སྙིང་ཉེ་ལགས།
ངའི་བཞུར་ཟིན་པའི་མིག་ཆུའི་ཐིགས་པ་རེ་རེས།
བརྗོད་མ་ཐུབ་པའི་སེམས་ཀྱི་སྐད་ཆ་རེ་རེ་དང་།
ངེད་གཉིས་ཀྱི་བརྩེ་བའི་ཡང་སྙིང་མཚོན།

༢༠༢༣ . ༧ . ༧

བེམ་པོས།

༄༅། །བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས།
བྱེ་མའི་ཁང་བུ་རྡིབ་གྱུར་ན། །
བྱིས་པ་རྣམས་ནི་ག་ཆད་ངུ་། །
དེ་བཞིན་བསྟོད་དང་གྲགས་ཉམས་ན། །
རང་གི་སེམས་ནི་བྱིས་པ་བཞིན། །
༢༠༢༣/༧/༧

རི་བོ་ནི་བྱམས་སྐུ་དང་བྱམས་སྐུ་ནི་རི་བོ་ཡིན་ཞེས་པ་ནི།
 ལི་ཧྲན་རི་བོའི་བྱམས་པ་ཆུ་གཟིགས་མ་ནི་སི་ཁྲོན་ཞིང་ཆེན་ལི་ཧྲན་གྱི་མེན་ཅང་གཙང་བོའི་ཤར་ངོགས་དང་། ལིན་ཡུན་ཧྲན་རི་བོའི་ནུབ་ངོས། མེན་ཅང་གཙང་བོ། ཆིན་ཡིས་ཆུ་བོ། དར་མདོ་ཆུ་བོ་སྟེ་ཆུ་བོ་རྣམ་གསུམ་གྱི་འདུས་མདོ་ན་བཞུགས་ཤིང་། ལིན་ཡུན་ཧྲན་རི་བོའི་ཆིས་ལོན་རི་ཟོམ་ལ་བརྟེན་ནས་བརྐོས་པའི་རྗེ་བཙུན་བྱམས་མགོན་གྱི་བཞུགས་སྐུ་ཞིག་ཡིན་པར་བརྟེན། མཚན་གཞན་ལ་ལིན་ཡུན་བྱམས་ཆེན་ཡང་ཟེར། བྱམས་ཆེན་དེ་ཐང་ཁེ་ཡོན་ལོར་༼ སྤྱི་ལོ་༧༡༣༽ཧྭ་ཤང་ཧེ་ཐོང་ཟེར་བས་བཞེངས་མགོ་བརྩམས་ཤིང་། ཅན་ནན་ཞིས་ཁྲོན་ཅེ་ཏོའུ་ཧྲི་ཝེ་ཡིས་ཀྲིན་ཡོན་བཅུ་དགུ་ལོར་༼སྤྱི་ལོ་༨༠༣༽བཞེངས་ཚར། སྔ་ཕྱིར་ཧ་ལམ་ལོ་ངོ་དགུ་བཅུར་བཟོ་སྐྲུན་བྱས་པ་རེད། བྱམས་ཆེན་གྱི་དབུ་རི་རྩེ་དང་མཉམ་ཞིང་ཞབས་གཙང་བོའི་སྟེང་ལ་བཀོད་འདུག སྐུའི་མཐོ་ཚད་ལ་སྨིད་༧༡དང་། དབུའི་མཐོ་ཚད་ལ་སྨིད་༡༤དང་༧ཡོད། ཞལ་གྱི་ཞེང་ཚད་ལ་སྨིད་༡༠ཡོད། ཕྲག་ཞེང་ལ་སྨིད་༢༤ཡོད། སྤྱན་གྱི་རིང་ཚད་ལ་སྨིད་༣དང་༣ཡོད། སྙན་གྱི་རིང་ཚད་ལ་སྨིད་༧སོགས་ཡོད། སྙན་གྱི་དཀྱིལ་དབུས་ནས་མི་གཉིས་གཤིབ་ནས་ལངས་ཆོག་པ་དང་། དབུ་སྟེང་དུ་ཅོག་ཙེ་གཅིག་བཞག་ཆོག ཞབས་ཀྱི་མཐའ་སྐོར་དུ་མི་བརྒྱ་ཕྲག་བསྐོར་ནས་བསྡད་ཆོག་པས་ན། འཛམ་གླིང་གི་ཆེས་ཆེ་བའི་རྡོ་བརྐོས་བྱམས་སྐུ་ཞིག་ཡིན། བྱམས་སྐུ་དེ་ཞི་ཞིང་དུལ་བ་དང་རྔམ་བརྗིད་ཟིལ་ཤུགས་ལྡན་པ་ཞིག་རེད། https://t.cn/RJZAGbg