陳展鵬對追仔抱平常心 愛女「小豬比」得黎諾懿歡心

由黎諾懿主持綜藝節目《爸知弊，你嚟湊吖》將於8月31號起逢星期四、五晚10點半播出，呢日諾懿聯同有份參與拍攝嘅星級爸媽陳展鵬及單文柔，一齊出席節目記招，呢個節目可以睇到一眾爸爸湊小朋友嘅一面，而拍攝方式新鮮又好玩。

諾懿笑言四位爸爸有4個不同嘅特質，展鵬平時睇好硬朗，對住阿女「小豬比」即變得好柔情，加上小豬比真係好得意，諾懿亦非常喜歡小豬比，阿Bob本身好笑，原來兒子道申（Jaye Jaye）更加好笑；諾懿讚吳若希老公Alex湊仔湊得好，仲叫吳若希檢討自己。

作為二子之父嘅諾懿，獲節目組送上驚喜，兒子小春雞突襲拍攝現場，令諾懿失分寸，而單文柔最難係拍攝前期要瞞住老公，與節目組聯絡，講到阿女「小豬比」得諾懿歡心，單文柔笑指因為佢有個仔，見人哋啲女就覺得好可愛，佢哋兩公婆覺得人哋啲仔好得意，展鵬對追仔抱平常心。

陳凱琳為鄭嘉穎慶祝生日　孻仔喊包樣意外搶Fo

藝人陳凱琳（Grace）同鄭嘉穎（Kevin）2018年結婚至今，一家五口生活幸福美滿。而繼早前2人高調放閃慶祝甜蜜結婚5周年後，今日（23日）夫妻2人再喺社交網高調放閃，老婆陳凱琳仲相當甜蜜咁幫鄭嘉穎搞埋生日派對慶祝，認真羨煞旁人呀！

一家五口幸福美滿。

陳凱琳喺社交網寫道：「老公生日快樂！（遲到的生日帖子）我一直都知道Kevin是一個在簡單中找到快樂的人，這就是為甚麼這個生日我們決定讓這個慶祝活動保持簡約和甜蜜~但為了這讓事情變得更加獨特，我和孩子們創造了這個獨一無二的西瓜蛋糕給他！健康又美味！」雖然鄭嘉穎8月15日生日，不過慶祝生日嘅靚相就拖到依家先甫出嚟，而相中咁精緻嘅西瓜蛋糕，陳凱琳更透露道原來喺佢同仔仔一齊分工合作整出嚟，認真犀利。

甜到漏！

生日快樂呀！

認真羨煞旁人。

雖然唔少網友都畀陳凱琳夫妻二人閃到盲，不過都有唔少網友重點係孻仔Carlos身上，變得肥肥白白勁可愛之外，五官輪廓都精緻到成個公仔咁，特別其中一張孻仔喊到臉都紅埋嘅相，更係令人忍唔住會心一笑，真係得意到暈！

孻仔喊包樣好搶Fo。

#陈凯琳[超话]##郑嘉颖[超话]#

一代波霸葉子楣罕有現身 自認戲癮大隨時復出演戲

久未露面嘅8、90年代性感代表；有「波霸」之稱嘅 葉子楣 自出嫁為人婦之後就甚少現身幕前，呢日佢罕有出席公開活動，同 許冠文 黃百鳴 黃伊汶 同老公 陳國坤 等一齊現身一個電影協會晚宴。

Amy姐呢日仲透露自己心底依然有戲癮，如果有合適作品唔排除會復出幕前，又提到當年實在太厭倦外界焦點集中喺自己嘅身材之上，之後若果有可以發揮嘅角色自己隨時候奉陪呀。當年教唔少女士多飲木瓜奶認為對身材大有幫助嘅佢，呢日現身依然Fit爆，佢就話自己唔煙唔酒亦定期運動，加上清淡飲食就會一直Keep到健美身形喇。

百鳴哥監製嘅《葉問》系列傳出會再拍新作，但係上集主要角色已經喺片中離世，外界就非常奇怪新一集會係咩故事喇，呢日佢就親解故事構思，仲話會以詠春功夫精神作為故事重心咁話。而上集扮演李小龍嘅 陳國坤 就未知新一集會唔會出現，不過就話自己非常期待故事內容喇。