དཀའ་སྡུག་གི་དུས་མཐའ་གང་ལའང་བརྩེ་བ་མཚོ་མོ་འདྲ་བོ་གཏན་ནས་སྐམ་མ་མྱོང་ཞིང་། འཚོ་བའི་ངལ་དུབ་དང་། ཁེར་རྐྱང་གི་གདུང་བ་ཡིས་སེམས་པ་གནར་དུས་ལུས་ཀྱི་གྲིབ་མ་བཞིན་གཏན་ནས་ཁོ་བོ་དང་བྲལ་མ་མྱོང་བའི་བློ་ཁོག་གི་མི་བུ་དག མགོ་ཐོག་གི་ཉི་མ་འདི་རི་རྒྱབ་ཏུ་ནུབ་ནས་ཡོད་ཚད་ནག་ཐམ་མེར་དུ་འགྱུར་ནའང་ངས་ཁྱེད་ཅག་གཏན་ནས་གཏང་མི་སྲིད། གལ་ཏེ་ང་ལ་ནུས་སྟོབས་ཤིག་ཡོད་གྱུར་ན་ངས་ནམ་མཁའི་སྐར་མ་ཡོད་ཚད་ཕྱོགས་གཅིག་ཏུ་སྤུངས་ནས་འོད་ཀྱིས་ཁེངས་པའི་གཞིས་ཁྱིམ་ཞིག་ཏུ་ཁྱེད་ཅག་བསུ་མ་བྱ་ངེས། སྙིང་ཉེ་བའི་མི་བུ་དག ཁ་ཕྱོགས་བོར་བའི་བར་སྐབས་འདི། དཀའ་སྡུག་གི་གྲང་ངར་བུ་ཡུག་འཚུབ་འཚུབ། ཡིད་སེམས་གནར་བའི་དོན་ངན་རྩ་སྐྱ་སྐྱེ་སྐྱེ། ཟས་ཞིམ་པོ་ལ་རོ་མེད་པ། གོས་བཟོང་པོ་ལ་དྲོད་མེད་པ་ཡོད་ཚད་སྟོང་སང་སང་དུ་ཆགས་སོང་བས། ད་ལྟ་ཁོ་བོའི་བརྗིད་ཆགས་ཀྱི་ཕུགས་མདུན་དང་མི་ཚེའི་རྨི་ལམ་སོགས་ཡོད་ཚད་སྣངས་མེད་དུ་བཏངས་ཤིང་། མཐའ་ན་གསོན་པའི་སྟོགས་ཤུག་ཙམ་ཡང་མེད་ལ་ཉེ་དུས། ཁྱེད་ཅག་ནི་ཁོ་བོའི་བརྗིད་ཆགས་ཀྱི་ཕུགས་མདུན་དང་གསོན་པའི་སྲོག་གི་སྟོབས་ཤུག་ཡིན། ད་ཆ་ང་ལ་ཕགས་བསམ་ཞེས་པའི་ཞུམ་པ་མེད་པའི་སྙིང་སྟོབས་དེ་མེད་ལ་རྨི་ལམ་ཞེས་པའི་རེ་བས་ཁེངས་པའི་འཆར་ཡན་དེ་མེད། ཅི་གང་ཡང་མེད་པའི་དུས་སྐབས་འདིར་ང་ལ་ཁྱེད་ཅག་མཁོ། ཁྱེད་ཅག་གི་དགོད་སྒྲ་དང་འཛུམ་ཞལ་མཁོ།

ཁྱད་པར་རྩ་བའི་བླ་མར་མོས་གུས་དང་།།

དམ་ཚིག་གཅིག་པའི་མཆེད་ལ་བརྩེ་གདུང་དང་།།

མ་གྱུར་འགྲོ་ལ་སྙིང་རྗེ་བྱང་སེམས་དང་།།

འདུས་བྱས་མི་རྟག་བློ་སྣ་བསྟུང་བ་རྣམས།།

ཆོས་པའི་གཏད་ནོར་བཞི་ཞེས་མེད་ཐབས་མེད།།

ཅེས་གསུངས།

བཙན་པོའི་སྐབས་ཀྱི་སྤྱི་ཚོགས་རྣམ་པ་དང་ཁྲིམས་སྲོལ་སོགས།
བཙན་པོ་སྲོང་བཙན་སྒམ་པོ་ནས་འུ་དུམ་བཙན་པོའ་ིབར་གྱི་ཁྲིམས་ལུགས་ལམ་སྲོལ་རྣམས་ཕལ་ཆེར་མཐུན་ཞིང་། ལམ་ལུགས་ཐད་ལའང་ཅུང་ཟད་རེ་མི་འདྲ་བ་ཡོད་སྲིད་མོད། ཕལ་ཆེ་བ་གཅིག་མཚུངས་སུ་སྣང་། བཙན་པོའ་ིསྐབས་ཀྱི་ཁྲིམས་སྲོལ་ནི་སྲོང་བཙན་སྒམ་པོའ་ིདུས་ནས་འགོ་བཙུགས་པ་དང་། ཁོང་གིས་གཏན་འབེབས་བྱས་པའི་ཁྲིམས་ལའང་དོན་ཚན་ཆེན་པོ་དྲུག་ཡོད་དེ། བཀའ་ཡི་ཁྲིམས་ཡིག་དྲུག་བཀའ་གྲོས་ཆེན་མོ་དྲུག་ཡིག་ཚང་དྲུག་ཕྱག་རྒྱ་དྲུག་རྐྱེན་དྲུག་དཔའ་ཚན་དྲུག་བཅས་དོན་ཚན་དྲུག་དང་། དེ་དག་རེ་རེ་ལའང་ལེའུ་འམ་དོན་ཚན་ཆུང་བ་དྲུག་རེ་ལས་གྲུབ་པས་ཁྱོན་བསྡོམས་དོན་ཚན་སུམ་ཅུ་སོ་དྲུག་ཡོད། དེ་ལ་ཁོད་སོ་དྲུག་ཅེས་ཀྱང་གྲགས། ཆོས་རྒྱལ་སྲོང་བཙན་གྱིས་འདི་དག་གཏན་ལ་ཕབ་པའི་རྗེས་སུ་སྣོན་ཕྲི་ཕྲན་ཙམ་རེ་བྱས་ཡོད་ཀྱང་། ། རྩ་བའི་ཆ་ནས་སྒྲོམ་གཞི་འདིའི་སྟེང་ནས་བཙན་པོའ་ིརབས་ཀྱི་དབང་ལུང་མ་ཉམས་པའི་བར་དུ་གནས་ཡོད།