དུས་རབས་ཉི་ཤུ་པའི་དུས་མགོར་ཏུན་ཧོང་དང་ཐུ་ལའུ་ཧྥན། ཧེ་ཧྲུས་མཁར་སོགས་ནས་གནའ་རབས་ཀྱི་ཡིག་ཚགས་མང་པོ་གསར་དུ་རྙེད། དེ་ཡང་༡༩༠༠ལོར་ཏུན་ཧོང་གཏེར་མའི་བྲག་ཕུག་གི་སྒོ་ཕྱེ་བ་ཡིས་པོད་བཞི་ཁྲི་ལྷག་གི་གནའ་རབས་ཡིག་ཚགས་གསར་དུ་རྙེད། དེར་དུས་རབས་བཞི་བ་ནས་བཅུ་གཅིག་པའི་བར་བྲིས་པའི་རྒྱ་ཡིག་དང་དུས་རབས་བདུན་པ་ནས་དགུ་པའི་བར་བྲིས་པའི་བོད་ཡིག་ཡིག་ཚགས་འབོར་ཆེན་འདུས་པ་མ་ཟད། ཧེ་ཧུའུ་ཡི་གེ ཆིག་ཚུའི་ཡི་གེ ལི་ཡུལ་གྱི་ཡི་གེ རྒྱ་གར་གྱི་ཡི་གེ་སོགས་ཡིག་རིགས་སྣ་མང་པོའི་ཡིག་ཚགས་བྱུང་། དེ་ནས་བཤམ་དུ་ཏུན་ཧོང་མོ་ཀོ་ཁུའུ་དང་འབྲེལ་བའི་པར་རེས་འགའ་དང་ཏུན་ཧོང་མོ་ཀོ་ཁུའུ་ནས་ཡིག་ཚགས་དང་དངོས་པོ་རྣམས་དབྱིན་ཇི་དང་ཧྥ་རན་སིར་རྒྱལ་ཁབ་ཏུ་ཁྱེར་མཁན་ཐོག་མ་པོ་ཞིས་ཧིས་དང་སི་ཐན་དབྱིན། #敦煌莫高窟#
༅། །རྒྱ་གར་སྐད་དུ། བྷ་ག་ཝ་ཏི་པྲ་ཛྙ་པ་ར་མི་ཏཱ་ཧྲི་ད་ཡ། །བོད་སྐད་དུ། །བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། བམ་པོ་གཅིག་གོ །འདི་སྐད་བདག་གིས་ཐོས་པ་དུས་གཅིག་ན། །བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ་དགེ་སློང་གི་དགེ་འདུན་ཆེན་པོ་དང་། །བྱང་ཆུབ་སེམས་དཔའི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། །དེའི་ཚེ་བཅོམ་ལྡན་འདས་ཟབ་མོ་སྣང་བ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོའི་སྤྱོད་པ་ཉིད་ལ་རྣམ་པར་བལྟ་ཞིང་ཕུང་པོ་ལྔ་པོ་དེ་དག་ལ་ཡང་རང་བཞིན་གྱིས་སྟོང་པར་རྣམ་པར་བལྟའོ། །དེ་ནས་སངས་རྒྱས་ཀྱི་མཐུས། །ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །རིགས་ཀྱི་བུ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོའི་སྤྱོད་པ་སྤྱད་པ་འདོད་པ་དེས་ཇི་ལྟར་བསླབ་པར་བྱ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཚེ་དང་ལྡན་པ་ཤཱ་ར་དྭ་ཏའི་བུ་ལ་འདི་སྐད་ཅེས་སྨྲས་སོ། །ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཟབ་མོའི་སྤྱོད་པ་སྤྱད་པར་འདོད་པ་དེས་འདི་ལྟར་རྣམ་པར་བལྟ་བར་བྱ་སྟེ། །ཕུང་པོ་ལྔ་པོ་དེ་དག་ཀྱང་རང་བཞིན་གྱིས་སྟོང་པར་རྣམ་པར་ཡང་དག་པར་རྗེས་སུ་བལྟའོ། །གཟུགས་སྟོང་པའོ། སྟོང་པ་ཉིད་གཟུགས་སོ། །གཟུགས་ལས་སྟོང་པ་ཉིད་གཞན་མ་ཡིན། སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །དེ་བཞིན་དུ་ཚོར་བ་དང་། །འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་སྟོང་པའོ། །ཤཱ་ཏིའི་བུ། །དེ་ལྟར་ཆོས་ཐམས་ཅད་སྟོང་པ་ཉིད་དེ། མཚན་ཉིད་མེད་པ། མ་སྐྱེས་པ། །མ་འགགས་པ། དྲི་མ་མེདཔ། དྲི་མ་དང་བྲལ་བ་མེད་པ། །བྲི་བ་མེད་པ། གང་བ་མེད་པའོ། །ཤཱ་རིའི་བུ། དེ་ལྟ་བས་ན་སྟོང་པ་ཉིད་ལ་གཟུགས་མེད། ཚོར་བ་མེད། །འདུ་ཤེས་མེད། འདུ་བྱེད་མེད། རྣམ་པར་ཤེས་པ་མེད། མིག་མེད། རྣ་བ་མེད། སྣ་མེད། ལྕེ་མེད། ལུས་མེད། ཡིད་མེད། གཟུགས་མེད། སྒྲ་མེད། དྲི་མེད། རོ་མེད། རེག་བྱ་མེད། ཆོས་མེད་དོ། །མིག་གི་ཁམས་མེད་པ་ནས་ཡིད་ཀྱི་ཁམས་མེད། །ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་མེད་དོ། །མ་རིག་པ་མེད། །མ་རིག་པ་ཟད་པ་མེད་པ་ནས་རྒ་ཤི་་མེད། །རྒ་ཤི་ཟད་པའི་བར་དུའང་མེད་དོ། དེ་བཞིན་དུ་སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་མེད། ཡེ་ཤེས་མེད། ཐོབ་པ་མེད། མ་ཐོབ་པའང་མེད་དོ། །ཤཱ་རིའི་བུ། དེ་ལྟ་བས་ན་བྱང་ཆུབ་སེམས་དཔའ་རྣམས་ཐོབ་པ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ཅིང་གནས་ཏེ་སེམས་ལ་སྒྲིབ་པ་མེད་པས་སྐྲག་པ་མེད་དེ། ཕྱིན་ཅི་ལོག་ལས་ཤིན་ཏུ་འདས་ནས་མྱ་ངན་ལས་འདས་པར་མཐར་ཕྱིན་ཏོ། །དུས་གསུམ་དུ་རྣམ་པར་བཞུགས་པའི་སངས་རྒྱས་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། །དེ་ལྟ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པའི་སྔགས། རིག་པ་ཆེན་པོའི་སྔགས། བླ་ན་མེད་པའི་སྔགས། མི་མཉམ་པ་དང་མཉམ་པར་བྱེད་པའི་སྔགས། མི་རྫུན་པས་ན་བདེན་པར་ཤེས་པར་བྱ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པའི་སྔགས་སྨྲས་པ། ཏདྱ་ཐཱ། ག་ཏེ་ག་ཏེ་པཱ་ར་ག་ཏེ་པཱ་ར་སཾ་ག་ཏེ་བོ་དྷི་སྭ་ཧཱ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་ལ་བསླབ་པར་བྱའོ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་འཕགས་པ་སྤྱན་རས་དབང་ཕྱུག་ལ་ལེགས་སོ་ཞེས་བྱ་བ་བྱིན་ནས། ལེགས་སོ། །ལེགས་སོ། རིགས་ཀྱི་བུ། དེ་དེ་བཞིན་ཏེ། ཇི་ལྟར་ཁྱོད་ཀྱིས་བསྟན་པ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་ལ་སྤྱད་པར་བྱ་སྟེ། དེ་བཞིན་གཤེགས་པ་རྣམས་ཀྱང་རྗེས་སུ་ཡི་རང་ངོ་། །བཅོམ་ལྡན་འདས་ཀྱི་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤཱ་ར་དྭ་ཏིའི་བུ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། ཐམས་ཅད་དང་ལྡན་པའི་འཁོར་དེ་དག་དང་། །ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་རྫོགས་སོ།།
༄༅། །བསླབ་བྱ་ནོར་བུའི་ཕྲེང་བ་བཞུགས་སོ། །ཞང་སྟོན་བསྟན་པ་རྒྱ་མཚོ།
༼གསུམ་པ༽
ནང་གི་རང་སེམས་དགྲ་རུ་མ་ལྡང་ན། །
ཕྱི་ཡི་འདྲེ་གདོན་སུས་ཀྱང་ཐུབ་པར་དཀའ། །
དོན་མེད་དོགས་པ་ཟ་བ་ཆོ་འཕྲུལ་ཡིན། །
རྣམ་རྟོག་སྡུག་འདྲེའི་ཕུང་ཁྲོལ་ལགས་པས་སྤོང་། །
ཡོན་ཏན་རང་བཞིན་བཟང་བོའི་ཙན་དན་ཤིང་། །
འཁོར་ངན་སྤྲུལ་གྱིས་དཀྲིས་ན་འཁོར་མཁན་མེད། །
མེ་ཏོག་བཟང་བོ་ཚེར་མས་གཡོག་འདྲ་བའི། །
འཁོར་ངན་གཏམ་གྱི་གཞི་མ་ལགས་པས་སྤོང་། །
ཟླ་བ་དཀར་ཡང་རི་བོང་གཟུགས་ཀྱིས་སྦགས། །
མེ་ཏོག་ལེགས་ཀྱང་དྲི་ངན་འཐུལ་བས་སྦགས། །
མཛོ་སྤྲེལ་གཡང་ལ་ལྟུང་བ་ལྟ་བུ་ཡི། །
གྲོགས་ངན་འགྱོད་པའི་རྩ་བ་ལགས་པས་སྤོང་། །
ཉེ་དུ་ངན་པ་ཞབས་མེད་སྣོད་དང་འདྲ། །
ཡུལ་ངན་སྡུག་གི་འཁོར་ལོ་ལགས་པས་སྤོང་། །
ངས་ཐུབ་ངས་ཤེས་གླ་མེད་གཡོག་པོ་ཡིན། །
མི་ཆོས་རྐང་བའི་ཐེ་གུ་ལགས་པས་སྤོང་། །
སྙིང་གཏམ་ལགས་པས་ད་དུང་གསན་མཛོད་དང་། །
ཆགས་སྡང་ཆེ་ན་རྩྭ་སྐྱ་མེ་ཤོར་འདྲ། །
དུས་ངན་སྙིགས་མའི་ནག་ཕྱོགས་རླུང་གིས་བསྐྱོད། །
ཆོས་པ་ཡོངས་ཀྱི་སྒབ་འདྲེར་ཆགས་སྡང་གནོད། །
གང་དུ་ཕྱིན་ཀྱང་ཆགས་སྡང་ཆུང་བར་མཛོད། །
དམའ་སར་བསྡད་ན་མཐོ་སར་སླེབ་པར་འགྱུར། །
ཇི་ལྟར་བགྱིས་ཀྱང་དམན་ཆ་བླངས་པར་འཚལ། །
དེང་དུས་སྐྱེ་བོའི་ཚོགས་རྣམས་གསར་འགྲོགས་ཆེ། །
ཟླ་འགའ་ལོ་འགའ་ལོན་ནས་གཟབ་པར་འཚལ། །
སྒུར་སྒུར་ཞུམ་ཞུམ་བྱེད་ཚད་ཆོས་པ་མིན། །
ཆོས་མིན་ཆོས་པར་རྫུ་ལ་གཟབ་པར་འཚལ། །
གང་འཇམ་གང་ལེགས་བཤད་ཚད་བསམ་དཀར་མིན། །
ཁ་འཇམ་ཁོག་རྩུབ་ཕྱོགས་ལ་གཟབ་པར་འཚལ། །
སྐྱོན་མཚང་བྲུས་ནས་བཤད་པ་བསམ་དཀར་རྟགས། །
རང་གི་ཁོང་ཁྲོའི་ཕྱོགས་ལ་གཟབ་པར་འཚལ། །
ངས་ཐུབ་ངས་ཤེས་ཟེར་ལ་བློ་གཏད་མེད། །
བསླུ་བྲིད་མགོ་སྐོར་ཕྱོགས་ལ་གཟབ་པར་འཚལ། །
འདིར་བྱོན་འདིར་བཞུགས་ཟེར་བ་བཀུར་བསྟི་མིན། །
རང་མཉམ་གྲལ་མཉམ་ཕྱོགས་ལ་གཟབ་པར་འཚལ། །
གང་བཟང་གང་ཆེ་སྟེར་བ་ཕན་སེམས་མིན། །
ཁ་ལན་སྐྱིན་པའི་ཕྱོགས་ལ་གཟབ་པར་འཚལ། །
ཉམ་ཐག་སྐད་ངན་འདོན་ཀྱང་ངེས་པ་མེད། །
འགོང་བོ་ལག་ཟེད་ཕྱོགས་ལ་གཟབ་པར་འཚལ། །
མཐོ་ལ་ཕྲག་དོག་མ་བྱེད་སྤྱི་བོས་བཀུར། །
དམན་ལ་ཁྱད་གསོད་མ་བྱེད་བྱམས་པས་སྐྱོངས། །
མཉམ་ལ་གྲལ་རྩོད་མ་བྱེད་མཉམ་པར་འགྲོགས། །
འཕྲལ་དུ་མིག་གིས་མཐོང་རྒྱུ་མ་བྱུང་རུང་། །
དཀར་པོ་དགེ་བའི་ལས་ཀྱི་མཐའ་འདི་བཟང་། །
ནག་ཕྱོགས་དམུ་རྒོད་མགོ་འཕང་མཐོ་ན་ཡང་། །
ལས་འབྲུ་མི་བསླུ་ནམ་ཕུག་རྒུད་དེ་འོང་། །
ལག་པས་བདེ་བ་ཅན་ལ་འཕེན་མཁན་མེད། །
རྐང་བས་བཟུང་ནས་དམྱལ་བར་འཕེན་མཁན་མེད། །
རང་གི་སྐྱིད་སྡུག་རང་གི་ལག་ན་ཡོད། །
རང་གིས་རང་ཉིད་མི་བསླུ་ཤིན་ཏུ་གཅེས། །
མཐོ་སར་བཞག་ཀྱང་འོག་དུ་ལྷུང་ཉེན་ཡོད། །
དམའ་སར་བསྡད་ཀྱང་གོང་དུ་འཆོར་བ་ཡོད། །
སྐྱིད་པོ་ཚོད་མ་ཐིག་ན་ཐ་མ་སྡུག། །
འོ་ཟངས་ཁ་ལེབ་བརྒྱབ་ན་འཕོ་འདོད་ཡིན། །
རྒུད་ཀྱང་རང་ཉིད་བཟང་ན་སྐྱིད་དེ་འོང་། །
ཟླ་བ་མར་ངོའི་རྗེས་ན་ཡར་ངོ་ཡོད། །
བསླབ་བྱ་བཤད་ན་སུས་ཀྱང་ཤེས་མོད་ཀྱང་། །
དགོས་དོན་ལག་ལེན་བྱེད་པ་ཉིན་སྐར་ཙམ། །
གཞན་ལ་མགོ་སྐོར་ཐུབ་པ་གཡོ་སྒྱུ་ཡིན། །
ཀུན་ལ་སྐྲག་རྒྱུ་མེད་པ་དཔའ་བོ་ཡིན། །
དཔྱད་ན་དོན་དག་ཤེས་པ་གསལ་བོ་ཡིན། །
བཤད་ན་ངོ་མཚར་ཆེ་བ་ཁ་གསལ་ཡིན། །
རྒྱུན་དུ་རང་དོན་འབད་པ་མཁོ་ཉག་ཡིན། །
དེ་དག་རྣམས་ལ་མཁས་པ་ཟེར་བ་མིན། །
གཞན་ལ་གཡོ་སྒྱུས་མགོ་སྐོར་ཐུབ་ན་ཡང་། །
ཉིན་གཅིག་ལེ་ལན་རང་ལ་འཁོར་ནས་ཡོང་། །
སྐྲག་རྒྱུ་མེད་པ་དཔའ་བོ་ལོས་ཡིན་ཀྱང་། །
ཚམ་ཚོམ་མེད་པ་བྱེ་ལེབ་མེ་ལྕེབ་འདྲ། །
གཞན་དོན་དཔྱད་ན་གསལ་བོ་ཡིན་ན་ཡང་། །
མར་མེ་རང་རྩར་གསལ་བ་ཤིན་ཏུ་དཀའ། །
རང་དོན་འཕྱུག་པ་མེད་ན་མཁས་པ་ཡིན། །
ལེགས་ཉེས་དཔྱད་ནས་ཤེས་ན་མཁས་པ་ཡིན། །
ཕན་པར་སྨྲ་བ་བླ་མ་ཡིན་ཡང་དཀོན། །
དེ་ལ་ཉན་པ་བུ་ཚ་ཡིན་ཡང་དཀོན། །
བསླབ་བྱ་ཞུ་བ་མང་ཡང་སློབ་པ་དཀོན། །
དམ་ཆོས་བཤད་པ་མང་ཡང་སྒྲུབ་པ་དཀོན།
ཚིག་གི་བཟང་ངན་ཙམ་གྱིས་ཕན་ཐོག་མེད། །
ཡུན་དུ་དཔྱད་ན་ཤིན་དུ་ཕན་པར་ཡོད། །
ཆུང་ངུའི་དུས་ནས་ཚུལ་བཞིན་བསྟེན་པའི་བུ། །
ཕ་རྒན་སྙིང་གི་གཏམ་འདི་སེམས་ལ་ཆོངས། །
ཕྱིན་ཆད་འདི་འདྲ་རྣ་བས་ཚོར་རྒྱུ་མེད། །
ཡོད་རུང་སྙིང་གཏམ་ཡིན་མིན་ཤེས་པར་དཀའ། །
ཆ་རྒྱུས་ཡོད་མེད་གང་དུ་བསྡད་ཀྱང་རུང་། །
གཏམ་འདི་སྙིང་ལ་ཆོངས་ཤིག་ཕ་ཡི་བུ། །
དེ་ཡང་སྤྱན་རས་གཟིགས་དབང་འབྲོམ་ཆོས་ཀྱི་རྒྱལ་བོས་མཛད་པའི་མི་ཆོས་གནད་ཀྱི་ཕྲེང་བའི་འགྲེལ་བ་འདི་ནི་རྩ་བ་ཤིན་ཏུ་གོ་སླ་བས་ཚིག་འགྲེལ་མི་དགོས་སྟབས། མདོ་རྒྱན་དང་། ས་རྒྱན་སྦྱོར་ཚུལ་ལ་དཔེ་བླངས། རྒྱ་གར་མཁས་པའི་གཞུང་དང་། གུང་ཐང་འཇམ་པའི་དབྱངས་ཀྱི་གསུང་གི་རྗེས་སུ་འབྲང་སྟེ། སྤང་བྱ་དང་བླང་བྱ། སྤྱིར་བཏང་དང་དམིགས་བསལ། སྤྱི་དང་བྱེ་བྲག དཔེ་དང་དོན་སོགས་ཁ་བསྐང་སྟེ་བྲིས་པ་ཡིན་པས་རྩ་བ་དང་སྦྱར་ནས་བལྟ་དགོས་སོ། ། ཞེས་པ་འདི་ནི། འཇམ་དབྱངས་གོང་མ་ཆེན་པོའི་རིགས་ཀྱི་ཅོད་པན་༧ལྕང་སྐྱ་མཆོག་སྤྲུལ་རིན་པོ་ཆེ་དང་། སྐྱབས་རྗེ་ཐུའུ་བཀྭན་ཧོ་ཐོག་ཐུ་རྣམ་གཉིས་ནས་ཨ་ཆི་ཐུ་དཔོན་པོ་ཞེས་ཆོ་ལོ་དང་བཀའ་ཤོག་སོགས་ཀྱིས་བསྔགས་པ། རང་གི་ཉེ་གནས་མཐའ་ཡས་རྒྱ་མཚོས་ལྷ་དར་སེར་པོ་ཆེ་ལགས་བཅས་བསྐུར་ངོར། བོད་ཆོས་རྒྱལ་གོང་མ་རྣམས་ཀྱི་དུས་སུ་རྒྱལ་བོ་ལས་འོད་ཏུ་ཆེ་བའི་ཞང་ལྷ་རིགས་དཀར་པོ་ཞེས་གྲགས་པའི་རྒྱུད་དུ་བྱུང་བའི་༧དགེ་སློང་བསྟན་པ་རྒྱ་མཚོས་དགོན་ལུང་དུ་སུག་བྲིས་བགྱིས་པ་དགེ་ལེགས་འཕེལ།།
༼གསུམ་པ༽
ནང་གི་རང་སེམས་དགྲ་རུ་མ་ལྡང་ན། །
ཕྱི་ཡི་འདྲེ་གདོན་སུས་ཀྱང་ཐུབ་པར་དཀའ། །
དོན་མེད་དོགས་པ་ཟ་བ་ཆོ་འཕྲུལ་ཡིན། །
རྣམ་རྟོག་སྡུག་འདྲེའི་ཕུང་ཁྲོལ་ལགས་པས་སྤོང་། །
ཡོན་ཏན་རང་བཞིན་བཟང་བོའི་ཙན་དན་ཤིང་། །
འཁོར་ངན་སྤྲུལ་གྱིས་དཀྲིས་ན་འཁོར་མཁན་མེད། །
མེ་ཏོག་བཟང་བོ་ཚེར་མས་གཡོག་འདྲ་བའི། །
འཁོར་ངན་གཏམ་གྱི་གཞི་མ་ལགས་པས་སྤོང་། །
ཟླ་བ་དཀར་ཡང་རི་བོང་གཟུགས་ཀྱིས་སྦགས། །
མེ་ཏོག་ལེགས་ཀྱང་དྲི་ངན་འཐུལ་བས་སྦགས། །
མཛོ་སྤྲེལ་གཡང་ལ་ལྟུང་བ་ལྟ་བུ་ཡི། །
གྲོགས་ངན་འགྱོད་པའི་རྩ་བ་ལགས་པས་སྤོང་། །
ཉེ་དུ་ངན་པ་ཞབས་མེད་སྣོད་དང་འདྲ། །
ཡུལ་ངན་སྡུག་གི་འཁོར་ལོ་ལགས་པས་སྤོང་། །
ངས་ཐུབ་ངས་ཤེས་གླ་མེད་གཡོག་པོ་ཡིན། །
མི་ཆོས་རྐང་བའི་ཐེ་གུ་ལགས་པས་སྤོང་། །
སྙིང་གཏམ་ལགས་པས་ད་དུང་གསན་མཛོད་དང་། །
ཆགས་སྡང་ཆེ་ན་རྩྭ་སྐྱ་མེ་ཤོར་འདྲ། །
དུས་ངན་སྙིགས་མའི་ནག་ཕྱོགས་རླུང་གིས་བསྐྱོད། །
ཆོས་པ་ཡོངས་ཀྱི་སྒབ་འདྲེར་ཆགས་སྡང་གནོད། །
གང་དུ་ཕྱིན་ཀྱང་ཆགས་སྡང་ཆུང་བར་མཛོད། །
དམའ་སར་བསྡད་ན་མཐོ་སར་སླེབ་པར་འགྱུར། །
ཇི་ལྟར་བགྱིས་ཀྱང་དམན་ཆ་བླངས་པར་འཚལ། །
དེང་དུས་སྐྱེ་བོའི་ཚོགས་རྣམས་གསར་འགྲོགས་ཆེ། །
ཟླ་འགའ་ལོ་འགའ་ལོན་ནས་གཟབ་པར་འཚལ། །
སྒུར་སྒུར་ཞུམ་ཞུམ་བྱེད་ཚད་ཆོས་པ་མིན། །
ཆོས་མིན་ཆོས་པར་རྫུ་ལ་གཟབ་པར་འཚལ། །
གང་འཇམ་གང་ལེགས་བཤད་ཚད་བསམ་དཀར་མིན། །
ཁ་འཇམ་ཁོག་རྩུབ་ཕྱོགས་ལ་གཟབ་པར་འཚལ། །
སྐྱོན་མཚང་བྲུས་ནས་བཤད་པ་བསམ་དཀར་རྟགས། །
རང་གི་ཁོང་ཁྲོའི་ཕྱོགས་ལ་གཟབ་པར་འཚལ། །
ངས་ཐུབ་ངས་ཤེས་ཟེར་ལ་བློ་གཏད་མེད། །
བསླུ་བྲིད་མགོ་སྐོར་ཕྱོགས་ལ་གཟབ་པར་འཚལ། །
འདིར་བྱོན་འདིར་བཞུགས་ཟེར་བ་བཀུར་བསྟི་མིན། །
རང་མཉམ་གྲལ་མཉམ་ཕྱོགས་ལ་གཟབ་པར་འཚལ། །
གང་བཟང་གང་ཆེ་སྟེར་བ་ཕན་སེམས་མིན། །
ཁ་ལན་སྐྱིན་པའི་ཕྱོགས་ལ་གཟབ་པར་འཚལ། །
ཉམ་ཐག་སྐད་ངན་འདོན་ཀྱང་ངེས་པ་མེད། །
འགོང་བོ་ལག་ཟེད་ཕྱོགས་ལ་གཟབ་པར་འཚལ། །
མཐོ་ལ་ཕྲག་དོག་མ་བྱེད་སྤྱི་བོས་བཀུར། །
དམན་ལ་ཁྱད་གསོད་མ་བྱེད་བྱམས་པས་སྐྱོངས། །
མཉམ་ལ་གྲལ་རྩོད་མ་བྱེད་མཉམ་པར་འགྲོགས། །
འཕྲལ་དུ་མིག་གིས་མཐོང་རྒྱུ་མ་བྱུང་རུང་། །
དཀར་པོ་དགེ་བའི་ལས་ཀྱི་མཐའ་འདི་བཟང་། །
ནག་ཕྱོགས་དམུ་རྒོད་མགོ་འཕང་མཐོ་ན་ཡང་། །
ལས་འབྲུ་མི་བསླུ་ནམ་ཕུག་རྒུད་དེ་འོང་། །
ལག་པས་བདེ་བ་ཅན་ལ་འཕེན་མཁན་མེད། །
རྐང་བས་བཟུང་ནས་དམྱལ་བར་འཕེན་མཁན་མེད། །
རང་གི་སྐྱིད་སྡུག་རང་གི་ལག་ན་ཡོད། །
རང་གིས་རང་ཉིད་མི་བསླུ་ཤིན་ཏུ་གཅེས། །
མཐོ་སར་བཞག་ཀྱང་འོག་དུ་ལྷུང་ཉེན་ཡོད། །
དམའ་སར་བསྡད་ཀྱང་གོང་དུ་འཆོར་བ་ཡོད། །
སྐྱིད་པོ་ཚོད་མ་ཐིག་ན་ཐ་མ་སྡུག། །
འོ་ཟངས་ཁ་ལེབ་བརྒྱབ་ན་འཕོ་འདོད་ཡིན། །
རྒུད་ཀྱང་རང་ཉིད་བཟང་ན་སྐྱིད་དེ་འོང་། །
ཟླ་བ་མར་ངོའི་རྗེས་ན་ཡར་ངོ་ཡོད། །
བསླབ་བྱ་བཤད་ན་སུས་ཀྱང་ཤེས་མོད་ཀྱང་། །
དགོས་དོན་ལག་ལེན་བྱེད་པ་ཉིན་སྐར་ཙམ། །
གཞན་ལ་མགོ་སྐོར་ཐུབ་པ་གཡོ་སྒྱུ་ཡིན། །
ཀུན་ལ་སྐྲག་རྒྱུ་མེད་པ་དཔའ་བོ་ཡིན། །
དཔྱད་ན་དོན་དག་ཤེས་པ་གསལ་བོ་ཡིན། །
བཤད་ན་ངོ་མཚར་ཆེ་བ་ཁ་གསལ་ཡིན། །
རྒྱུན་དུ་རང་དོན་འབད་པ་མཁོ་ཉག་ཡིན། །
དེ་དག་རྣམས་ལ་མཁས་པ་ཟེར་བ་མིན། །
གཞན་ལ་གཡོ་སྒྱུས་མགོ་སྐོར་ཐུབ་ན་ཡང་། །
ཉིན་གཅིག་ལེ་ལན་རང་ལ་འཁོར་ནས་ཡོང་། །
སྐྲག་རྒྱུ་མེད་པ་དཔའ་བོ་ལོས་ཡིན་ཀྱང་། །
ཚམ་ཚོམ་མེད་པ་བྱེ་ལེབ་མེ་ལྕེབ་འདྲ། །
གཞན་དོན་དཔྱད་ན་གསལ་བོ་ཡིན་ན་ཡང་། །
མར་མེ་རང་རྩར་གསལ་བ་ཤིན་ཏུ་དཀའ། །
རང་དོན་འཕྱུག་པ་མེད་ན་མཁས་པ་ཡིན། །
ལེགས་ཉེས་དཔྱད་ནས་ཤེས་ན་མཁས་པ་ཡིན། །
ཕན་པར་སྨྲ་བ་བླ་མ་ཡིན་ཡང་དཀོན། །
དེ་ལ་ཉན་པ་བུ་ཚ་ཡིན་ཡང་དཀོན། །
བསླབ་བྱ་ཞུ་བ་མང་ཡང་སློབ་པ་དཀོན། །
དམ་ཆོས་བཤད་པ་མང་ཡང་སྒྲུབ་པ་དཀོན།
ཚིག་གི་བཟང་ངན་ཙམ་གྱིས་ཕན་ཐོག་མེད། །
ཡུན་དུ་དཔྱད་ན་ཤིན་དུ་ཕན་པར་ཡོད། །
ཆུང་ངུའི་དུས་ནས་ཚུལ་བཞིན་བསྟེན་པའི་བུ། །
ཕ་རྒན་སྙིང་གི་གཏམ་འདི་སེམས་ལ་ཆོངས། །
ཕྱིན་ཆད་འདི་འདྲ་རྣ་བས་ཚོར་རྒྱུ་མེད། །
ཡོད་རུང་སྙིང་གཏམ་ཡིན་མིན་ཤེས་པར་དཀའ། །
ཆ་རྒྱུས་ཡོད་མེད་གང་དུ་བསྡད་ཀྱང་རུང་། །
གཏམ་འདི་སྙིང་ལ་ཆོངས་ཤིག་ཕ་ཡི་བུ། །
དེ་ཡང་སྤྱན་རས་གཟིགས་དབང་འབྲོམ་ཆོས་ཀྱི་རྒྱལ་བོས་མཛད་པའི་མི་ཆོས་གནད་ཀྱི་ཕྲེང་བའི་འགྲེལ་བ་འདི་ནི་རྩ་བ་ཤིན་ཏུ་གོ་སླ་བས་ཚིག་འགྲེལ་མི་དགོས་སྟབས། མདོ་རྒྱན་དང་། ས་རྒྱན་སྦྱོར་ཚུལ་ལ་དཔེ་བླངས། རྒྱ་གར་མཁས་པའི་གཞུང་དང་། གུང་ཐང་འཇམ་པའི་དབྱངས་ཀྱི་གསུང་གི་རྗེས་སུ་འབྲང་སྟེ། སྤང་བྱ་དང་བླང་བྱ། སྤྱིར་བཏང་དང་དམིགས་བསལ། སྤྱི་དང་བྱེ་བྲག དཔེ་དང་དོན་སོགས་ཁ་བསྐང་སྟེ་བྲིས་པ་ཡིན་པས་རྩ་བ་དང་སྦྱར་ནས་བལྟ་དགོས་སོ། ། ཞེས་པ་འདི་ནི། འཇམ་དབྱངས་གོང་མ་ཆེན་པོའི་རིགས་ཀྱི་ཅོད་པན་༧ལྕང་སྐྱ་མཆོག་སྤྲུལ་རིན་པོ་ཆེ་དང་། སྐྱབས་རྗེ་ཐུའུ་བཀྭན་ཧོ་ཐོག་ཐུ་རྣམ་གཉིས་ནས་ཨ་ཆི་ཐུ་དཔོན་པོ་ཞེས་ཆོ་ལོ་དང་བཀའ་ཤོག་སོགས་ཀྱིས་བསྔགས་པ། རང་གི་ཉེ་གནས་མཐའ་ཡས་རྒྱ་མཚོས་ལྷ་དར་སེར་པོ་ཆེ་ལགས་བཅས་བསྐུར་ངོར། བོད་ཆོས་རྒྱལ་གོང་མ་རྣམས་ཀྱི་དུས་སུ་རྒྱལ་བོ་ལས་འོད་ཏུ་ཆེ་བའི་ཞང་ལྷ་རིགས་དཀར་པོ་ཞེས་གྲགས་པའི་རྒྱུད་དུ་བྱུང་བའི་༧དགེ་སློང་བསྟན་པ་རྒྱ་མཚོས་དགོན་ལུང་དུ་སུག་བྲིས་བགྱིས་པ་དགེ་ལེགས་འཕེལ།།
✋热门推荐