ཨི་ཊ་ལིའི་ཇེ་སུའིཊ་ཆོས་པ་ཨི་པྤོ་ལི་ཊོ་དེ་ས

首页发布

ཨི་ཊ་ལིའི་ཇེ་སུའིཊ་ཆོས་པ་ཨི་པྤོ་ལི་ཊོ་དེ་སི་སེ་ཌི་རེ་ཞེས་པའི་ཨེ་ཤུ་ཆོས་སྤེལ་བ་ཞིག་བོད་དུ་ཕེབས། དམིགས་ཡུལ་ནི་ཁ་བ་གངས་ཅན་ལྗོངས་འདི་ཡེ་ཤུ་ཆོས་ལུགས་སུ་བསྒྱུར་བའི་ཆེད་དུ་ཡིན་པས་བོད་ཀྱི་སྐད་ཡིག་དང་ནང་པའི་ལྟ་གྲུབ་ལ་བཙོན་པ་ཆེས་ཆེར་མཛད། ཁོ་པ་ནི་བློ་རིག་ཤིན་ཏུ་རྣོ་བས་སློབ་གཉེར་འཕེལ་རྒྱས་མྱུར་པོ་བྱུང་ལ། སློབ་གཉེར་ནི་དབུས་ཀྱི་གདན་ས་ཆེན་མོ་སེ་རར་གནང་ཞིང་། གདན་ས་ཆེན་མོ་དཔལ་ལྡན་འབྲས་དཀར་སྤུངས་པའི་སློབ་གཉེར་བ་དང་རྩོད་པའང་བྱས་མྱོང་། བོད་པ་ཚོའི་རང་གི་གྲུབ་མཐའི་གདེང་སྤོབས་ཀྱི་གསང་བ་དེ་རྟོལ་ཕྱིར། བོད་པ་ཤེས་ཡོན་ཅན་རྣམས་ནས་ཚད་ལྡན་དུ་ཆེས་བརྩི་བཀུར་བགྱིས་སའི་བསྟན་བཅོས་ཤིག་འཚོལ་དགོས་པར་ཤེས་ཤིང་། ཅི་སྟེ་བསྟན་བཅོས་དེ་སུན་ཕྱུང་ཐུབ་ན་བོད་བརྒྱུད་ནང་བསྟན་གྱི་ཀ་བ་གཙོ་བོ་ཞིག་གི་རྨང་རྡོ་བཤིག་པ་ལྟ་བུར་འགྱུར་གྱི་རེད་སྙམ་ཤིང་། གཞུང་དེའང་བྱང་ཆུབ་ལམ་རིམ་ཆེན་མོར་ངོས་བཟུང་བྱས་ཏེ་གཞུང་དེ་ཉིད་ལ་བརྩོན་པ་ཧུར་ཐག་བྱས་ཏེ་དགག་ཡིག་རྒྱས་པ་ཞིག་བརྩམས་ཡོད་ནའང་། བརྩམས་ཆོས་དེ་ཁེ་ཐོ་ལིཁ་ཡེ་ཤུའི་སྒྲིག་ཚུགས་ནང་གསེས་ཆོས་སྡེ་གཉིས་ཀྱི་དབར་དབང་ཆ་རྩོད་རེས་ཀྱི་འཐབ་རྩོད་ཀྱི་ཁོངས་སུ་ཆུད་པས་ཁྱབ་སྤེལ་སོགས་གང་ཡང་མ་བྱུང་བར་ལུས་པར་བཤད། དེ་ཡང་བོད་པ་ཚོ་ནི་རྒྱུ་མཚན་རྩ་བར་འཛིན་མཁན་ཞིག་དང་། རྗེའི་ལམ་རིམ་ཆེན་མོ་ནི་བསྟན་བཅོས་རྩེ་ཕུད་དུ་མཐོང་ཞིང་ཡིད་སྨོན་སྐྱེས་པ་འདི་ལྟར།