དབུས་ཀྱི་རྩོམ་པ་པོ་ཚེ་རིང་དབྱངས་སྐྱིད་ལགས་ཀྱི་སྒྲུང་རིང་<<མེ་ཏོག་དང་རྨི་ལམ>>ཞེས་པ་གཞི་ནས་བཀླགས་གྲུབ། སྒྲུང་འདིར་ཉམ་ཆུང་བའི་བོད་རིགས་གསུམ་དང་རྒྱ་མོ་གཅིག ཡང་ན་སྨད་འཚོང་མ་བཞིའི་ནར་སོན་གྱི་ལོ་ཟླ་དང་མི་ཚེའི་གདམ་ཀ དངོས་ཡོད་དང་ཕུགས་བསམ་བར་གྱི་འགལ་འདུ། བསྟན་བཤིག་ཚ་པའི་སྤྱོད་པ། ནང་སེམས་ཀྱི་ཁེར་རྐྱང་དང་ཡུལ་གདུང་། ཆོ་མེད་པའི་འཚོ་བ་རོལ་སྟངས་སོགས་བྲིས་ཏེ། དཀར་ནག་གོ་ལྡོག་གི་སྤྱི་ཚོགས་ལ་ཟུར་ཟའི་མདའ་མོ་ཞིག་གམ་དྲི་རྟགས་ཤིག་འཕངས་ཡོད།

སྒྲུང་འདི་ཨ་རིའི་བརྩམས་སྒྲུང་མཁན་ཁལ་ཏེ·ཧི་སེ་ཉིས་（卡勒德胡塞呢）ཀྱི་སྒྲུང་རིང་<<ཉི་མ་སྟོང་གི་གཟི་བྱིན>>（灿烂千阳）དང་འདྲ་བར།བུད་མེད་ཀྱི་ལས་དབང་ལ་སེམས་ཁུར་དང་མི་ལ་དོ་ཁུར（人文关怀）གྱི་བསམ་བློས་ཕྱུག་པའི་སྒྲུང་ཞིག་ཀྱང་རེད།

མ་བཟོས་རང་བྱུང་གྲུབ་པའི་སྐྱེད་ཚལ་དུ། །མ་བཏབ་ལྷན་སྐྱེས་འབུས་པའི་མེ་ཏོག་ཉིད། །མ་བསུས་མག་པར་ཕེབས་པའི་སྦྲང་ཆུང་གི །མ་བཅོས་ལས་ཀྱི་མཛའ་བའི་ཆུང་གྲོགས་དངོས། །

ཉིན་རེེར་རྩོམ་གྱིས་རྩེན་པའི་དོ་ར།

བོད་ཅེས་མཚན་སྙན་གཙུག་ཏུ་བཀུར་མཁན།།

བོད་ལ་བརྩེ་བ་མཚོ་ལྟར་ཟབ་མཁན།།

བོད་ཀྱི་ཡུལ་སྲོལ་དེབ་ཏུ་བསྒྲིགས་མཁན།།

བོད་ཀྱི་གཞོན་སྐྱེས་དག་ནི་མཆོག་གོ།།

ཐེ་བུ་མེ་སྟག་ནས།