#དེ་དག་གིས་ཅི་བྱ་ཨང་།#

འོད་མ། ལྷ་ས།

ཨེ་ན།
མི་རྣམས་ཀྱིས་དྭངས་གཙང་དང་མ་འདྲེས་པའི་གནས་ལུགས་དག་བཤད་དུས།
ང་རང་རྦད་དེ་ཞེ་ལོག་གི་མགོ་བོ་གཟེར་བྱུང་།
རེད་དེ། གནས་ལུགས་དེའི་ངོ་གདོང་མཛེས་པོ་ཞེ་སྣང་འདུག

ཨེ་ན།
རྗེས་མ་རྗེས་མ་རྣམས་སུ། ང་རང་སྨྲ་བ་མེད་པའི་ནམ་མཁའ་ལ་དགའ་ཞིང་།
སྨྲ་ལྕེ་ལ་རྣོ་ངར་མེད་པའི་ལྷོད་ཀྱིས་འཛུམ་བཞིན་པའི་མི་ལ་དགའ་པོ་བྱ་ཡིན།
མ་གཞི། མི་ཞིག་ལ་དྭངས་གཙང་གཡོ་མེད་ཀྱི་གཤིས་ཤིག་བདོག་པ་དེས།
ངས་སྐྱེ་བ་སྟོང་ལ་སེམས་པའཆོར་ས་དང་སྨོན་པ་འཐེན་ཡུལ་ཡིན།

ཨེ་ན།
མིང་ཆེན་པོ་ཐོགས་ཤིང་། བྱ་སྤྱོད་ཡ་མ་ཟུང་བྱེད་པའི་མི་ཞིག་ལ།
དོན་མེད་དུ་ང་རང་ཞེ་ལོག་ཆེན་པོ་སྐྱེས་བྱུང་།
ཐ་ན། དེ་དང་འདྲ་བ་ཐམས་ཅད་ལ་ཡང་ཞེ་ལོག་སྐྱེས་བྱུང་།

ཨེ་ན།
མཐོང་བ་དེ་དང་བསྟུན། ང་རང་སྨྲ་བ་བཅད་དེ།
ཡུད་ཙམ་ལ་འཛུམ་ཆུང་ལྷོད་པའི་བྱིས་པ་ལྟར།
དྭངས་གཙང་དྭངས་གཙང་གི་ཕལ་བའི་མི་ལ་དགའ་པོ་བྱུང་སོང་།

2023.11.15 https://t.cn/A6fu7q2b

“在身体的山岳中，住着一个终生闭关的修行者，那就是我们的心。”

ལུས་ཀྱི་རི་བོ་ཆེན་པོ་འདི་ཡི་གསེབ་ཏུ། སྐྱེ་བ་ཀུན་ཏུ་མཚམས་ལ་བཞུགས་པའི་སྒོམ་སྒྲུབ་ཉམས་ལེན་པ་ཞིག་གནས་ཡོད་དེ། དེ་ནི་གང་ཞེ་ན། རང་ཅག་རྣམས་ཀྱི་ནང་གི་རྣམ་པར་ཤེས་པ་དེའོ། །

དཔེ་རྒྱན་རྫོགས་ནས་གཟུགས་རྒྱན་དང་བོ།

1བསྡུས་པའི་གཟུགས་ཅན།
ཁྱོད་ཞལ་འདབ་ཡངས་དཀར་བོ་རབ་རྒྱས་་ཤིང་།།
སྤྱན་ཟུང་དྲུག་ལྡན་གཞོན་ནུའི་རྩེད་འཇོ་འཕྲུལ།།
སྨིན་མ་གཤོག་འགྱུར་གཡོ་བའི་མཛེས་སྡུག་གིས།།
དོན་གཉེར་ཅན་རྣམས་དགའ་བས་གར་ལ་བྲེལ།།