ཁྱེད་ལ་དགའ་ཞིང་དད་པ་བྱུང་བ་ནི། །
ཐོབ་དང་གོ་ས་མཐོ་བས་མ་ཡིན་ལ། །
མཚན་དང་སྙན་གྲགས་ཆེ་བས་དེ་ལས་མིན། །
ཤེས་འཇོན་གཉིས་དང་ལྡན་པས་བདག་ཡིད་འཕྲོག །
དགེན་པད་བློ་ནས།[鲜花][鲜花][鲜花]

ཕ་ཡུལ

མདོག་གསུམ་པདྨ

འབའ་སྡོང་།
གདོད་མའི་ཞལ་མདངས་ལ་བརྡ་རྙིང་གི་བྱུང་རབས་གསལ
རང་བྱུང་གི་ནགས་ཚལ་ཁྲོད་དུ
གསེར་མདོག་གི་སྲུང་འཁོར་བསྣམས་པའི་མི་ཚོགས་ཏེ
ཁྱོད་ཀྱི་མིང་ལ སེར་པོ་པདྨ་ཞུ

སྐྱེས་མཆོག་ཚོའི་ཕྱག་ཞབས་རྐྱོང་སའི་རི་ཚོགས་ལས
ནམ་མཁའ་ཡང་འབྲོག་མིའི་སྤྱན་རས་ལྟར་ལྗང
འཁོར་བའི་ལྷུང་བཟེད་དུ
རང་ལག་གི་རྔུལ་ཆུ་ལ་ལྗང་མྱུག་གི་བྱིན་རླབས་འཚེར
ཁྱོད་ཀྱི་མིང་ལ

ལྗང་ཁུ་པདྨ་ཞུ

པདྨ

མཛེས་སྡུག་གི་བཞད་འཕྲོ
ཁ་ཐོར་བའི་རུ་དཔུང་དེས
འགྲོ་ཞོར་ལ་རྡོག་པས་བརྫིས་པ་དེ་ཅི་ཞིག་ཡིན་ནམ
དམར་ལྷབ་ལྷབ་འཕྱོ་བའི་རྔམ་ཟིལ་གྱིས
བསིལ་རླུང་གི་རྒྱུ་བ

འུ་གཉིས་ཀྱི་བར་སྣང་དུ་དཀག

ད་ཆར་ཁྱོད་ཀྱི་མིང་ལའང དམར་པོ་པདྨ་ཟེར་སྐད

ཕ་ཡུལ་ཨ

དུས་ཀྱི་ཡང་མཐའ་ཞིག་ལ
ཡུལ་གདུང་གིས་མནར་བའི་ངའམ་སུ་ཞིག་གིས
ཁྱོད་ཀྱི་མིང་ལ

དམར་པོའི་པདྨ་ཞུ་ཟེར་ཞིང
ལྗིད་ཏིག་ཏིག་གི་སྙན་ངག་ཅིག་ཀྱང་འབྲི་སྲིད་དམ

༢༠༢༣/༨/༡༠

དུས་ཚོད་ནི་རིང་བའི་ཚོད་ལ་མཐའ་མི་དཔོག་པ་ཞིག་དང་།ཐུང་བའི་ཚོད་ལ་ཆ་མེད་ཆ་རུ་བགྲང་བའི་ཐུང་ཐུང་ཞིག་ཡིན་པས། དུས་ཚོད་དོན་ལྡན་དུ་གྱུར་པ་མི་ཚེའི་རིན་ཐང་ཡིན་པ་དང་། ཆུད་ཟོས་སུ་ཤོར་བ་རྗེས་འགྱོད་ཀྱི་གཞི་མ་ཡིན།
གཞན་ལས་བཤུས།