དམ་པ་མཇལ་ཡང་དམན་པའི་སྤྱོད་པས་བསླུས།།
ལམ་མཆོག་རྙེད་ཀྱང་ལམ་མིན་གཡང་ལ་འཕྱན།།
བདག་དང་བདག་འདྲའི་གཤིས་ངན་སེམས་ཅན་རྣམས།།
རང་རྒྱུད་ཆོས་ཀྱིས་ཐུལ་བར་བྱིན་གྱིས་རློབས།།

དྲུག་པ། སྐྱེས་པ་བུད་མེད་བཟའ་བཏུང་ཡོ་བྱད་སོགས་ཀྱི་སྐོར།
༄༅།། འཛམ་གླིང་སྤྱི་ཡི་མི་ཡི་བྱད་གཟུགས་དང་།།

སྒོས་སུ་རྒྱ་གར་མི་ཡི་བྱད་གཟུགས་བརྗོད།།

ལཱ་ཌེན་ལ་སོགས་ཕྱི་གླིང་སྐད་ཡིག་ལ།།

ལེགས་སྦྱར་ཟུར་ཆག་ཤུགས་རྐྱེན་ཆེ་ཚུལ་བརྗོད།།

རྒྱ་གར་ཡུལ་གྱི་གཉུག་གནས་མི་རིགས་དང་།།

ཨཱརྱཎ་པ་རྣམས་ཇི་ལྟར་སླེབས་པའི་ཚུལ།།

སླེབས་ནས་རྒྱ་གར་ཡུལ་དུ་སེར་སྐྱའི་གནས།།

ལུས་འཕགས་གསལ་ལྡན་གྲོང་སོགས་སྤོས་ཚུལ་ཡོད།།

དྲི་ཟ་གནོད་སྦྱིན་ཀླུ་དང་མིའམ་ཅི།།

མི་ཡི་ཡུལ་ཏེ་ཕྱིས་སུ་ལྷ་ཡུལ་བྱས།།

ལུས་འཕགས་ལ་སོགས་ཕྱོགས་བཞིར་དབྱེ་བ་ཡང་།།

ལུང་དང་མྱོང་བས་རྒྱ་གར་ཡུལ་དུ་རྙེད།།

ཨཱརཎ་རྣམས་ལ་སྲིད་སྐྱོང་རྒྱལ་པོ་དང་།།

དམག་དཔོན་ཆེན་པོ་འཁྲུངས་ཤིང་དམག་འཐབ་ལ།།

རྟ་གཙང་མཆོད་སྦྱིན་རྒྱལ་པོར་ཁྲི་འདོན་ཡོད།།

རིགས་དབྱེ་མ་ནུ་བྱ་བའི་ཁྲིམས་ཡིག་བཙན།།

མཆོད་པ་སྦྱིན་སྲེག་ཆོ་གས་བྲམ་ཟེ་དང་།།

ཨཱརྱཎར་འཐབ་ཆེད་མཚོན་ཐོགས་རྒྱལ་རིགས་བྱུང་།།

ཚོང་དང་ཞིང་ལས་བྱེད་པའི་རྗེའུ་རིགས་དང་།།

བརྙས་པས་དཀའ་ལས་བྱེད་པ་དམངས་རིགས་བྱུང་།།

དེ་རྗེས་སངས་རྒྱས་བསྟན་པ་དར་བ་དང་།།

རིགས་ལ་མཆོག་དམན་དབྱེ་བ་མེད་པར་བཏང་།།

གུཔྟའི་རྒྱལ་པོས་བྲམ་ཟེ་བསྟེན་པ་ཡིས།།

སླར་ཡང་བྲམ་ཟེ་དར་ཞིང་རིགས་རུས་དབྱེ།།

ཨཱརྱཎ་རྣམས་ཀྱིས་ཚེ་གཅིག་བྱེད་དགོས་པའི།།

ཀུན་སྤྱོད་རིམ་པ་བཞི་ཡི་འཇུག་ཚུལ་དང་།།

བྲམ་ཟེའི་ཆོས་ལོག་སྐེ་བྲེགས་མཆོད་པ་སོགས།།

མཆོད་པ་མེ་བསྲེགས་ཆོ་གའི་གནས་སྲོལ་ཡོད།།

ལྷ་དང་ཆུ་བོ་འགའ་ཡི་མིང་དྲས་པའི།།

ཚིགས་བཅད་ཙམ་ལས་དོན་ཟབ་ཅིང་མེད་ཀྱང་།།

ཁོ་བ་ཅག་གིས་སྦས་དོན་ཡོད་ཁུལ་གྱིས།།

ཆེར་བསྔགས་ཟབ་དོན་འགྲེལ་མཛད་རིག་བྱེད་དར།།

གཅེར་བུ་བ་ཡིས་རང་གི་ལུང་ཡིག་བྲིས།།

རྒྱལ་བ་དམ་པ་གཽ་ཏའི་སྔོན་འཁྲུངས་ཤིང་།།

ལུང་ལ་སྔ་མ་ཁོང་ཚོས་བྲིས་ཟེར་ཡང་།།

རྒྱལ་རབས་སྐད་ཀྱིས་སུ་སྔ་ཐག་གིས་ཆོད།།

གཏམ་རྒྱུད་ནམ་བྱུང་དུས་ལ་བརྟག་འདོད་ཚེ།།

གསར་རྙིང་སྐད་དང་བརྗོད་བྱ་ཡུལ་སྲོལ་སོགས།།

མང་པོ་བསྡུར་བས་བརྟག་བཟོད་རྒྱུ་མཚན་རྙེད།།

༡.ར་མ་ཡ་ན་གུཔྟའི་དུས་ལ་བརྩམས།།
༡.ར་མ་ཡ་ན་དང་བྷ་ར་ཏ། འཇུག་པ་བཅུའི་གཏམ་རྒྱུད། པུར་ན་སྔོན་རབས་བྱ་བའི་ལོ་རྒྱུས་པདྨ། ཚངས་པ་ཉ། ལིངྒ། མེ་ལ་སོགས།

རྒྱ་གར་པ་རྣམས་ལོ་རྒྱུས་མ་བྲིས་པས།།

མྱ་ངན་མེད་སོགས་སྔོན་བྱོན་རྒྱལ་པོ་དང་།།

མཁས་བཙུན་སློབ་དཔོན་ཡུལ་སྲོལ་ལོ་རྒྱུས་སོགས།།

ངོ་མཚར་གཏམ་རྒྱུད་དག་དང་བསྲེས་པ་མང་།།

རྒྱ་གར་བྱང་དུ་སྟོན་པ་སྐུ་འཁུངས་ཤིང་།།

ཉེར་དགུའི་བར་དུ་སྲིད་ཀྱི་ཁབ་ཏུ་བཞུགས།།

སོ་ལྔ་བཞེས་དུས་བྱང་ཆུབ་སྙིང་པོ་ཟད།།

དགུང་གྲངས་བརྒྱད་བཅུར་གཟུགས་སྐུའི་བཀོད་པ་རྫོགས།།

འདས་པའི་ཕྱི་ལོར་མ་སྐྱེས་དགྲ་བོ་ཡིས།།

སྦྱིན་བདག་མཛད་ཅིང་འཕགས་པ་ཉེར་བར་འཁོར།།

ཀུན་དགའ་བོ་དང་འོད་སྲུང་ཆེན་པོ་ཡིས།།

བཀའ་བསྡུ་དང་པོ་རི་ཕུག་གནས་ནས་བྱས།།

གཅེར་བུ་བ་ཡི་རང་གི་ལུགས་བཞིན་དུ།།

བརྩིས་ན་སྟོན་པ་མ་བྱོན་ཉི་ཤུའི་སྔོན།།

གཅེར་བུའི་སྟོན་པ་རྒྱལ་བ་འཁྲུངས་པ་དང་།།

སུམ་ཅུའི་ལོ་ལ་ཁྱིམ་སྤངས་རབ་ཏུ་བྱུང་།།

རང་རེའི་སྟོན་པའི་རྣམ་ཐར་བྱུང་རབས་ལ།།

གཅེར་བུའི་ལུགས་ཀྱིས་ལད་མོ་བྱས་གྱུར་ཏེ།།

ཁོང་ཅག་སྟོན་པའི་ལོ་རྒྱུས་ཡི་གེར་ཕབ།།

གཅེར་བུ་བ་ཡི་འབྲེལ་ཡོད་ལོ་རྒྱུས་ཡིན།།

ཨཤྭཀ་ནག་པོས་སྔར་བྱས་སྡིག་སྦྱོང་སླད།།

བྱེ་མ་ཅན་གྱི་ཀུན་དགའ་རྭ་བ་རུ།།

སྦྱིན་བདག་མཛད་ནས་དགེ་སློང་བདུན་བརྒྱ་བསྡུས།།

ལོ་བརྒྱའི་རྗེས་ཀྱི་བཀའ་བསྡུས་གཉིས་པ་ཡིན།།

སྟོན་པ་འདས་རྗེས་ཉིས་བརྒྱ་བཅུ་པ་ལ།།

གྷི་རིག་དམག་དཔོན་ཨེ་ལེག་ཟན་དར་གྱིས།།

ཏ་ཟིག་ཧྲིལ་བཟུང་ཉིས་བརྒྱ་བཅུ་གསུམ་རྗེས།།

སིནྡྷུཀུཤའི་རི་བཅད་རྒྱ་གར་ནུབ་བྱང་སླེབས།།

སྐབས་དེར་རྡོ་འཇོག་རྒྱལ་པོ་ཨམྦྷ་དང་།།

པཱུར་རུའི་རྒྱལ་པོ་ཉེན་ཁར་འཕྲད་དུས་སུ།།

རྒྱལ་པོ་ཨམྦྷས་མགོ་བཏགས་པཱུར་རུས་འཐབ།།

ཐ་མར་པཱུར་རུ་མ་བསད་དཔོན་དུ་བསྐོས།།

ཨེ་ལེག་ཟན་དར་ཡུལ་དབུས་འཛིན་པ་ལ།།

བགྲོད་པར་འདོད་ཀྱང་ནད་དང་ས་བབ་ཀྱིས།།

བསྐྲད་ནས་དམག་དཔུང་ཡེ་འགྲོར་མ་མཉན་པས།།

ཐ་མར་བ་བྷཻ་ལོན་དུ་ཕྱིར་ལ་ལོག།

སྟོན་པ་འདས་ནས་ཉིས་བརྒྱ་བཅུ་བདུན་ལ།།

ཨེ་ལེག་ཟན་དར་སུམ་བཅུ་ཐམ་པའི་ལོ།།

ནད་ངན་རྐྱེན་གྱིས་དམག་དཔོན་ཆེན་པོ་ཡི།།

སྲོག་གི་རྒྱུན་ཐག་སྙི་མོ་དེ་ནས་ཆད།།

མཽརྱའི་རྒྱལ་རབས་ཆེན་པོའི་ཁྲི་དང་པོ།།

ཙནྡྲགུཔྟར་ཞེས་སུ་གྲགས་པ་ཡིས།།

ཀཻཏུལྱ་དང་གྲོགས་འགྲིག་མཽརྱ་ཡིས།།

ཕྱི་དགྲ་བཅོམ་ཞིང་རྒྱལ་ས་སྐྱ་ནར་བཟུང་།།

ཙནྡྲགུཔྟས་ཚེ་མཇུག་དགེ་སྦྱོང་བསྒྲུབས།།

སིནྡྷུ་བྱ་བའི་བུ་ལ་རྒྱལ་སྲིད་གཏད།།

དེ་ལ་བུ་ནི་བརྒྱ་དང་གཅིག་སྐྱེས་པའི།།

མྱ་ངན་མེད་པ་དེ་ཡི་ཡ་གྱལ་ཡིན།།

ཚེ་སྟོད་དགྲ་གཉེན་མ་ལུས་གསོད་བཅོམ་ཞིང་།།

མངའ་ཁོངས་རྒྱ་བསྐྱེད་རྒྱ་གར་གཅིག་གྱུར་བྱས།།

ཚེ་སྨད་སྡིག་སྦྱོང་ཐབས་སུ་བཤེས་གཉེན་བསྟེན།།

བཀའ་བསྡུ་གསུམ་པའི་སྦྱིན་བདག་ཆེན་པོ་མཛད།།

གནས་བརྟན་མོགལའི་བུ་ཆེན་བཤེས་སུ་བསྟེན།།

མཆོད་རྟེན་བརྒྱད་ཁྲི་བཞི་སྟོང་རྟེན་ཏུ་བཞེངས།།

སྲས་སྲོས་གཉིས་ཀྱིས་རབ་བྱུང་ལུས་རྟེན་བླང་།།

སངས་རྒྱས་བསྟན་པ་ཤར་ནུབ་ཀུན་ལ་སྤེལ།།

འདི་ནི་རྒྱལ་ཁམས་རིག་བསྐོར་གསེར་ཐང་མའི།།

དྲུག་པ་སྐྱེས་པ་བུད་མེད་བཟའ་བཏུང་སོགས།།

སྐོར་གྱི་ཕྱག་བྲིས་བལྟས་པའི་བརྗེད་ཐོ་ཡིན།།

འཆུག་ས་ནོར་ས་མང་བས་ཡོ་བསྲང་ཞུ།།#微博[超话]# https://t.cn/A6xfVnRb

སྙིང་ལགས
དོ་ནུབ ཁྱོད་ཀྱིས་སུ་ཞིག་དྲན
ང་རང་གཅིག་པུར་ཁུ་སིམ་གྱི་གནས་འདི་ག་རུ
སྤྲིན་གྱིས་མ་བཏུམས་པའི་ཟླ་བའི་ངོགས་སུ་ཁྱོད་རང་ཡང་ཡང་དྲན་ཨང

_ གངས་གཞོན་གྱིས།