#微博[超话]# ༄༅། །རང་སྐྱོན་རང་གིས་ཤེས་དུས་མཁས་པ་ཡིན།།
གཞན་སྐྱོན་རང་གི་རིག་དུས་བླུན་རྟགས་མངའ།།
གཞན་ཡོན་བླང་བྱ་རང་སྐྱོན་སྤོང་ནུས་དུས།།
རང་གཞན་གཉིས་ཀྱི་བསམ་དོན་ཡིད་བཞིན་འགྲུབ།།

རང་བློ་ནང་དུ་བཀུག་ནས་སུ།།
བག་ཡོད་པར་ནི་མ་བྱས་ན།།
བདག་སྐྱོན་བདག་གིས་མ་ཤེས་ཏེ།།
གཞན་གྱིས་བཤད་ཀྱང་གོ་བར་དཀའ།། https://t.cn/A66nFHcK

“#ང་ཡི་སེམས་ཀྱི་གཙང་བོ་གང་ན་བཞུར།”

མེལ་ཚེ་བ།
བརྒལ་མི་བཏུབ་པའི་གཞན་ཕྲག་གི་གཙང་བོ་འདིའི་ཁྲོད་ན།
བསམ་གཞིག་གི་ལེ་ཚན་སྒྱུར་བ་ལས།
ང་ཡི་སེམས་ཀྱི་གཙང་བོ་གང་ན་བཞུར།

༢༣/༨/༨/ཉིན།

རྗེ་བཙུན་གྲགས་པ་རྒྱལ་མཚན་གྱིས་ཞེན་པ་བཞི་བྲལ་ལས།

ཐོས་བསམ་བྱེད་པའི་གང་ཟག་དེ། །
ཤེས་བྱ་སྒྲུབ་པའི་ལོངས་སྤྱོད་ཅན། །
མ་རིག་སེལ་བའི་སྒྲོན་མེ་ཅན། །
འགྲོ་བ་འདྲེན་པའི་ལམ་རྒྱུས་ཅན། །
ཆོས་ཀྱི་སྐུ་ཡི་ས་བོན་ཅན། །
ཐོས་བསམ་ལ་མེད་ཐབས་མི་འདུག་སྟེ། །
ཚེ་འདི་ལ་ཞེན་པའི་ཐོས་བསམ་དེ། །
ང་རྒྱལ་སྒྲུབ་པའི་ལོངས་སྤྱོད་ཅན། །
ཐོས་བསམ་དམན་ལ་བརྙས་པ་ཅན། །
ཐོས་བསམ་ལྡན་ལ་ཕྲག་དོག་ཅན། །
འཁོར་དང་ལོངས་སྤྱོད་འཚོལ་བ་ཅན། །
ངན་འགྲོ་སྒྲུབ་པའི་རྩ་བ་ཅན། །
ཆོས་བརྒྱད་ཀྱི་ཐོས་བསམ་བཤོལ་ལ་ཞོག །

སྒོམ་པ་བགྱིད་པའི་གང་ཟག་ཀུན། །
ཉོན་མོངས་སྤོངས་བའི་གཉེན་པོ་ཅན། །
ཐར་ལམ་སྒྲུབ་པའི་རྩ་བ་ཅན། །
སངས་རྒྱས་སྒྲུབ་པའི་ས་བོན་ཅན། །
སྒོམ་པ་ལ་མེད་ཐབས་མི་འདུག་སྟེ། །
ཚེ་འདི་ལ་དམིགས་པའི་སྒོམ་པ་དེ། །
དབེན་པར་བསྡད་ཀྱང་འདུ་འཛི་ཅན། །
ལོང་གཏམ་སྨྲ་བའི་ཁ་ཏོན་ཅན། །
ཐོས་བསམ་བྱེད་ལ་བསྐུར་བ་ཅན། །
སྒོམ་པ་གཞན་ལ་ཕྲག་དོག་ཅན། །
རང་གི་སྒོམ་པ་རྣམ་གཡེང་ཅན། །
ཆོས་བརྒྱད་ཀྱི་བསམ་གཏན་བཤོལ་ལ་ཞོག །