བླ་རུང་དུར་ཁྲོད་མཇལ་བའི་སྐབས།།
དབང་མེད་མིག་ཆུའི་ཕྲེང་ཐག་ཆད།།
སྐྱོ་དང་ངེས་འབྱུང་རྒྱུད་ལ་སྐྱེས།།
འཆི་ཆོས་དྲན་པས་ཆོག་པར་འདུག།
ཡོད་ན་དེས་ཆོག་མེད་ན་རྡུགས།།
ནམ་ཡང་མི་འདོར་སྙིང་ལ་ཆོངས།།
༨-༡༥
དབང་མེད་མིག་ཆུའི་ཕྲེང་ཐག་ཆད།།
སྐྱོ་དང་ངེས་འབྱུང་རྒྱུད་ལ་སྐྱེས།།
འཆི་ཆོས་དྲན་པས་ཆོག་པར་འདུག།
ཡོད་ན་དེས་ཆོག་མེད་ན་རྡུགས།།
ནམ་ཡང་མི་འདོར་སྙིང་ལ་ཆོངས།།
༨-༡༥
ཁ་སང་ཕྱི་དྲོ་དཔལ་རྒྱལ་བ་དཔལ་ཡུལ་ཞེས་སུ་གྲགས་པ་རྗེ་འབངས་ཉེར་ལྔའི་ནང་ཚན་རྨ་རིན་ཆེན་གྱི་སློབ་མས་ཕྱག་བཏབ་པ། དངོས་སུ་རིག་འཛིན་ཀུན་བཟང་ཤེས་རབ་ཀྱིས་སྲོལ་ཕྱེ་ནས་བཀའ་གཏེར་གཅིག་འདྲེས་ཀྱི་ཆོས་བརྒྱུད་བྱུང་ས། རྙིང་མའི་གདན་ས་དྲུག་གི་ཡ་གྱལ་སྨད་ན་ཀ་དཔལ་གཉིས་ཞེས་སུ་གྲགས་པ། རྙིང་མའི་ཆོས་སྡེ་དཔལ་ཡུལ་དགོན་ཞེས་བླ་མེད་ཡོ་ག་གསུམ་གྱི་བརྒྱུད་པ་འཛིན་ཞིང་། གྲུབ་དབང་པདྨ་ནོར་བུ་སོགས་སྐྱེས་ཆེན་བཞུགས་གནས་མཇལ།
༄༅། ། ཟླ་དྲུག་པའི་སྲོད་མཚམས་ཉུལ་བ།
ཤར་རིའི་རྩེ་ན་མཆེད་པའི་ཉིན་བྱེད་ཀྱི་ཁྲི་གདུགས། །
ཕངས་མེད་འོད་དཀར་བསྩལ་ནས་ནུབ་རི་ལ་འཕགས་སོང་། །
དྲུག་འགྱུར་དབྱངས་རྟ་སྒྲོག་པའི་མཁའ་སྙེབ་ཀྱི་བྱ་ཁྱུ། །
རང་རང་སྒྲོ་ཟུང་བརྐྱངས་ནས་གནས་ཚང་ལ་འཕུར་ཟིན། །
གནམ་སྔོན་དབྱིངས་ན་མཚེར་བའི་རྒྱུ་སྐར་གྱི་གྲངས་ཀ །
གཅིག་ལས་ཉིས་འབྱུང་འཕེལ་བ་བགྲང་ཚོད་ཅིག་མ་བྱུང་། །
མུན་པའི་ཡོལ་བ་འཐེན་པའི་ས་ཆེན་གྱི་ཕང་ན། །
མིག་གོང་མཁའ་རུ་ཕྱོགས་པའི་རི་སྐྱེས་ཀྱི་ཚོགས་དག །
ས་མཐའི་སྨག་ལ་བལྟས་ཀྱིན་སེམས་རྩ་ནི་གཉོམ་སོང་། །
འགྲོ་འདུར་རྒྱུ་བ་དལ་བས་སྙིང་ཁམས་ཀྱང་མ་བདེ། །
ཟླ་བསིལ་རེག་གིས་གྲང་སྙོམས་རླུང་ཁ་ནི་སྦྱིན་ཡང་། །
ཟློག་མེད་འདས་དོན་ཞིག་གིས་དྲན་པ་དེ་གསོས་ཡོང་། །
གསལ་ལ་མི་གསལ་ཕར་རིིའི་སྦྲ་གུར་གྱི་ཁ་ཚུབ། །
ལྷོད་ལྷོད་དུད་སྤྲིན་འཐིབས་པའི་རྒྱུ་འགྲུལ་དེ་མཐོང་ན། །
འུར་འུར་གཏམ་གྱིས་འགེངས་པའི་ཐབ་ཚང་གི་མཐའ་རུ། །
བརྩེ་བའི་ཕ་ཁྱིམ་འཛོམས་པའི་དཔུང་རྡང་དེ་དོམ་པ། །
ང་དང་གྲོགས་མེད་བྱང་མཐའི་བྱེའུ་ཆུང་གི་ལས་དབང་། །
སུ་ལ་བཤད་ཀྱང་སྐྱོ་བའི་ཤུགས་རིང་ནི་ལོས་འཕེན། །
ན་ཆུང་ལང་ཚོ་ཕྲ་བའི་བྱིས་དུས་ཀྱི་མཚམས་སུ། །
ཁྱེད་དང་གྱེས་པའི་སྲོད་ཀྱི་ཁ་དོག་ནི་འདི་བཞིན། །
ཏབ་ཅིག་སེམས་པ་དལ་བས་སྒེའུ་ཁུང་གི་ཕྱི་རུ། །
ཅེར་བཞིན་འདས་སོང་དྲན་པའི་སྣང་འབུམ་ལ་བསམ་ན། །
སྨྲེང་བའི་ཞེ་ངོར་སྡུག་གི་མུན་པ་ཞིག་འཁྲིགས་པ། །
སུ་དང་མཉམ་དུ་བཟློ་བའི་ཚེ་གྲོགས་ཀྱང་མ་རྙེད། །
སྲོད་ཀྱི་ལྷིང་འཇགས་རོལ་བའི་འབྲོག་ཐང་གི་ལུང་པར། །
ཕྲ་ཚོམས་གློག་གི་འགྱུ་བ་སྒྲོན་འོད་ཀྱིས་ཁྱབ་ཀྱང་། །
ང་ལ་ཡུག་གཅིག་གློག་གི་སྣང་བ་དེས་ཅི་བྱ། །
དྲན་པའི་སྨག་རུམ་བསལ་བའི་ཚེ་འབར་ཞིག་སྒོམ་དགོས། །
སྒོམ་བཞིན་སྒོམ་བཞིན་ཞལ་འཁོར་མིག་ལམ་དུ་གསལ་ཡོང་། །
བསམ་གྱིན་བསམ་གྱིན་དྲན་པ་རི་རབ་ལས་ལྗིད་ཡོང་། །
དྲན་བཞིན་དྲན་བཞིན་ཡིད་ཀྱི་གཏིང་རུམ་དུ་འཁྱིལ་བའི། །
ན་ཟུག་མྱ་ངན་མཚོ་འདིར་ཟབ་ཚད་ཅིག་ཡོད་དམ། །
དེ་ལྟར་སྨྲེ་ངག་འདོན་བཞིན་སྲོད་མཚམས་སུ་ཉུལ་ན། །
རང་སེམས་སྨུག་ལོང་གཏིབ་པ་ཇེ་ཟབ་ནས་ཇེ་མང་། །
དེའི་ཕྱིར་དྲན་པ་གཡེང་བའི་ཚིག་སྦྱོར་བའི་རོལ་གར། །
ངོས་གཙང་ཤོག་ལྡེབ་ཞལ་དུ་སྨྱུག་རྩེ་ནས་སྐྱུག་འདོད། །
༢༠༢༣ ༦ ༢༧ https://t.cn/R2WxDVJ
ཤར་རིའི་རྩེ་ན་མཆེད་པའི་ཉིན་བྱེད་ཀྱི་ཁྲི་གདུགས། །
ཕངས་མེད་འོད་དཀར་བསྩལ་ནས་ནུབ་རི་ལ་འཕགས་སོང་། །
དྲུག་འགྱུར་དབྱངས་རྟ་སྒྲོག་པའི་མཁའ་སྙེབ་ཀྱི་བྱ་ཁྱུ། །
རང་རང་སྒྲོ་ཟུང་བརྐྱངས་ནས་གནས་ཚང་ལ་འཕུར་ཟིན། །
གནམ་སྔོན་དབྱིངས་ན་མཚེར་བའི་རྒྱུ་སྐར་གྱི་གྲངས་ཀ །
གཅིག་ལས་ཉིས་འབྱུང་འཕེལ་བ་བགྲང་ཚོད་ཅིག་མ་བྱུང་། །
མུན་པའི་ཡོལ་བ་འཐེན་པའི་ས་ཆེན་གྱི་ཕང་ན། །
མིག་གོང་མཁའ་རུ་ཕྱོགས་པའི་རི་སྐྱེས་ཀྱི་ཚོགས་དག །
ས་མཐའི་སྨག་ལ་བལྟས་ཀྱིན་སེམས་རྩ་ནི་གཉོམ་སོང་། །
འགྲོ་འདུར་རྒྱུ་བ་དལ་བས་སྙིང་ཁམས་ཀྱང་མ་བདེ། །
ཟླ་བསིལ་རེག་གིས་གྲང་སྙོམས་རླུང་ཁ་ནི་སྦྱིན་ཡང་། །
ཟློག་མེད་འདས་དོན་ཞིག་གིས་དྲན་པ་དེ་གསོས་ཡོང་། །
གསལ་ལ་མི་གསལ་ཕར་རིིའི་སྦྲ་གུར་གྱི་ཁ་ཚུབ། །
ལྷོད་ལྷོད་དུད་སྤྲིན་འཐིབས་པའི་རྒྱུ་འགྲུལ་དེ་མཐོང་ན། །
འུར་འུར་གཏམ་གྱིས་འགེངས་པའི་ཐབ་ཚང་གི་མཐའ་རུ། །
བརྩེ་བའི་ཕ་ཁྱིམ་འཛོམས་པའི་དཔུང་རྡང་དེ་དོམ་པ། །
ང་དང་གྲོགས་མེད་བྱང་མཐའི་བྱེའུ་ཆུང་གི་ལས་དབང་། །
སུ་ལ་བཤད་ཀྱང་སྐྱོ་བའི་ཤུགས་རིང་ནི་ལོས་འཕེན། །
ན་ཆུང་ལང་ཚོ་ཕྲ་བའི་བྱིས་དུས་ཀྱི་མཚམས་སུ། །
ཁྱེད་དང་གྱེས་པའི་སྲོད་ཀྱི་ཁ་དོག་ནི་འདི་བཞིན། །
ཏབ་ཅིག་སེམས་པ་དལ་བས་སྒེའུ་ཁུང་གི་ཕྱི་རུ། །
ཅེར་བཞིན་འདས་སོང་དྲན་པའི་སྣང་འབུམ་ལ་བསམ་ན། །
སྨྲེང་བའི་ཞེ་ངོར་སྡུག་གི་མུན་པ་ཞིག་འཁྲིགས་པ། །
སུ་དང་མཉམ་དུ་བཟློ་བའི་ཚེ་གྲོགས་ཀྱང་མ་རྙེད། །
སྲོད་ཀྱི་ལྷིང་འཇགས་རོལ་བའི་འབྲོག་ཐང་གི་ལུང་པར། །
ཕྲ་ཚོམས་གློག་གི་འགྱུ་བ་སྒྲོན་འོད་ཀྱིས་ཁྱབ་ཀྱང་། །
ང་ལ་ཡུག་གཅིག་གློག་གི་སྣང་བ་དེས་ཅི་བྱ། །
དྲན་པའི་སྨག་རུམ་བསལ་བའི་ཚེ་འབར་ཞིག་སྒོམ་དགོས། །
སྒོམ་བཞིན་སྒོམ་བཞིན་ཞལ་འཁོར་མིག་ལམ་དུ་གསལ་ཡོང་། །
བསམ་གྱིན་བསམ་གྱིན་དྲན་པ་རི་རབ་ལས་ལྗིད་ཡོང་། །
དྲན་བཞིན་དྲན་བཞིན་ཡིད་ཀྱི་གཏིང་རུམ་དུ་འཁྱིལ་བའི། །
ན་ཟུག་མྱ་ངན་མཚོ་འདིར་ཟབ་ཚད་ཅིག་ཡོད་དམ། །
དེ་ལྟར་སྨྲེ་ངག་འདོན་བཞིན་སྲོད་མཚམས་སུ་ཉུལ་ན། །
རང་སེམས་སྨུག་ལོང་གཏིབ་པ་ཇེ་ཟབ་ནས་ཇེ་མང་། །
དེའི་ཕྱིར་དྲན་པ་གཡེང་བའི་ཚིག་སྦྱོར་བའི་རོལ་གར། །
ངོས་གཙང་ཤོག་ལྡེབ་ཞལ་དུ་སྨྱུག་རྩེ་ནས་སྐྱུག་འདོད། །
༢༠༢༣ ༦ ༢༧ https://t.cn/R2WxDVJ
✋热门推荐