནས་ཐོན་རྫས་འགྲེམས་སྟོན་བྱེད་རོགས་བྱས་པ་ལས། ཐོན་རྫས་ཐོན་སྐྱེད་བྱེད་པའི་བརྒྱུད་རིམ་དང་སྐད་ཡིག ཇུས་འགོད་གང་འདྲ་བྱེད་མིན་ཐད་ཐེ་ཇུས་བྱེད་དབང་མེད་ཚུལ་བཤད། མོས་མུ་མཐུད་དེ་ང་ལ་ཐོན་རྫས་དེ་ཚོའི་སྒང་ལ་བོད་ཡིག་འབྲི་མི་འདུག་ཟེར་ནས་འཁང་ར་དང་ལེ་བདའ་དྲག་པོ་བྱས་པས། ང་འུ་ཐུག་ནས་མོ་རང་ལ་ང་ཡང་ཐོན་རྫས་འདི་ཚོའི་སྒང་ལ་བོད་ཡིག་ཡོད་ན་ཅི་མ་རུང་བསམ་གྱིན་འདུག ཡིན་ནའང་གནད་དོན་འདི་ངས་ཐག་ཆོད་པ་ཞིག་མ་རེད་ཞུས་པས། མོ་འོ་ན་སུས་ཐག་ཆོད་ཀྱི་རེད་དམ་ཟེར། ངས་སུས་ཐག་ཆོད་ཀྱི་ཡོད་མིན་མི་ཤེས། ཡིན་ནའང་ང་ནི་གཞི་རིམ་གྱི་ལས་ཀ་བྱེད་མཁན་དཀྱུས་མ་ཞིག་ཡིན། ང་ཚོའི་དབུ་འཁྲིད་ཕྱུ་པ་ལྗང་མདོག་གྱོན་མཁན་དེ་རེད ཁྱེད་རང་ཁོང་ལ་བཀའ་འདྲི་ཞུ་རོགས་ལབ་པས། མོས་ཐོན་རྫས་དེ་ཁྱེར་ནས་ང་ཚོའི་དབུ་འཁྲིད་ཕྱོགས་སུ་ཆས། མོས་བོད་པ་ཞིག་གིས་བོད་ཀྱི་ཞིང་འབྲོག་ཐོན་རྫས་མཐོང་སྐབས་བོད་ཡིག་མཐོང་རྒྱུ་མེད་དུས། མོ་རང་ཉིད་ཀྱི་མི་རིགས་ཀྱི་བརྩེ་དུང་ལ་ཕོག་ཐུག་བྱུང་ཚུལ་དང་། རྒྱལ་སྤྱིའི་རང་བཞིན་གྱི་འགྲེམས་ཚོགས་སྒང་ལ་ཐོན་རྫས་མང་ཆེ་བའི་འགྲེལ་བརྗོད་རྒྱ་ཡིག་གཅིག་པུ་ལས་མེད་པ་ནི་དོན་དངོས་དང་མི་མཐུན་པའི་ནོར་འཁྲུལ་ཡིན་ཚུལ་བཤད་བཅས་བཤད་སོང་། ད་དུང་ལབ་གླེང་མང་པོ་བྱུང་སོང་མོད་འགོད་མི་བདེའོ།

2023/6/18

࿐ཨ་ཕའི་བརྩེ་བ་རི་བོ་ལྟར་བརྟན་པས།
ང་ལ་བརྟེན་ས་བརྟན་པོ་ཞིག་ཡོད།
ཨ་ཕའི་བརྩེ་བ་ནི་མཐའ་མེད་པས།
ང་ལ་མི་ཟད་པའི་དྲན་གདུང་སྟེར།
ངའི་སྙིང་ཉེ་བའི་ཨ་ཕ་ལགས།
ཁྱེད་དྲན་པའི་སེམསཔ་སྐྱོ་བས་མནར།
དྲན་དྲག་པའི་མིག་ཆུ་ཡང་ཡང་ཤོར།།

གནམ་འོག་གི་ཕ་རྒན་ཡོངས་ལ་ནད་མེད་ཚེ་རིང་ཡོང་བར་སྨོན།༣༠