ལྷ་མོ་སྒྲོལ་མའི་བྱིན་རླབས་དང་འགྲོག་སྒང་དྲུག་རི་བོའི་འདབས་ནས་ཆས། །
ཁྲི་ཤོར་རྒྱལ་མོའི་རླབས་ཀྱི་མེ་ཏོག་ཤར་ནུབ་མཚོ་བཞིའི་ཁམས་སུ་ཁྱེར། །
བྲག་སྲིན་ཨ་མའི་ཞུམ་མེད་སྙིང་སྟོབས་གླིང་ལྔའི་མི་ལ་ར་སྤྲོད་བྱས། །
​གངས་ཀྱི་རི་སུལ་ལང་ཚོ་རྒྱས་པའི་གངས་རིའི་སྲས་མོ་ཆོས་དབྱིངས་སྐྱིད། །
​

[加油][赞]

༼ཨོ་རྒྱན་རིན་པོའི་དུས་ཆེན༽

དེ་རིང་ནི་སྤྱི་ཟླ་བཅུ་བའི་ཚེས་ཉི་ཤུ་རྩ་བཞི་དང་བོད་ཟླ་དགུ་བའི་ཚེས་བཅུ་སྟེ་ཨོ་རྒྱན་རིན་པོ་ཆེའི་སྒྲུབས་མཆོད་ཀྱི་ཡེ་ཤེས་མ་ལུས་ཕབས་ཀྱི་གར་འཆམ་གྱི་དུས་ཆེན་རེད་འདུག་ལ་ཁོ་བོ་ནི་གར་འཆམ་ལ་དངོས་སུ་ཞུགས་པའི་བསྐལ་བ་མ་བྱུང་ཡང་དྲྭ་ཐོག་དང་གྲོགས་པོ་འགའ་བརྒྱུད་ནས་བརྙན་འགའ་མཐོང་སོང་བས་དེ་ལ་ཤིན་ཏུ་དགའ་སྤྲོས་ལྟས། དེ་སྐབས་སུ་དེ་དང་འབྲེལ་ཡོད་ཀྱི་སྐད་ཆ་འགའ་བཤད་འདོད་བྱུང་སོང་། སྤྱིར་ན་ཡེ་ཤེས་མ་ལུས་ཕབས་ཀྱི་གར་འདི་གསང་བའི་ཆོས་བསྐོར་ཞིག་ཡིན་སྟབས་ཁྲམས་ཚོགས་མི་ཚོགས་དེ་འདྲ་ལ་སྤེལ་མི་རུང་པའི་ཚོད་ཞིག་སྣང་ལ་མ་ཟད་སྔོན་མའི་སྲོལ་རྒྱུན་ནང་དུའང་དགོང་མོར་སྤེལ་བའི་སྲོལ་ཞིག་ཀྱང་འདུག་མོད་དེ་རིང་ཁ་སོང་ལ་དུས་དང་ཡུལ་སོགས་ཀྱི་དབང་གིས་དེ་ཙམ་གསང་བ་བྱེད་བཞིན་མི་འདུག་པས་དེ་ནི་སངས་རྒྱས་བསྟན་པའི་ཆོས་དང་མཐུན་མིན་ཀུན་གྱིས་རྟོག་དཔྱོད་མཛོད་ཅེས་སད་རན་དང་བཅས་དམིགས་གསལ་གྱི་དགག་པ་ཅི་ཡོངས་མེད། མ་གཞིར་དགོན་པ་རེ་ལ་གར་འཆམ་མི་གཅིག་པ་དུ་མ་འདུག་ལ་འགའ་ནི་ཡེ་ཤེས་མ་ལུས་ཕབས་གཏན་ནས་མིན་པར་སྲོལ་རྒྱུན་གྱི་འཁྲབ་ཚན་ཆུང་ཆུང་ཞིག་ཀྱང་རེད་འདུག་པས་དེ་དག་ནི་ཆོས་ཀྱི་ནང་དུ་ཆོས་མིན་འདྲེས་པ་རེད་འདུག་པ་ལས་གཞན་དུ་མ་འཆིས་སོ།། ཁོ་བོ་ནི་ཆུང་དུས་ནས་དཔའ་ལྡན་ས་སྐྱ་བའི་ཆོས་རྒྱུད་ལ་ཞུགས་པའི་མི་ཞིག་ཡིན་ལ་ད་སྐབས་ས་སྐྱའི་ཕྱོགས་ལའང་དེའི་མཚུངས་སུ་གནས་ཚུལ་ཞིག་མཆིས། ལྷག་ཏུ་ཁོ་བོ་ནི་ཆོས་རྒྱུད་གཞན་ལ་དུང་བ་དང་དད་པ་ཡིད་ཆེས་ཀྱིས་ཡོངས་སུ་ཁེངས་པའི་མི་ཡིན་པ་ལས་ཕྲག་དོགས་དང་ཕྱོགས་ཞེན་སོགས་ཀྱིས་བཟིར་བ་ཞིག་གཏན་ནས་མ་ཡིན་ཏེ། བསྟན་པར་དང་མཐུན་པའི་ཉན་ཐོས་ཞིག་ཡིན་པས་སོ།། །།

བཀྲ་ཤིས་མེ་ཏོག་པདྨོའི་མཚོ་གླིང་དུ།།
གང་ཞིག་བཀྲམ་པའི་མཁའ་འགྲོའི་སྤྲིན་ཕུང་འཁྲིགས།།
ཚེས་བཅུ་ཉི་ཤར་དངོས་གྲུབ་ཆར་འབེབས་པའི།།
བཀྲ་ཤིས་དེས་ཀྱང་དེང་འདིར་བདེ་ལེགས་ཤོག