རང་དབང་གི་འཚོ་བ་ཇི་ལྟར་རྩོད་ལེན་བྱས་ན། དེ་ལྟར་སངས་རྒྱས་ཀྱི་གོ་འཕང་ཟེར་བ་དེར་སྙེག་གིན་ཡོད་ལ། གཞན་ཕ་རོལ་གྱི་བསྟོད་སྨད་ཙམ་གྱི་ཆེད་དུ་འཚོ་ཞིང་། གདོང་པག་གཉིས་གྱོན་པའི་ཆོས་རྫུ་ཇི་ལྟར་ཆེ་ན། དེ་ལྟར་དམྱལ་བ་ཟེར་དེར་ལྷུང་བའི་བདག་འཛིན་མ་རིག་པའི་ཤུགས་ཆེ་རུ་གཏོང་གིན་པ་འདྲ།

རླུང་གིས་དེད་པའི་སྟོན་ཟླ།

རྩྭ་ཐང་དུ་སྔར་བཞིན།
གྲང་ངར་གྱིས་སྤུངས་བའི་དུད་སྤྲིན་དག
བར་མེད་དུ་གཡོ་བར་རྩོམ།

ནམ་ཟླ་ཇེ་འཁྱག་ཏུ་ཕྱིན་པས།
ལག་པ་ཆབ་རོམ་གྱིས་མ་བསྡམས་གོང་།
ངས་མཐོང་ལམ་ན་ཡལ་ལ་ཉེ་བའི་རི་ཆུ་ནགས་གསུམ་གྱི་བཀོད་པ་དང་།
སླར་ཡང་ཕྲད་དཀའ་བའི་ཆ་མེད་ཀྱི་ངོ་གདོང་དག
ཞིབ་ཏུ་འབྲི་བར་བྲེལ།

སྟོན་ཟླ་འདི། མ་གཞི་ནས་མིའི་སེམས་སུ།
བྲེལ་འཚུབ་ཀྱིས་ལོག་པ་ཞིག་རེད་ཨང་།

དུས་ཚོད་ཀྱི་ཐག་སྣེ་ན།
འཇའ་གུར་ཞིག་དང་འདྲ་བའི་ཁྱོད་ཀྱི་སྟོན་ཟླ། ང་ཡི་སྟོན་ཟླ། འུ་ཅག་གི་སྟོན་ཟླ།
དྲན་གདུང་གིས་ཆུ་ཡིས་ཁྱེར་སམ།
ཞེན་ཆགས་ཀྱི་ལག་པས་ཐོང་ངམ།

སྟོན་ཟླ་དེར། རྒྱུན་ལྡན་ལྟར།
ཁ་བ་འབབ་ཤིང་བུ་ཡུག་འཚུབ།
སྟོན་ཟླ་དེར། ས་གཞིའི་བྲང་མདོག་གི་འགྱུར་བ་ཙམ་མ་ཡིན་པར།
མི་རེ་རེ་འགྱུར་ལྡོག་སྣ་ཚོགས་ཀྱི་ཚལ་དུ་ཨ་ཐང་ཆད་ཀྱིན་འདུག

༢༠༢༣/༩/༢༨ཉིན།

ཨོ་རྒྱན་རིན་པོ་ཆེ་ལ་གསོལ་བ་འདེབས།
祈禱鄔金大寶尊
འགལ་རྐྱེན་བར་ཆད་མི་འབྱུང་ཞིང་།།
違緣障礙無緣生
མཐུན་རྐྱེན་བསམ་པ་འགྲུབ་པ་དང་།།
順緣意樂悉圓滿
མཆོག་དང་ཐུན་མོང་དངོས་གྲུབ་སྩོལ།།
祈賜共不共悉地