མི་ལོ་ཉིས་སྟོང་ལྔ་བརྒྱའི་སྔ་རོལ་གྱི་དེ་རིང་གི་དུས་ཚོད་འདིར། སྟོན་པས་ཡུལ་ཝ་ར་ན་སིར་། འཁོར་ལྡ་སྡེ་བཟང་པོ་ལ།

འགྲོ་བ་རྣམས་ཀྱིས་དང་པོར་རང་གི་སེམས་ནང་གི་སྡུག་བསྔལ་ཤེས་པར་བྱ་དགོས་པ་དང་།

དེ་ནས་སྡུག་བསྔལ་དེའི་རྒྱུ་ཀུན་འབྱུང་དེ་འདོད་ཆགས་ཞེ་སྡང་གཏི་མུག་སོགས་ཀྱི་བསམ་བློ་མ་རུང་བ་རྣམས་སྤངས་དགོས་པ། དེ་དག་སྤོང་ཐབས་ཀྱི་ལམ་ལ་བསྟེན་དགོས་པ། མཐར་སྡུག་བསྔལ་དེ་དག་ལས་གྲོལ་བའི་བདེ་བ་དམ་པ་མངོན་དུ་འགྱུར་བའི་སེམས་ཁམས་སློབ་གསོ་ཁ་གསལ་གོ་བདེ་འདི་འདྲ་ཞིག་གནང་ཡོད།།

མི་མཇེད་བདག་པོ་ཚངས་པ་ཆེན་པོ་ཡིས།།
རྩིབས་སྟོང་གསེར་གྱི་འཁོར་ལོ་ཕུལ་ཏེ་བསྐུལ།།
ངོ་མཚར་རྨད་བྱུང་འཕགས་པའི་བདེན་པ་བཞིའི།།
ཆོས་ཀྱི་འཁོར་ལོ་བསྐོར་ལ་ཕྱག་འཚལ་ལོ།།

དེ་རིང་ནི་བོད་ཟླ་དྲུག་པའི་ཚེས་བཞི་སྟེ་སྟོན་པ་ཐུབ་པའི་དབང་པོས་ཡུལ་ཝཱ་རཱ་ཎ་སཱི་དྲང་སྲོང་ལྷུང་བ་རི་དྭགས་ཀྱི་ནགས་སུ་འཁོར་ལྔ་སྡེ་བཟང་པོར་བདེན་པ་བཞིའི་ཆོས་འཁོར་ཐོག་མར་བསྐོར་བའི་དུས་ཆེན་ཡིན། [鲜花]

དྲུག་པའི་ཚེས་བཞི་ནི།

བདག་ཅག་གི་སྟོན་པ་མཉམ་མེད་ཐུབ་པའི་དབང་པོ་མཆོག་ས་ག་ཟླ་བའི་ཚེས་བཅོ་ལྔར་མངོན་པར་རྫོགས་པ་སངས་རྒྱས་ཏེ། གདུལ་བྱ་གདུལ་བའི་དུས་ལ་མ་བབས་པའམ་བསམ་གྱི་མི་ཁྱབ་པའི་ཆོས་ཉིད་དེ་གཞན་ལ་བསྟན་ནའང་དོན་ཁོངས་སུ་ཆུད་དཀའ་བར་གཟིགས་ནས་མི་སྨྲའི་རྟུལ་ཞུགས་ངང་ཞག་༤༩སྐུ་མཚམས་ལ་བཞུགས་པ་རེད། དེ་ནས་ལྷ་ཡི་དབང་པོ་རྒྱལ་སྦྱིན་དང་ཚངས་པས་ཆོས་འཁོར་བསྐོར་བར་གསོལ་བ་བཏབ་པ་ལྟར་ཞལ་བཞེས་གནང་སྟེ་འཁོར་ལྔ་སྡེ་བཟང་པོར་༼ འཁོར་ལྔ་སྡེ་བཟང་པོ་སྟེ་ཀུན་ཤེས། ཀོའུ་ཌི་ཡ་ན། རྟ་ཐུལ།རླངས་པ། མིང་ཆེན། བཟང་ལྡན་བཅས་སོ།།༽བཀའ་དང་པོ་བདེན་པ་བཞིའི་ཆོས་ཀྱི་འཁོར་ལོ་བསྐོར་བ་ཡིན་པས་ང་ཚོས་དམིགས་བསལ་གྱི་དུས་ཆེན་འདི་ངེས་པར་སེམས་ལ་ཡོད་དགོས་པའི་གནས་སོ།今天佛教最殊胜初转法日，大家祈祷做善