བདེ་སྐྱིད་ཀྱི་ས་བོན་རང་ལག་ན་ཡོད་པས། གོ་སྐབས་བཟང་པོ་རང་གིས་མི་བསྐྲུན་པར།
རེ་སྟོང་དང་འཁང་རས་མི་ཚེ་སྐྱེལ་བ་ནི། མི་ཚེའི་རང་སྡུག་རང་གིས་བཟོས་པ་དང་འདྲ།

࿐ཁྱབ་བདག་རྫོགས་ཆེན་པའི་གསུང་ལས་དྲངས།
虽然幸福的种子是把握在自己手中的，但不去创造良机，总在幻想和抱怨中度日，这样的人生等同于自讨苦吃。

【

大圆满尊者白玛格桑法王】

࿐ཡིག་རྙིང་འདི་ནི་ཨོའུ་རྒྱའི་ཨ་ཁུ་སང་ངམ་ཨ་ཁུ་དབང་ཁོ་ལགས་ཀྱི་ཕྱག་བྲིས་ཞིག་སྟེ།ཁོང་དབྱངས་ཅན་མའི་རྗེས་སུ་བཟུང་ནས་རྟགས་མཚན་ཁྱད་པར་ཅན་མངོན་དུ་གྱུར་བར་མ་ཟད་ཉམ་སྣང་ལ་དམ་ཅན་རྡོ་རྗེ་ལེགས་པས་སྣག་ཚ་སྦྱིན་ཞིང་དུས་དེ་ནས་བཟུང་གཟབ་བྲིས་དང་བ་བྲིས་སོགས་ལ་དག་མགྱོག་སྙོམས་གསུམ་ཚང་བའི་བྲིས་པ་ཆེན་པོ་ཞིག་ཡིན་པར་འདུག་གོ།

࿐ ཚེས་ལྔའི་སྐར་ཚོགས།
ལྷིང་འཇགས་ཀྱི་མཚན་ཁུང་འདིར།།
ཁྱེར་རྐྱང་གི་སྣང་བའི་ཁམས་སུ།།
དགུང་སྔོན་གྱི་སྐར་ཚོགས་ལྷན་དུ།།
འདས་དོན་གྱི་རང་བརྙན་འཁོར་བྱུང་།།

སྐར་ཚོགས་དག་ཕ་མར་འཁྲུལ་སྐབས།།
དྲིན་ལན་གྱི་ལན་འཆར་ཙམ་ལས།།
མི་དབང་གི་གཞན་ཡུལ་འཁྱམས་ཏེ།།
རང་གྲུབ་གྱི་འཕྲལ་དོན་རྐྱང་ངོ་།།

སྐར་ཚོཊ་དག་སྤུན་མཆེད་འཁྲུལ་སྐབས།།
བཤད་རྒྱུན་གྱི་ཚིག་བརྡ་འགའ་ལས།།
སྙུགས་མ་ཡི་དམ་བཅའ་བརླག་སྟེ།།
རང་དགའ་ཡི་གང་སྐྱིད་གོམས་སོང་།།

སྐར་ཚོཊ་དག་དགའ་ཉེར་འཁྲུལ་སྐབས།།
མཛའ་གྲོགས་ཀྱི་ཚིག་མཐུན་ཙམ་ལས།།
བློ་དཀར་གྱི་གཞུང་དྲང་ཉམས་ཏེ།།
རང་འགལ་གྱིས་ལས་ལ་རོལ་སོང་།།

སྐར་ཚོཊ་དག་བརྩེ་གྲོགས་འཁྲུལ་སྐབས།།
འགྲུལ་བཞུད་ཀྱི་མཉམ་རོགས་ཙམ་ལས།།
གདུང་བ་ཡི་དགའ་བརྩེ་དོར་ཏེ།།
རང་རང་གི་གཅེས་འཛིན་མངོན་སོང་།།

སྐར་ཚོགས་ནི་ཕར་ཚུར་འགྲོ་བཞིན།།
འཁྲུལ་སྣང་གི་དབྱིངས་ལས་མི་སྣང་།།
མི་ཚེ་ཡང་དགའ་སྡུག་མྱོང་བཞིན།།
ཀུན་རྫོབས་ཀྱི་ཆ་ཤས་ལས་མ་འདས།། །།

༢༠༢༣ ༦ ༢༡