[图片]
ཚོར་སྣང་གྱ་མ་གྱུ།

ཆར་བ་ཟིམ་ཙམ་འབབ་རྗེས། །
གནམ་ངོ་སྤྲིན་རླུང་ལྡང་སྟེ། །
སྒེའུ་ཁུང་མཐའ་འཚམས་དག་ནས།།
ང་ཡིས་བྱེའུ་ཆུང་མཐོང་སོང་།།

སེམས་འདི་ཅུང་ཙད་ཧད་དེ། །
དྲན་པ་ནང་དུ་དཀུག་ཚེ། །
ལས་དབང་བཙན་གྱིས་བསྒྱུར་བའི། །
མི་ཚེ་སྐྱོ་ཨང་བསམ་བྱུང་། །

གླེགས་བམ་སུམ་རྩེགས་ཁྲོད་ནས། །
ཆོས་ཉིད་བག་ཙམ་འཛུམ་པས། །
བན་ཆུང་སྣང་བ་ཡན་པོ། །
སྐབས་རེ་འཛུམ་ཞིང་གྲོལ་བ། །

ལོ་དང་ཟླ་བ་བསྙལ་བའི། །
ཕུགས་བསམ་ཆང་གི་ཉིང་བཅུད། །
ཁ་ཐགས་རིང་སོང་བསམ་ནས། །
ཞེ་ལ་སྨྲེང་བ་་ཐོགས་ཡོད། །

བཤད་པའི་སྙིང་གཏམ་གཅིག་ལ། །
གསང་ཚིག་གཞན་གྱིས་དཀྲོལ་བས། །
ངོ་ཚ་རང་གིས་ཉོས་ཏེ། །
དམ་ཚིག་སྲུང་དགོས་མི་འདུག།

ཚོར་བ་རྒྱ་ཡན་ཅིག་ལ། །
མི་ཚེ་དབྱངས་དང་བསྡེབ་སྟེ། །
ཚེ་ལ་འཛུམ་ཞིག་ཤར་ན། །
རྒས་ཀྱང་འགྱོད་པ་སུས་བྱེད། །

གཡོ་དང་རྒྱུ་ཡིས་མ་བསླད། །
མཛའ་བཅུག་གསེར་ཤན་ཅན་གྱི། །
ལས་ཀྱི་གནང་བའི་གྲོགས་པོ། །
བརྩེ་བ་སྔར་བཞིག་བརྟན་དགོས། །

སེམས་ལ་ཁ་བ་འབབ་ན། །
ཡུལ་ལ་དགུན་ཁ་མེད་ཀྱང་། །
དྲོ་སྐྱིད་དབྱར་གྱི་ཉི་གཞོན། །
ཞེ་ལ་འཁོར་བ་ལས་རེད། །

ཞེན་ཆགས་མེད་པའི་མི་ལ། །
བརྩེ་བ་གླེང་དོན་མེད་པས། །
ཐོབ་འདོད་ཨ་ཙ་མ་དེས། །
འཁོར་བ་སྐྱོང་ན་ཤོབ་རེད།

ཚིག་སྣེ་རིང་མ་ཐུང་འདི། །
ཚོར་བའི་སྣ་འདྲེན་ཡིན་ནམ། །
གསང་བའི་ས་ཁྲ་ཡིན་ནམ། །
སུ་ཡི་ལོ་ཟླ་ཡིན་ནམ། །

 

དེ་རིང་ཞོགས་པའི་ཆུ་ཚོད་བརྒྱད་དང་ཕྱེད་ཙམ་ནས་བཅུ་གཉིས་དང་ཕྱེད་ཙམ་སྟེ། ཆུ་ཚོད་བཞི་ཙམ་གྱི་ཡུན་ལ་དེབ་འདི་བཏོན་ནས་ཚར་ཙམ་བྱུང་། ཅུང་སྒྲིམ་ཐུབ་དུས། ཉིན་གཅིག་ལ་དེབ་གཅིག་ཀློག་ཚར་རྒྱུར་སྣང་དོགས་མི་འདུག་མོད། གཙོ་བོ་སྒྲིམ་ཐུབ་དུས་ཉུང་ལ་གནད་ལོན་རྒྱུ་དེ་བས་ཀྱང་དཀའ་སོང་།[蜡烛] https://t.cn/Rp7W8xr

ཉི་འོད་ཀྱིས་ལག་འཇུ་གནང་བའི་ལམ་སྣེ་ཡི་དྲན་པ་དང་།
རྩི་ཤིང་མེ་ཏོག་གིས་བཀྲུས་པའི་ནང་སེམས་ཀྱི་འཇིག་རྟེན།
དུས་ཚིགས་ཀྱིས་བསེར་བུ་གྱོན་དགོས་པའི་སྣང་ཚུལ་བཅས། https://t.cn/R2WxDGB