སྐྱེས་པ་ཕོ་ཟེར་བ་ནི་མགོ་ཐོག་ན་གནམ་ལས་མེད་པའི་ང་རྒྱལ་གྱི་ལྒང་བུ་ཞིག་མ་ཡིན་པར། རང་གི་མགོ་ཐོག་གི་ནམ་མཁའ་ལ་བདག་པོ་བརྒྱག་ཕོད་པའི་རང་བཙན་དང་ཁེར་ཚུགས་ཀྱི་འཇིག་རྟེན་ཞིག་ཡིན་དགོས། བརྩེ་དུང་གི་མདུན་དུ་ཤ་ཚ་ཆེ་བ། རྒྱུ་འབྲས་ཀྱི་མདུན་དུ་ཁྲེལ་གཞུང་འཚོ་བ། ཕུགས་བསམ་གྱི་མདུན་དུ་སྙིང་རུས་ཐུབ་པ།

དཀའ་སྡུག་གི་མདུན་དུ་འཇུག་ལྡོག་ཤེས་པ་ནི་སྐྱེས་པ་ཕོ་ཞིག་གི་ཁོག་དཔུང་དང་ཟབ་བརླིང་ཡིན་འོས།

སྐྱེས་པ་ཕོ་ནི་ནམ་ཡང་རང་གི་རྣམ་ཤེས་ཀྱི་དེད་དཔོན་ཉན་དགོས་པ་ལས། དབང་དང་འབྱོར་བའི་ཞབས་གཡོག་འབའ་ཞིག་ཡིན་མི་འོས་སོ།། ཐེའུ་རང་གིས།

བགྲང་ཡས་རྒྱལ་བ་ཀུན་གྱི་ཚངས་སྲས་མ།།          
ན་ཚོད་བཅུ་དྲུག་ལང་ཚོའི་དཔལ་གྱིས་སྒེག། །
ངག་གི་དབང་ཕྱུག་ཤེས་རབ་སྩོལ་བའི་ལྷ།།
དངོས་སུ་མཇལ་བའི་བསྐལ་བཟང་བདག་ལ་སྩོལ།།

བལྟས་ན་སྐྱིད་སྐྱིད་འདྲ་བའི་འཇིག་རྟེན་གྱི་ཕུན་ཚོགས། །
ཐོབ་ན་རང་རང་སྐབས་ཀྱི་སྡུག་བསྔལ་རེ་འདུག་པ། །
འཕྲལ་སྣང་བདེ་བའི་གནས་སྐབས་རྨི་ལམ་ཙམ་སོང་རྗེས། །
ཅིས་ཀྱང་རང་སེམས་སྐྱོ་བའི་རྐྱེན་སྣ་རེ་འདུག་པ། །

—དགེ་འདུན་ཆོས་འཕེལ། https://t.cn/R2Wx3sA