མངའ་རིས་ཀྱི་དམངས་གཞས་ལས་ཁ་འབབ་རྣམ་བཞིའི་བྱེད་ལས་ལ་འདི་ལྟར་བསྔགས་པར་བྱེད་དེ།
རྟ་མཆོག་ཁ་འབབ་གྲོ་ཤོད་ཡུལ་དུ་འབབ།།
གྲོ་ཤོད་རྟ་རྒྱུ་བཟང་བ་དེ་ནས་བྱུང་།།
རྨ་བྱ་ཁ་འབབ་པུ་རང་ཡུལ་དུ་འབབ།།
པུར་མོ་ཁ་འབྲས་ལེགས་པ་དེ་ནས་བྱུང་།།
གླང་ཆེ་ཁ་འབབ་གུ་གེ་གཞུང་ལ་འབབ།།
གུ་གེ་གླང་ཤེད་ཆེ་བ་དེ་ནས་བྱུང་།།
སེང་གེ་ཁ་འབབ་ལ་དྭགས་ཡུལ་ལ་འབབ།།
ལ་དྭགས་དཔའ་རྩལ་ཆེ་བ་དེ་ནས་བྱུང་།།

མི་ལུས་རིན་ཆེན་རྙེད་པ་འདི། ། ནོར་བུ་རྙེད་པའི་དོ་མ་ཡིན། ། སྐྱོ་ཤས་མེད་པའི་མི་རྣམས་ཀྱིས། ། སྟོང་ཟད་བྱས་པ་མཐོང་ལགས་སམ། ། བླ་མ་དམ་པ་མཇལ་བ་འདི། ། རྒྱལ་སྲིད་ཐོབ་པའི་དོ་མ་ཡིན། ། མོས་གུས་མེད་པའི་མི་རྣམས་ཀྱིས། ། མཉམ་འགྲོགས་བྱས་པ་མཐོང་ལགས་སམ། ། སེམས་བསྐྱེད་སྡོམ་པ་ཞུས་པ་འདི། ། སྡེ་དཔོན་ཐོབ་པའི་དོ་མ་ཡིན། ། སྙིང་རྗེ་མེད་པའི་མི་རྣམས་ཀྱིས། ། འུར་རྡོར་འཕངས་པ་མཐོང་ལགས་སམ། ། རྒྱུད་སྡེའི་དབང་བསྐུར་ཐོབ་པ་འདི། ། འཁོར་ལོས་སྒྱུར་བའི་དོ་མ་ཡིན། ། དམ་ཚིག་མེད་པའི་མི་རྣམས་ཀྱིས། ། ཆུ་ལ་བསྐུར་བ་མཐོང་ལགས་སམ། ། སེམས་ཉིད་རང་ངོ་མཐོང་བ་འདི། ། སངས་རྒྱས་མཐོང་བའི་དོ་མ་ཡིན། ། སྙིང་རུས་མེད་པའི་མི་རྣམས་ཀྱིས། ། འཁྲུལ་དུ་བཅུག་པ་མཐོང་ལགས་སམ། །
---ཀ་དམ་པ་བདེ་གཤེགས།
获此人身宝，得摩尼难比，诸无厌离人，岂不见空耗？遇殊胜上师，得王位难比，诸无恭敬者，岂不视等伴？求发心律仪，得官位难比，诸无悲心者，岂不见抛石？得续部灌顶，轮王位难比，诸无誓言者，岂不付东流？见心性本面，见诸佛难比，诸无精进者，岂不见迷乱？
——噶·当巴德协尊者

སྟོན་ཀའི་འཇིག་རྟེན།
ནམ་ཟླའི་དྲོད་ཁོལ་ལབ་རྩེ་ཟུར་ནས་ནུབ།།
རི་ཀླུང་འཁྱག་པའི་གཅོང་སྐད་རླུང་དང་འདྲེས།།
ལང་ཚོ་སེར་ཁ་བབས་པའི་སྟོན་ལོས་ཀྱང་།།
ཁ་བའི་ཁྲོད་ནས་འདར་གླུ་རྒྱང་དུ་འཐེན།།

ཆབ་སྐྱ་རེངས།