【བཀའ་དྲིན་ཞུ་ཡིག】ཐེངས་འདིའི་ལྷོ་རྒྱུད་ཀྱི་རིག་གནས་དང་ལོ་རྒྱུས་ཀྱི་ཡུལ་དངོས་བརྟག་དཔྱད་ཀྱི་འགྲུལ་བཞུད་རིང་མོ་རྒྱལ་ཁའི་ངང་མཇུག་རྫོགས་ནས་རང་ཁྱིམ་ཉི་འོད་ཅན་ལ་བདེ་བར་འབྱོར་ཡོད། ཐོག་མར་དགུང་གྲངས་གྱ་བཞིར་སོན་པའི་མ་རྒན་གྱིས་ཉི་མ་རེ་རེར་གུས་པའི་ལམ་ལྷོང་ཆེད་དུ་བསང་གཏོང་པ་དང་ཁ་འདོན་སྨོན་ལམ་ཆག་མེད་གནང་བར་ཐུགས་རྗེ་ཆེ་ཞུས་ཡོད། དེ་ནས་ཡར་ཀླུང་གི་རྩོམ་པ་པོ་གྲགས་ཅན་ཨེ་ཉི་མ་ཚེ་རིང་། ལྷུན་རྩེ་རྫོང་གི་རྫོང་དཔོན་མཁས་ཅན་ཕུན་ཚོགས་ལགས། དེའི་ཚ་བོ་འཕྲིན་ལས། མཚོ་སྣའི་ཟླ་བཟང་མ། གྲོ་བོ་ལུང་གི་བླ་གྲྭ་རྣམས་དང་། སྲས་མཁར་དགུ་ཐོག་དང་ལྷོ་བྲག་ལྷ་ལུང་དགོན་གྱི་འདུས་སྡེ་སོགས་གུས་པར་ཐེངས་འདིའི་འགྲུལ་བཞུད་ལ་བླང་དོར་ལམ་སྟོན་གནང་མཁན་སྤྱི་དང་། བྱེ་བྲག་སྟོབས་འབྱོར་གཉིས་ལྡན་གྱི་སི་ཁྲོན་ཁྲིན་ཏུའི་སྦྱིན་བདག་མཛེས་མ་ལིས་ཀྱིས་རྒྱུ་སྟོབས་ཚད་མེད་གྱི་འགྲོ་སོན་དང་། ཐ་ན་མིང་ཤེས་མིན་ལ་མ་བལྟོས་པའི་ལམ་རྒྱུས་སྟོན་མཁན་ཚུན་ཆད་ལ་མཆོག་གསུམ་གྱི་བདེན་པ་བདར་ནས་ཐུགས་རྗེ་ལེགས་འབུལ་ཞུས་ཡོད། དགེ་འདི་བྱང་ཕྱོགས་གངས་རིའི་རྒྱུད་ཀྱི་ཆོས་རིག་དར་བའི་ཞབས་ཞུ་དང་དེའི་དགེ་བའི་གསོས་སུ་བསྔོ་རྒྱུ་ཡིན་ལགས། — བན་ཤུལ་དཔལ་མཁར་རྒྱལ་གྱིས་ལྷ་སར། 这次藏南地区的文化与历史实地考察圆满结束，这里表示感谢支持和关心我的所有朋友们！！！还有特别表示感谢成都财神李女士的大力支持！我已安全到达圣地拉萨！谢谢大家！

༈ ༢༠༠༥ ལོ་ནས་བཟུང་མི་ལོ་ཧྲིལ་བོ་བཅུ་དགུའི་རིང་མིང་མཛོད་དཔྱད་གླེང་ཚོགས་འདུ་རིམ་པ་ལྟར་བསྡུས་ཏེ་ད་རེས་ཀྱི་མིང་མཛོད་དཔྱད་གླེང་ཚོགས་འདུ་སྐབས ༤༧ པར་ཁེལ་ཀྱིན་ཡོད་པ་རེད། འདས་མ་ཐག་པའི་དུས་རབས་ཉི་ཤུ་པའི་ནང་དུ་སྐད་རིགས་སྟོང་ཕྲག་གཅིག་ནུབ་སྟེ། སའི་གོ་ལའི་ཐོག་ནས་མེད་པར་གྱུར། ད་ལྟ་གཟའ་འཁོར་གཉིས་རེ་ཙམ་གྱི་ནང་དུ་སྐད་རིགས་གཅིག་རེ་ནུབ་ནས་མེད་པར་འགྱུར་བཞིན་ཡོད། མ་འོངས་པའི་ལོ་བརྒྱའི་ནང་དུ་འཛམ་གླིང་གི་སྐད་རིགས་བརྒྱ་ཆ་ལྔ་བཅུ་ཙམ་ནུབ་ནས་མེད་པར་འགྱུར་རྒྱུ་རེད། བོད་གངས་ཅན་པ། རང་གི་སྐད་ཡིག་ལ་སྲོག་བཞིན་དུ་གཅེས། མིག་བཞིན་དུ་སྐྱོངས། སྙིང་བཞིན་དུ་སྲུང་བར་མཛོད། འདི་ནི་མི་རིགས་ཧྲིལ་པོ་འཚོ་གནས་བྱེད་པའི་སྲོག་དང་། བླང་དོར་གསལ་བའི་མིག་དང་། བསམ་བློ་བརྟེན་སའི་སྙིང་རེད། འདི་མེད་ན་ཐམས་ཅད་ནས་ཐམས་ཅད་མེད་པར་འགྱུར་ལ། འདི་ཡོད་ན་སྲོག་གི་དབང་པོ་ནམ་ཡང་ཡོད་པས་ཅིས་ཀྱང་འབད་པར་འཚལ་ལོ།།
    ཚུལ་ཁྲིམས་བློ་གྲོས་ཀྱིས།[合十]

༄༅།།དམ་པའི་སྙིང་ལ་འཇིགས་པ་སྦྱིན་བྱེད་པ།།
དུག་གསུམ་ཆང་གིས་རབ་ཏུ་མྱོས་པ་ཡི།།
ཟློས་གར་མངོན་དུ་བསྒྱུར་ཀྱང་ཚུལ་བསྟན་ཞེས།།
ཡོལ་བའི་ཕག་ཏུ་འཆེལ་ལའང་བདག་མི་དད། །

པཎ་ཆེན་བློ་བཟང་ཆོས་རྒྱན་གྱིས།