གལ་ཏེ་ཁྱོད་ཀྱིས་རང་ཉིད་དཔེ་མི་སྲིད་པ་

ཞིག་ཡིན་པར་བསམས་ནས། 

མི་བདེ་བ་ཕྲན་བུ་བྱུང་ཚེ་ཁོང་ཁྲོ་ལངས་ན་ནི།

དུ་ན་ཁྱོད་ནི་སྒོམ་སྒྲུབ་མཁན་ངོ་མ་

ཞིག་གཏན་ནས་མིན།

如果你 自以为了不起，稍有不适就发怒的话，
那么你绝不会是个  真正的修行者。 

བསྐལ་མང་འབད་པས་བསོད་ནམས་མི་དགོས་ཤིང་།།
ཤེས་བརྩོན་ངལ་བས་ཁུར་ཆེན་མེད་ཀྱང་རུང་།།
དག་སྣང་མོས་གུས་ཉི་མ་འཆར་བ་ན།།
རྟོགས་པ་བླ་མར་མཉམ་པའི་གདམས་པ་ཡོད།།

མདོ་སྔགས་བསྟན་འཛིན[太阳]

རྒྱུད་སྟོད་རྡོ་རྗེ་འཛིན་པ་རྒན་མཁས་གྲུབ་ནོར་བཟང་མཆོག་གི་གསུང་<རེ་འབོད་ཀྱི་བསླབ་བྱ་པུས་བཙུགས་ཐལ་སྦྱར་མ།>ཞེས་པ་ནི་ཚིག་ཉུང་ཞིང་དོན་གྱི་གནད་འདྲིལ་བ། གོ་བདེ་ཞིང་སེམས་ལ་ཕན་པའི་གདམས་ངག་ཅིག་ཏུ་ཚོར་བྱུང་།
བསླབ་བྱ་འདི་དྲྭ་གྲོགས་ཡོངས་ལ་སྐྱེས་སུ་འབུལ། ཐུགས་ཁོམ་ན་ལན་རེ་གཟིགས་པར་ཞུ། ང་ནི་སྔར་ནས་རྒན་མཁས་གྲུབ་ནོར་བཟང་ཁོང་གི་གསུང་བཤད་སྒྲ་ཐག་གང་འཚམ་ཉན་མྱོང་བས་ཁོང་གི་གསུང་བཤད་དག་ནི་ཚིག་སྐམ་པོའི་བཤད་ཡམས་དང་འདྲ་ཆགས་ཆགས་ཙམ་མ་ཡིན་པར་སྔར་གྱི་སྐྱེས་ཆེན་དམ་པའི་རྣམ་ཐར་བཞིན་མདོ་རྒྱུད་རྒྱ་མཚོའི་གཞུང་ལུགས་ཉམས་འོག་ཏུ་ཚུད་པའི་ཉམས་ལྡན་ཞིང་དད་གུས་འཕེལ་བར་བྱེད་པ། སེམས་ནང་དུ་འགུལ་བསྐྱོད་དང་གོ་ཚོར་སླེབས་ཐུབ་པ། ཐོས་དོན་གོམས་འདྲིས་བསྟེན་པའི་ཉམས་མྱོང་གི་ཞག་རྩི་འཐུག་པ། ངང་གིས་ཆོས་ལ་བསྐུལ་བའི་གསུང་གཤིས་ཡོད་སྣང་ལ། ཁོང་ཀློང་རྡོལ་བླ་མའི་སྤྲུལ་པར་གྲགས་པ་སོགས་ཀྱིས་ཡིན་ནམ་གང་ལྟར་ཡང་དམ་པ་ཁོང་ལ་དམིགས་བསལ་གྱི་དགའ་གུས་ཤིག་ཡོང་གི་འདུག