བཀའ་གདམས་ཀྱི་སྐྱེས་བུ་དམ་པ་རྣམས་ཀྱི་གསུང་བགྲོས་ཐོར་བུ།

སོ་གཉིས།
དགེ་བཤེས་ཤྭ་བོ་བས་བདག་འཆོག་མཛད་པ། ཆོས་པ་གཞན་ལ་བསྙེན་བཀུར་བྱེད་པ་མཐོང་ན་ཁོས་མི་བཟོད་པ་འདི། མཐོན་པོ་ལ་བྱམས་ལ་དམའ་མོ་ལ་སྡང་བ་འདི། ཚེ་ཕྱི་མའི་གཏམ་རྣ་བར་མི་སྙན་པ་འདི། གཞན་གྱིས་སྐྱོན་བཅོས་ན་ཀོ་ལོང་དམ་པ་འདི། སྡིག་པ་གཞན་གྱིས་མ་ཚོར་བས་ཆོག དགེ་བ་གཞན་གྱིས་ཚོར་དགོས་པ་འདི། ཕྱིའི་སྤྱོད་ལམ་ལེགས་ན་ནང་གི་སེམས་རྒྱུད་མ་ལེགས་ཀྱང་ཆོག་པ་འདི། ཟང་ཟིང་འདོད་པ་བསྒྲུབ་པ་ལ་བདེ་སྐྱིད་བྱེད་པ་འདི། བདེ་བ་ནང་ནས་མི་འཚོལ་བར་བདེ་བ་ཕྱི་ནས་ཚོལ་བ་འདི། སངས་རྒྱས་ཀྱི་རྗེས་སུ་སློབ་པར་དམ་བཅས་ནས་འཇིག་རྟེན་པའི་རྗེས་སུ་སློབ་པ་འདི། བྱང་ཆུབ་སེམས་དཔའ་རྣམས་དང་གྲོས་མཐུན་བྱས་ནས་དམྱལ་བའི་ཟོང་ཚགས་བྱེད་པ་འདི། ལུས་ལོངས་སྤྱོད་དུས་གསུམ་གྱི་དགེ་བ་སེམས་ཅན་ལ་བསྔོས་ནས་ང་བདག་མི་གཏོང་བ་འདི། སྡིག་པའི་གྲོགས་པོ་བྱམས་པ་འདི་ཕུང་བའི་སྣ་འདྲེན་ཡིན་པར་མ་གོ་བ་འདི། དགེ་བའི་གྲོགས་པོ་སྡང་བ་ཕན་འདོགས་པར་མ་གོ་བ་འདི། ཡིན་མིན་ལ་དུས་མང་བོ་འདའ་ཡིས་མི་དང་ཀླེ་བོ་མ་བྱེད། སྲེད་པ་མང་བོ་འཕེལ་གྱིས་ཡིད་ཀྱིས་རྒྱལ་སྲིད་མ་སྐྱོང་། ཁེ་བས་ཉེན་ཆེ་བས་ཁས་ལེན་ལ་མ་དགའ། དོན་མེད་དགེ་སྦྱོར་འཆག་གིས་བྱ་བ་མ་མང་། ཞེས་ཐུགས་ལ་ཁྲེལ་བདས་ཤིང་གྲོས་བཏབ་པའོ། །

ཇོ་བོ་རྗེའི་བཀའ་བརྒྱུད་ཀྱི་སྐྱེས་བུ་དམ་པ་རྣམས་ཀྱི་སྙིང་གཏམ། བཀའ་གདམས་རྣམས་ཀྱི་ཞལ་གདམས་ཁ་འཐོར་བ་རྣམས་བཙུན་པ་ལྕེ་སྒོམ་གྱིས་ཅུང་ཟད་བསྡུས་ནས་ཕྱོགས་གཅིག་ཏུ་བཀོད་པའོ། །

མུ་འགོད། https://t.cn/z8Ac3wc

སྤྲིན་འབྱུང་གི་མཛེས་སྡུག མཐོང་བྱེད་ཀྱི་ལོངས་སྤྱོད།
དབུས་འགྱུར་གྱི་གྲུ་ཆར།

ཡིད་སེམས་ཀྱི་དྲོད་ཁོལ།
བསྐྱར་ཟློས་མེད་པའི་སླར་བྱུང་གི་ལྟེབས་ཁུག་ནས།
དབྱར་སྣྲོན་ཟླའི་མཚར་སྡུག་འོད་ཆགས་བཞིན་འཇམ་ཞིང་པདྨ་ལྟར་མཉེན།
དུས་ཡུན་རིང་པོར་བྲེལ་རྟབ་ལ་དབང་གྱུར་བའི་ལུས་སེམས་ཀྱི་ངལ་དུབ་དབོག།
སྐད་ཅིག་མར། ཉིད་ཀྱང་འབྱུང་བཞིས་གྲུབ་པའི་ས་འཛིན་ཨུ་དུམ་ཝ་ར་བཞིན་ལོ་ཟླའི་སྙིང་ཁར་བཞད་།
#དབྱར་ཕ་མ་འདྲ་བོ་ཞིག་འཇབ་ཀྱིན་འཇབ་ཀྱིན་ཐོན་ཐལ།

ཁྱེད་ཀྱིས་བདག་ལ་འོད་སྣང་སྟོང་ལྡན་གྱི་ལམ་ཆེན་རེ་རེ་མི་སྟོན་རོགས། ལམ་ཆེན་འདི་རུ། ཁྱེད་ཀྱིས་བདག་ལ་གནང་བའི་ཀ་ར་དང་། མེ་ཏོག  གཟེངས་རྟགས་སོགས་ཡོད་པ་བདེན་མོད།  ཡིན་ནའང་།  ང་ནི་དུས་གསུམ་ཀུན་ཏུ་རང་གི་བསམ་པ་བཞིན་འཚོ་ཞིང་། འདོད་པ་ལྟར་འཆི་བར་མོས།