(གུར་གྱི་གྲོང་ཁྱེར། )
ཉི་མ་དང་ཐག་ཉེ་སར་འཚོ་བའི་མི་རྣམས།
ཆོ་འཕྲུལ་དང་ཟང་ཟིང་གིས་འུར་ཆིལ་ལེར་བཏང་ཞིང་།
བག་མེད་དང་འགྲན་རྩོད་ཀྱིས་བཟི་ཞིང་འཐོམས་པར་གྱུར།
རྒྱང་རིང་འདིར།
ཁ་གཡང་དང་ཚོན་ཁྲ་འཕྱུར་བ་ཡིས་བདག་གི་མཐོང་ལམ་སྒྲིབ།

རྒྱང་རིང་གི་ངས།
མཐོ་སྒང་གི་ཉིན་སྲིབ་གང་སར་ཉམ་ཆུང་གིས་འཚོ་བའི་མི་རྣམས་མ་མཐོང་ཞིང་།
རྒྱང་རིང་གི་ངས།
ཉི་མས་འཚིག་པའི་ངོ་གདོང་དེ་ཚོའི་འཛུམ་མདངས་མ་མཐོང་བར་ཡུན་རིང་འགོར།
ངས་ནམ་རྒྱུན། མཚན་མོ་ཁོ་ན་རང་དབང་གི་འཇིག་རྟེན་ཞིག་ལ་རྩིས་ནས།
མུན་པའི་ཁྲོད་ཡི་གེ་འབྲི་མཁན་གྱི་ན་མཉམ་འགའ་དང་།
མུན་པའི་ཁྲོད་རྐང་གླིང་འབུད་མཁན་གྱི་ལུག་རྫི་འགའ་དྲན་ཡོང་།

འདི་ལྟར། མི་རྣམས་ཀྱིས།
གྲང་ངར་དང་དགུན་ཁའི་ངོ་གདོང་བྲིས་ཞིང་།
བསླུ་བྲིད་ཀྱི་མངར་ཁའི་བར་ནས་རང་གི་ངོ་གདོང་འབོར་དུས།
ངས་ཀྱང་མཚན་མོ་ཁོ་ནར་སུས་ཀྱང་མི་གོ་བའི་གཏམ་རྒྱུད་བཤད།

དེ་དགོང་།
ངས་སྦྲ་གུར་གྱི་གྲོང་ཁྱེར་ཞིག་མཐོང་སོང་།
ངས་རྩྭ་ཐང་གི་ཁོག་པ་ཡངས་པོར་མཇལ།
སྐྱེས་ས་སྐྱེས་ཡུལ་དང་ཡུལ་མི་སྤུན་ཟླ།
བྱིན་རླབས་ཀྱི་མཚན་ཁ་འབར་བས་བསླུ་བཞིན་པའི་བླ་སྲོག་གི་སྒོ་མོ་རྡུང་ཞིང་།
ཁྲག་རྒྱུན་དང་དབང་རྩའི་བར་ན་གཉིད་ལ་ཡུར་བའི་དད་པའི་ཚོར་བ་སྒུལ་བས།
ས་མཛོད་དགེ་རྩྭ་ཐང་དུ་གུར་གྱི་གྲོང་ཁྱེར་བཞེངས་སོང་།

འདི་ཆོ་འཕྲུལ་ཞིག་ཡིན་ངེས་ལ།
གཡོ་ཅན་ཝ་མོའི་ཚོགས་ཀྱི་འཁྲབ་སྟོན་ཞིག་ཡིན་སྲིད།
འདི་བྱིན་རླབས་ཤིག་ཀྱང་ཡིན་ངེས་ལ།
མི་ཆེན་མང་པོའི་ཤེས་རབ་ཀྱིས་སྲུང་ཡོད་སྲིད།
སྐྱེས་ཆེན་དུ་མའི་ཐུགས་དགོངས་ལས་བཞད་པ་ཡིན་སྲིད།
གང་ལྟར།
དད་པ་དང་བྱིན་རླབས་ཀྱིས་བཞེངས་པའི་གུར་གྱི་གྲོང་ཁྱེར་འདི།
བག་མེད་ལོངས་སྤྱོད་ཀྱི་མ་བསླུས་པའི་ཡུལ་མི་ཚོའི་སྐད་སྐུར་ཡིན།

དེ་དགོང་།
ངས་བདུད་ཀྱི་ཞགས་སྣེ་རུ་ཆོས་ཀྱི་ལྡུམ་རྭ་འཁྲུངས་པ་མཐོང་ཞིང་།
ངས་དུས་ཀྱི་དུག་རླངས་བར་ནས་དད་པའི་གཟུངས་གཞུག་སྲུང་བ་མཇལ་བྱུང་།
ད་དུང་དེའི་མཐའ་ན་བསྐོར་བའི་སྐར་ཚོགས་ལྟ་བུའི་ཡུལ་མི་རྣམས་མཐོང་བྱུང་།

སྒོ་ཤེས་རབ་རྒྱལ་མཚོའི།
རྒྱ་སྐད་ཟེར་བ་ནི་ང་ཚོར་མཚོན་ན་སྐད་ཆ་གཞན་པ་ཞིག་རེད།
སྐད་ཆ་གཉིས་པ་ཞིག་རེད།
དེ་མ་འོངས་པ་ན་ཚད་ལྡན་ཤེས་མཁན་ཡང་ཡོང་བ་རེད་ལ།
མི་ཤེས་མཁན་ཡང་ཡོང་བ་རེད་མོད།
ཚད་ལྡན་ཞིག་ཤེས་ན་འཇོན་ཐང་རེད།
མ་ཤེས་ན་ཡང་མ་ཤེས་པ་རེད་སྐད་རིགས་གཞན་པ་ཞིག་རེད།
སོ་སོའི་མི་ཡུལ་གྱི་སྐད་དང་ཕ་ཡི་སྐད་འདི།
ཕ་སྐད་མ་སྐད་བཅའ་དག་ཞིག་བཤད་མ་ཤེས་དུས།
འཇིག་རྟེན་འདི་ནས་མྱི་ཡི་ཆད་ཆོས་གཙོ་བོ་ཞིག་མ་ཚང་བ་རེད།
སྐད་ཆ་བཤད་མ་ཤེས་དུས།
དེས་ན།
བྱིས་པས་ཚུར་རྒྱ་སྐད་འདྲ་ཞིག་བཤད་ཡོང་ན་ཡང་།
ལོ་ལོན་ནམ་དགེ་རྒན་དག་གིས་ལྷག་ཏུ།
ཡིན་གཅིག་མིན་གཉིས་བྱིས་པ་ལ་ཕར་སྐད་བོད་སྐད་གྱི་ལམ་ནས།
ཐ་སྙད་ཆ་ཚང་བ། ཐ་སྙད་བཅའ་དག
བཤད་རྒྱུ་དེ་ཤིན་ཏུ་གལ་ཆེན་ཞིག་རེད་བསམ་གི

༧ཡུན་རིང་འགྲོགས་ན་ཚེ་འདིའི་བྱ་བཞག་ལ།།
མི་སྐྱོ་བྱ་བ་གཅིག་ཀྱང་ཡོད་མིན་ཞིང་།།
སྐྱོ་བའི་སེམས་གསོ་དམ་པའི་ལྷ་ཆོས་ཏེ།།
སེམས་ཀྱི་ཁོང་དུ་ལན་ཅིག་འོང་བར་ངེས།།

དགེ་འདུན་ཆོས་འཕེལ། https://t.cn/EA7WWoO