ཆུ་ཆེན་ཟམ་པའི་འགྲམ་གྱི་ངང་ཆུང་དེས།། ཁྲོམ་པ

首页发布

ཆུ་ཆེན་ཟམ་པའི་འགྲམ་གྱི་ངང་ཆུང་དེས།།
ཁྲོམ་པའི་ཚོགས་སུ་ཆས་ཏེ་གཞས་ཤིག་མགུར།།
ཚིག་གི་རྒྱན་ལ་ཆགས་པའི་གཞོན་ནུ་མའི།།
ཚོར་བའི་སྣང་བར་གྱུར་ཏུ་ཆ་མ་མཆིས།།

མདོ་སྔགས་བསྟན་འཛིན[月亮]

ཀུན་མཁྱེན་འཇིགས་མེད་གླིང་པས། རྟོགས་པ་དོན་གྱི་བརྒྱུད་པ་དང་ལྡན་པའི་བླ་མ་དམ་པ་མཚན་ཉིན་དང་ལྡན་པ་ཞིག་དང་མཇལ། དེ་ལ་རྩེ་གཅིག་གི་དད་འདུན་དྲག་པོས་ཡིད་ཁྱེད་ཤེས་ཀྱི་བློ་ཁེལ་གསོལ་བ་འདེབས་ཤེས་ན་རྐྱེན་མོས་གུས་ཀྱིས་བྱས་ཏེ་བླ་མའི་རྟོགས་པ་སློབ་མ་ལ་འཕོས་ནས་རང་བཞིན་བརྗོད་བྲལ་རྫོགས་པ་ཆེན་པོའི་གནས་ལུགས་རྟོགས་པར་གསུངས།

༼གཟའ་མཇུག་གི་ལེ་ཚན།༽

སྒང་དང་སྦྲུལ་ཚང་།

སྒང་ཞིག་གིས་སྡོད་གནས་ཡག་པོ་ཞིག་འཚོལ་བཞིན་ཡོད། ཐ་མ་དེར་ཁོས་སྦྲུལ་ཚང་ཡོད་སའི་བྲག་སྐྱིབས་ཆུང་ངུ་ཞིག་རྙེད་དེ། ཁོ་ཚོ་དང་མཉམ་དུ་གནས་བཅའ་ཆོག་པའི་གནང་བ་ཞུས་པ་དང་སྦྲུལ་ཚང་གིས་ལྷག་བསམ་ཟོལ་མེད་ཀྱིས་མོས་མཐུན་བྱས།
ཡུན་རིང་མ་འགོར་བར་སྦྲུལ་ཚང་གིས་ཁོ་གནས་དེ་རུ་མི་སྡོད་པའི་རེ་བ་བྱས། སྒང་སྒྲོ་ཚེར་མ་ལྟར་རྣོ་བ་དག་གིས་ཁོ་ཚོར་སུན་གཙེར་ཚད་མེད་བྱས་པས། མཐར་ཐུག་ཁོ་གནས་སྤོར་བྱ་དགོས་ཚུལ་གུས་བཀུར་དང་བཅས་ཏེ་བཤད། སྒང་གིས། ཐུགས་རྗེ་ཆེ། ང་འདིར་གནས་བཅའ་བ་དེ་འདོད་བློ་དང་མཐུན་པ་ཞིག་རེད་ལ། ང་ད་དུང་འདི་ནས་བསྡད་རྩིས་ཡིན་ཟེར་བ་དང་། ཁོས་ཡ་རབས་སྤྱོད་བཟང་གི་ཟོལ་གྱིས་སྦྲུལ་ཚང་གི་སྒོ་སྲུང་སྐྱོབ་བྱས་པ་ན། ཁོ་ཚོའི་ལུས་ཕུང་སྲུང་སྐྱོབ་བྱེད་པར་གནས་ཡུལ་གཞན་ཞིག་བཙལ་དགོས་བྱུང་བའོ།།

གནད་ཚིག
མཛུབ་མོ་གཅིག་བྱིན་དང་ལག་པ་གཅིག་འཆོར་རྒྱུ་རེད།
༢༠༢༣-༩-༢
སྒྱུར་མཁན། ཀ་ར།