གནའ་མིའི་གཞུང་དྲང་འཐུལ་བའི་སྤང་གཞུང་ན། །
​སྣང་བའི་ལུག་ཁྱུ་མཐོན་པོའི་རི་ལ་ཡན། །
སྤྲིན་དཀར་ས་ལ་འཐོར་འདྲ་ལྷོད་ཀྱིས་ཆགས། །
​ཉི་ཟླའི་རྣ་ཆ་འགུལ་བའི་ཨ་སྔོན་འང་། །
​བྱིས་བློའི་ཡིད་ཀྱི་འཆར་སྒོ་སྤྲིན་པར་ཐོགས། །
​ཁོ་བོ་དྲི་བཞོན་དཔྱིད་ཀྱི་ལྡིང་ཁང་ན། །
​ཡིད་ཀྱི་རྦ་རླབས་གཡོ་བའི་འཁྱམས་པོ་བ། །
​རྨི་ལམ་རུམ་གང་ཉལ་བའི་ཡུལ་ལུང་དེར། །
​ཁྲུང་ཁྲུང་གཤོག་དཀར་སེམས་པའི་ངོས་སུ་བྲིས། །
​བྲིས་པའི་གཏམ་རྒྱུད་ཐར་ཐོར་ད་དུང་ཐོར། །

ཁྱེད་ཀྱིས་བོད་སྐད་བཤད་པར་ངོ་ཚ་ན་མ་བཤད་ཀྱང་ཆོག་ལ། བོད་ལྭ་གྱོན་པར་ངོ་ཚ་ན་མ་གྱོན་ཡང་ཆོག  འོན་ཀྱང་ཁྱེད་ཀྱི་ཤ་དང་རུས་པ་ཇི་ལྟར་བྱ་རྒྱུ་ཡིན་ནམ།

ཞེས་པའི་དྲི་བ་འདི་ལ་ལན་ཇི་ལྟར་འདེབས་སམ། ཁྱེད་ཀྱིས་དྲི་བ་འདིར་བསམ་གཞིག་ཙམ་ཡང་གནང་མྱོང་ངམ།  

སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང་།།
བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ།།
པད་དཀར་ལྟར་བསྔགས་མཚན་ཐོས་ཕྱིར་མི་ཟློག།
སྟོན་པ་ཐུགས་རྗེ་ཅན་ལ་ཕྱག་འཚལ་ལོ།།