ཡང་། དབུས་པ་བློ་གསལ་ཆོས་འབྱུང་ལས། ཁྲི་ཐོག་རྗེ་བཙན་ཡན་ཆད་གདུང་རབས་༢༦་ཆབ་སྲིད་བོན་གྱིས་བསྐྱངས་པར་ཁུའི་ལོ་རྒྱུས་ཆེན་མོ་ལས་འབྱུང་ངོ་། ཞེས་གསུངས། ཁུའི་ལོ་རྒྱུས་ལོག་གནོན་ཆེན་མོ་ཞེས་གྲགས་ཅན་གྱི་བོད་ཀྱི་ལོ་རྒྱུས་ཤིག་ཡིན་ནའང་ད་ལྟ་མིག་ལམ་དུ་མཐོང་དཀའོ།། ཁུ་ཞེས་པ་ནི་ཇོ་བོ་རྗེ་དཔལ་ལྡན་ཨ་ཏི་ཤ་ཡི་སློབ་མ་གཙོ་བོ་གསུམ་སྟེ་ཁུ་རྔོག་འབྲོམ་གསུམ་གྱི་ནང་ཚན་ཁུ་སྟོན་བརྩོན་འགྲུས་གཡུང་དྲུང་(༡༠༡༡ལོར་འཁྲུངས་ཤིང་༡༠༧༥ལོར་འདས)ཞེས་བཀའ་གདམས་པའི་མཁས་པ་ཆེན་པོ་ཞིག་ཡིན། ཁོང་ནི་ལོ་རྒྱུས་གསོན་པོ་སྨྲ་རྒྱུ་དགའ་ཞིང་རིས་མེད་ཀྱི་ཆོས་ལུགས་ལ་ཕྱོགས་རིས་མེད་པའི་དབང་གིས། ཁོང་གི་བརྩམས་པའི་གྲུབ་མཐའ་དང་ལོ་རྒྱུས་དག་འགྲོ་དོན་མ་འཕེལ་ཞིང་ལུས་སོང་བ་མ་ཟད་ལོ་རྒྱུས་ཐོག་ཏུ་ཁོང་ལ་སྐྱོན་མདོག་འགའ་ཤས་བྱས་ཡོད་པར་འདུག། ཡིན་ནའང་ཕྱོགས་རིས་མེད་ཅིང་ལོ་རྒྱུས་གསོན་པོ་སྨྲ་མཁན་ཞིག་ལ་འགྲོ་དོན་མི་འཕེལ་ཞིང་སྐྱོན་མདོག་བྱེད་དོན་ཅི་ཡིན་ནམ་སྙམ་མཁན་ཡོད་སྲིད།

དེ་ནི་མི་ཟེར་མཁན་དེ་ཆགས་སྡང་རྨོངས་གསུམ་ཆེ་ཞིང་ཆོས་ལུགས་དང་གྲུབ་མཐའ་ནི་ཁྱུ་དང་ཁྱུ་འཚོ་བར་དགའ་ཞིང་། ལྷག་ཏུ་བོད་པ་ཚོས་དོན་མེད་ལ་རྒྱ་རྩོད་རྒྱུ་ལ་དགའ་བས།

སོ་སོས་ཅན་དེ་རྩ་ཆེ་ཤོས་སུ་རྩི་སྟེ་རང་ལྟ་མཆོག་འཛིན་དང་། གཞན་ལྟ་དམན་པར་རྩི་སྟེ་ཡང་ཡང་དུ་སྨོད་པས།

དེའི་བར་དུ་དྲང་བདེན་སྨྲ་མཁན་མི་བུ་དག་ནི་ཕར་མེད་ཚུར་སྟོང་དུ་ཆགས་ཤིང་གྲོགས་མེད་ཁེར་རྐྱང་དུ་ལུས་པའི་ཉེས་ཁ་ཆེ་བས་གནས་ཚུལ་དེ་ལྟ་བུ་ཞིག་ཏུ་ཡིན་ངེས། ཡིན་ནའང་རིས་མེད་སྐྱེས་བུ་ནི་གསེར་ས་འོག་གི་དཔེ་ལྟར་ཧ་ཀྱང་གཟི་བརྗིད་ལྡན་པ་ཞིག་རེད།། [合十][合十][合十]

རྒྱ་གར་ཡུལ་བྱོན་རྡོ་རྗེའི་གདན་དུ་བཞུགས༔
བདུད་བཞི་བཅོམ་པས་སངས་རྒྱས་ཀུན་དང་མཉམ༔
འདུལ་ཁྲིམས་ལྡན་པས་དགེ་སློང་ཆ་ལུགས་འཛིན༔
ཤཱཀྱ་སེངྒེའི་སྐུ་ལ་ཕྱག་འཚལ་བསྟོད༔
#莲师八变

དུས་རབས་བཅུ་གཉིས་པའི་སྐབས་སུ་བྱོན་པའི་དབུས་པ་བློ་གསལ་གྱི་ཆོས་འབྱུང་ནང་དུ་གསལ་བ་ལྟར་ན།

སྤུ་རྒྱལ་བཞི་པ་སོ་ཁྲིའམ་ཁྲི་སེ་བཙན་པོའི་སྐབས་སུ་བོད་ཀྱི་ཡི་གེ་བྱུང་བ་དང་། སྤུ་རྒྱལ་བརྒྱད་པ་གྲི་གུམ་ཚེ་སྟོད་ལ་བོན་པོ་རྫུ་འཕྲུལ་ཅན་གྱིས་བོན་གྱི་དཔེ་ཆ་སྤེལ་བ་དང་། ཚེ་སྨད་ལ་འགའ་ཁྱིམ་ཚ་སྟེ(གྲི་གུམ་དུས་མཉམ་པའི་སྨད་ཀྱི་མཁས་པ་མི་བཞིའི་ནང་མེ་ཉག་གྱིམ་ཚ)་ལ་སོགས་པས་དེ་དག་གཏེར་དུ་སྦས་ཚུལ་གྱི་ཤོད་སྲོལ་ནི།

བོན་དཔེ་ཙམ་དུ་མ་ཟད་བན་དེའི་ཆོས་འབྱུང་ཁག་ཏུ་འཁོད་ཡོད་པར་འདུག

ཡིན་ནའང་ཁོང་གིས་འདོད་ཚུལ་ནི་ལོ་ཚ་བ་སཾ་བྷོ་ཌའི་གོང་དུ་བོད་དུ་ཡི་གེ་མེད་པར་གླེང་གཞི་ཁུངས་མ(བཀའ་ཆེམས་ཀ་ཁོལ་མ་སོགས)ཡིན་ཚུལ་བཞེད།།