འཇིག་རྟེན་ལས་ཀྱི་གྲུབ་པ་དང།།ལས་ནི་སེམས་ལ་རག་ལས་པས།སེམས་ཀྱི་རང་བཞིན་མཐོང་གྱུར་ན།།སངས་རྒྱས་གཞན་ལ་འཚོལ་མི་དགོས།།སེམས་ཀྱི་ངོ་བོ་སྟོང་བ་དང་།དེ་ཡི་རང་བཞིན་གསལ་བ་དང་།ཟུང་འཇུག་སྤྲུལ་བའི་སྐུར་བྱས་ན།སངས་རྒྱས་གཞན་ལ་འཚོལ་མི་དགོས།།ཤེས་བས་སྲིད་པའི་རྩ་བ་བཅད།སྙིང་རྗེས་ཞི་བའི་མཐའ་དང་བྲལ།སྲིད་ཞི་མཐའ་ལ་མི་གནས་ན།སངས་རྒྱས་གཞན་ལ་འཚོལ་མི་དགོས།།

གེ་སར་རྡོ་རྗེ་ཚེ་རྒྱལ།
(འཁྲབ་སྟོན་པ། རྫ་ཨ་རིག་པ་འཇམ་དཔལ་མཐོང་མཆོག་རང་གྲོལ།)

འཛམ་གླིང་གེ་སར་རྒྱལ་པོའི་ཆ་ལུགས་འདི་དད་མོས་ཀྱི་ངོས་ནས་བཤད་ན་འཇམ་མགོན་མི་ཕམ་པའི་ཐུགས་གཙིགས་ཆེན་པོ་གནང་སའི་གེ་སར་གྱི་སྒྲུབ་གཞུང་ཡོངས་ཀྱི་རྩ་བ་ལྟ་བུ་ལྷ་རིགས་བདེ་ཆེན་རོལ་བ་རྩལ་གྱི་གཏེར་གཞུང་དང་མཐུན་ལ།

ལོ་རྒྱུས་ཀྱི་ངོས་ནས་བཤད་ན་ད་ལྟའི་གེ་སར་ཀྱི་ཁྲབ་རྨོག་སོགས་ལ་བོད་རང་གི་གནའ་དུས་ཀྱི་རྣམ་པ་ཇི་བཞིན་ཡོང་ཐུབ་ཡོད་མེད་ཅི་རིགས་འདུག་པ་ལ་ལྟོས་ན། རྡོ་རྗེ་ཚེ་རྒྱལ་གྱི་ཆ་ལུགས་འདི་བོད་མིའི་གནའ་བོའི་སྲོལ་རྒྱུན་དང་ཧ་ཅང་མཐུན་ཚབ་ཆེ་བ་འདུག་ལ།

མིག་ལ་ཡང་ཤིན་ཏུ་མཛེས་པོ་མི་འདུག་གམ།[good]

ཁྱོད་ནི་མཚོན་དོན་ཞིག་ཡིན།

གུ་དཔལ་ཤིས།

པོ་ཏ་ལ།
ཕྱེད་ཀ་ལྷ་ཆོས་ཀྱིས་དྲུབས།
ཕྱེད་ཀ་མི་ཆོས་ཀྱིས་ཚེམས།

པོ་ཏ་ལ།
རྒན་པོའི་རྣམ་ཤེས་ཀྱི་མཁར་རྫོང་།
གཞོན་པའི་མདུན་ལྗོངས་ཀྱི་ས་བཀྲ།

པོ་ཏ་ལ།
ཁ་སང་གངས་རི་བཞིན་བརྗིད་པས།
སང་ཉིན་མཚོ་མོ་བཞིན་ཟབ་དགོས།

པོ་ཏ་ལ།
མེས་པོའི་དུར་སའི་བཙན་རྫོང་།
འཚོ་བའི་གངས་ཀྱི་གླིང་ག

པོ་ཏ་ལ།
གསལ་སྒྲིབ་བོར་བའི་མེ་ལོང་།
ལྕགས་སྒྲོག་ཐེབས་པའི་སེངྒེ།

པོ་ཏ་ལ།
དཀྱེལ་ཡངས་ཆེ་བའི་ནམ་མཁའ།
བསྟུན་རུས་སྲ་བའི་ཕ་ལམ།

པོ་ཏ་ལ།
གསོན་པོའི་མིག་འབྲས་ཐོག་ས།
ཤི་བོའི་རྣམ་ཤེས་བཅོལ་ས།

པོ་ཏ་ལ།
ཡིད་ཀྱི་གངས་རི།
ལས་ཀྱི་གཞིས་ཀ

༢༠༢༣ ༡༠ ༢༢#gebaxiT[超话]#