ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔

མདུན་གྱི་ནམ་མཁའི་པད་མའི་གདན་ལ།། 

རྒྱལ་ཀུན་ངོ་བོ་པད་འབྱུང་བཞུགས་ཡོད།། 

རྩེ་གཅིག་དད་པས་སིདྡྷི་བཟླས་ན།། 

མཆོག་ཐུན་དངོས་གྲུབ་མི་སྩོལ་མི་སྲིད།། 

ནམ་ཞིག་གཤིན་རྗེའི་གྲོང་ལ་ཐོན་ནས།། 

སོད་རྒྱོབ་སྒྲ་ཡིས་འཇིགས་ཏེ་འབྲོས་ཚེ།། 

པད་འབྱུང་བྱོན་ནས་མི་སྐྱོབ་མི་སྲིད།། 

དེ་ཕྱིར་རྟག་པར་གུར་བསྙེན་འདོན་ཡ།། 

དགེ་སྡིག་རྣམ་སྨིན་རྣ་བས་ཐོས་ཀྱང་།། 

དགེ་སྒྲུབ་སྡིག་སྤང་ལག་ལེན་མ་ནུས།། 

འོན་ཀྱང་སྙིང་གི་གཏིང་ནས་འབོད་ས།། 

གུ་རུ་བཞུགས་པས་ཞེ་བློ་བདེ་སོང་།། 

སྙིགས་དུས་རྒུད་པ་རླུང་ནག་ཁྲོད་ན།། 

སྲོག་གི་གཤེད་མ་རྩིས་པས་མི་ཟིན།། 

སྙིང་དང་རུས་པའི་གསེང་ནས་འབོད་ས།། 

གུ་རུ་བཞུགས་པས་ཞེ་བློ་བདེ་སོང་།། 

ཉམས་ལེན་བྱ་འདོད་ཞེ་ན་ཡོད་ཀྱང་།། 

ཕྱི་བཤོལ་ངང་ནས་མི་ཚེ་རྫོགས་སོང་།། 

རང་གི་སྙིང་དབུས་པད་སྡོང་རྩེ་ན།།

གུ་རུ་བཞུགས་པས་ཞེ་བློ་བདེ་སོང་།། 

             ༢༠༢༣. སྟོན་ཁ།  དགེ་ལེགས་ནས། 

          

མི་ཡི་བཟང་ངན་དུས་ཚོད་ཀྱིས་འབྱེད་འོང་།
གྲོགས་ཀྱི་བཟང་ངན་དར་རྒུད་ཀྱིས་བསྟན་འོང་།
གཡོ་ཟོལ་ཡུན་མི་རིང་། བརྫུན་མ་ཕུགས་མི་བརྟན།

བཛྲ་ཚུལ་ཁྲིམས་རྒྱ་མཚོས།
时间能分辨人品之善良与否，盛衰能分晓朋友之真诚与否。伪装不会持久，谎言总会揭穿。
～～班字尔慈智加措。

འབྱོར་པར་མཐོང་ཚེ་དྲུང་དུ་འདུས་བྱེད་ཅིང་།།
རྒུད་པར་མཐོང་ཚེ་རྒྱང་ནས་ཡིབ་བྱེད་པ།།

ཕལ་པའི་སྐྱེ་བོ་ཀུན་གྱི་ཆོས་ཉིད་འདི།།
སྔ་མོའི་དུས་ནས་ཁོ་བོས་ཤེས་པ་ལགས།།