ཀུན་མཁྱེན་བླ་མའི་མཁྱེན་རབ་འོ་མཚོ་ལས། །
ལེགས་འཁྲུངས་སྔོན་མེད་བསྟན་བཅོས་ཡིད་བཞིན་ནོར། །
སྐལ་ལྡན་བློ་གསལ་བདུད་རྩིས་ཚིམ་མཛད་པའི། །
འདྲེན་མཆོག་དམ་པ་ཉིད་དེ་ཕྱག་གི་ཡུལ། །

རྨི་ལམ།

ཁམས་བཟང་མོ།

ང་ལ་རྨི་ལམ་ཞིག་ཡོད
དེ་ནི་དཔྱིད་ཀ་ཞིག་ཡིན
དེ་ནི་དཔྱིད་ཀའི་ཉིན་གུང་ཞིག་ཡིན
དེ་ནི་དྲོ་འཇམ་གྱི་བསིལ་རླུང་ལྡང་བའི་ཉིན་ཞིག་ཡིན

ཉིན་གུང་དེར
ང་ལ་བློ་གྲོས་ཀྱིས་བརྩེ་བ་དེ་བརྒལ་ཡོད་ན་བསམ
དྲན་བྱ་གང་མང་མང་དང་འགྲོགས་ནས
ཁྱེད——ཐུག——ན——བསམ

ཡིན་ནའང
ངའི་སྙིང་གཏམ་འདི་དག་གིས
ཕུལ་བྱུང་དང་འཆར་གཞི་འདུས་པའི་ཁྱེད་ལ
ཡུན་ཙམ་གྱི་རྩེད་ཆས་ཤིག་ཏུ་གྱུར
ངས་ད་ཐེངས་དྲན་བཞིན་དྲན་བཞིན
ཡིད་སེམས་ཤོར་བའི་ཁྱེད་ལ
འཚམས་འདྲི་ཙམ་ཡང་ཞུ་ན་མི་ནུས

འདི་ཙམ་གྱིས་ང་ཟེར་བ་ཞིག
རེ་སྒུག་དང་ཡིད་ཆེས་ཀྱི་བཅངས་བའི་རྨི་ལམ
ཡོངས་སུ་ཕམ་སོང

2023.03.04

མ་རིག་པ་ཡོད་པས་སྡུག་བསྔལ་བྱུང་བ་ཡིན་ཏེ། འཁྲུལ་བ་དང་། ཐེ་ཚོམ། སྲེད་པ། ཞེ་སྡང་། ང་རྒྱལ། ཧམ་སེམས། ཕྲག་དོག འཇིགས་སྣང་སོགས་ཀུན་གྱི་རྩ་བ་མ་རིག་པས་སོ།
无明 而有苦 误解 忧虑 贪婪 愤怒 傲慢 妄想 嫉妒 恐惧 都是源于无明！
———佛陀