ས་རུབ་རྗེས།

མུན་ནག་སྐར་ཕྲན་ཀྱུག་ཀྱུག
སྒྲོན་འོད་ཕྱེ་ལེབ་གཉིས་ཀྱི་གཤོག་རྡང་རྩེན།
ཆད་ནས་ཤི་བ་ང་རང་།
ངལ་ཏེ་ཉལ་བ་ཁྱོད་རང་།

མུན་ནག་སྐར་ཕྲན་ཀྱུག་ཀྱུག
སྔས་ཐོག་མཆི་མའི་རླབས་ཟིལ་རྒོད།
གོམ་ཆུང་རྒྱག་སའི་ལ་མོ།
སྨུག་པའི་ཁུད་དུ་གཟིམས།

ཁྱོད་ཟེར་བ་དེ།
སྣང་སྟོང་སྡོང་བོའི་ཡལ་གར་ཐོགས་ཀྱིན།
ཁ་ཆད་དང་དྲན་གདུང་གི་ཟིལ་བ་ཟེགས་རྗེས།
ལག་ཟུང་གི་མདུད་པ་ཞིག་ཟིན།

དེ་ནི་གཙང་བོར་ཡེངས་པའི་ལོ་མའི་སྟེང་།
རྡུལ་གཟུགས་སུ་གྲུབ་པའི་འུ་གཉིས།
རང་དབང་ལ་ཞེན་པས་ཡིན་མོད།
དོན་དུ་སུ་ལའང་ཐར་བ་མི་འཐོབ།

མུན་ནག་སྐར་ཕྲན་ཀྱུག་ཀྱུག
མི་ཚེ་མར་ངོའི་ཟླ་བ་ཤར།
བརྩེ་དུང་རི་བོང་གཟུགས་ཀྱི་ཕྱེད་ཀ་ནུབ།

༢༠༢༣/༧/༡༦ ཐོས་པ་དགའ་ནས།

བདག་ནི་ཁྱེད་ལ་སྐྱོན་བརྗོད་དང་། དགག་པ་ཅི་ཙམ་མང་ན་དེ་ཙམ་དུ་དགའ་བ་ཇེ་ཆེར་དང་། དད་པ་ལྷ་ལྷག་ཏུ་འཕེལ་འགྲོ་གིན་འདུག རྒྱུ་མཚན་མུན་ནག་ཅི་ཙམ་མཐུག་ན་ཟླ་འོད་དེ་ཙམ་གསལ་བ་ལྟར་ཁྱེད་ཀྱི་མཁྱེན་རྒྱ་དང་། ཁྱེད་ཀྱི་ཐུགས་གཤིས། ཁྱེད་ཀྱི་མཛད་པ། ཁྱེད་ཀྱི་སྤོབས་པ། ཁྱེད་ཀྱི་ཐབས་ཤེས། ཁྱེད་ཀྱི རང་ཚུགས། གང་གི་གུ་ཡངས་སོགས་སྔར་ལས་མངོན། སྐྱོན་རྗོན་པ་རྣམས་ཀྱིས་ཉིན་མཚན་ལྟོས་མེད་དུ་བཙལ་ཡང་། ཕྱོགས་གཞན་རིང་ལུགས་རྣམས་ཀྱིས་དཔྱད་པ་ལོ་ནས་ལོར་བྱས་ཀྱང་། ལྡོག་ཕྱོགས་པ་རྣམས་ཀྱིས་གཞན་ལ་ག་ཚོད་དྲིས་ཀྱང་ཀུན་ལ་མཐུན་སྣང་དུ་གྲུབ་པའི་མཁྱེན་རྒྱ་སོགས་གང་ལའང་དོན་དམ་པའི་སྐྱོན་ཞིག་གཞི་ནས་རྙེད་རྒྱུ་མེད་པ་འདི་རེད། ལྷག་པར་དུ་བོད་མི་སྤྱི་ཡོངས་ལ་བཟང་པོ་སྤྱོད་པ་ཤུགས་རྐྱེན་ཐེབས་ཚད་གཞན་གང་གིས་ཀྱང་འགྲན་དུ་མི་བཟོད་པ་ངེས་ཤེས་བརྟན་པོར་སྦྱིན་གིན་འདུག

གཅིག་པུར།
ཆིག་ལབ་རྒྱག་པའི་སྟོན་འཇུག་གི་དུས་ཚིགས་འདིར།
ནང་སེམས་ལ་འདྲེས་པའི་འཚོ་སྟངས་ཤིག་ལ།
ལྷོད་ཡངས་ངང་རོལ་ན། དེ་ནི་ཆེས་བདེ་སྐྱིད་དུ་འདོད།

独自一人。
在这个自言自语的入秋季节。
一种融入内心的生活方式，
从容地过，以为那是最幸福的。 [咖啡]