༧ དགའ་ལྡན་ལྔ་མཆོད་ཆེན་མོ།།

དཔལ་ལྡན་ས་གསུམ་འགྲོ་བའི་མིག་གཅིག་བུ།།
ཐར་འདོད་ཡོངས་ཀྱི་བླ་ན་མེད་པའི་མགོན།།
རྒྱལ་བ་ཀུན་ལས་ལྷག་པའི་ཐུགས་རྗེ་ཅན།།
ཟླ་མེད་བླ་མ་མཆོག་ལ་གསོལ་བ་འདེབས།།

དམིགས་མེད་བརྩེ་བའི་གཏེར་ཆེན་སྤྱན་རས་གཟིགས། །
དྲི་མེད་མཁྱེན་པའི་དབང་པོ་འཇམ་དཔལ་དབྱངས། །
བདུད་དཔུང་མ་ལུས་འཇོམས་མཛད་གསང་བའི་བདག །
གངས་ཅན་མཁས་པའི་གཙུག་རྒྱན་ཙོང་ཁ་པ། །
བློ་བཟང་གྲགས་པའི་ཞབས་ལ་གསོལ་བ་འདེབས། །

ཚེ་རབས་ཀུན་ཏུ་རྒྱལ་བ་ཙོང་ཁ་བའི། །
ཐེག་མཆོག་བཤེས་གཉེན་དངོས་སུ་མཛད་པའི་མཐུས། །

རྒྱལ་བས་བསྔགས་པའི་ལམ་བཟང་དེ་ཉིད་ལས། །

སྐད་ཅིག་ཙམ་ཡང་ལྡོག་པར་མ་གྱུར་ཅིག །

ང་ཡི་བླ་མ་བློ་བཟང་གྲགས་པ་དེ། །
དགའ་ལྡན་གནས་སམ་བདེ་བ་ཅན་ལ་སོགས། །
དག་པའི་ཞིང་ཁམས་གང་ན་བཞུགས་ཀྱང་རུང་། །
བདག་སོགས་འཁོར་གྱི་ཐོག་མར་སྐྱེ་བར་ཤོག །

ཐོས་བསམ་སྒོམ་གསུམ་བསྟན་པའི་གཞི་རུ་དགོངས།།
ལྟ་སྒོམ་སྤྱོད་གསུམ་ལམ་གྱི་སྲོག་ཏུ་འཆེལ།།
བསླབ་གསུམ་ལུང་རྟོགས་ཉི་ལྟར་གསལ་མཛད་པ།།
རྒྱལ་བ་གཉིས་པས་དུས་ཀུན་འབྲལ་མེད་སྐྱོངས།།

རྒྱལ་བའི་དགོངས་པའི་གནད་ཀུན་ཐུགས་ལ་འཁྲུངས།།
ཤིང་རྟ་ཆེན་མོའི་སྲོལ་བཟང་ལེགས་པར་དགོངས།།
མདོ་སྔགས་ལམ་བཟང་འགལ་མེད་གྲོགས་འཁྱེར་བ།།
ང་ཡི་བླ་མ་བློ་བཟང་གྲགས་པར་ངེས།།

རྒྱལ་བའི་ཡབ་གཅིག་རྗེ་བཙུན་མཁྱེན་པའི་གཏེར།།
ངུར་སྨྲིག་གར་མཛད་བློ་བཟང་གྲགས་པའི་དཔལ།།
སྒོ་གསུམ་གུས་པས་མཆོད་དོ་བརྩེ་བས་སྐྱོངས།།
བྱང་ཆུབ་མ་ཐོབ་བར་དུ་འབྲལ་མེད་ཤོག།

[玫瑰][玫瑰][玫瑰][玫瑰][玫瑰][玫瑰][玫瑰][玫瑰][玫瑰][玫瑰]

[合十][合十][合十][合十][合十][合十][合十][合十][合十][合十]

#噶举祖庭一洛卓沃龙寺[超话]#
ཐ་ན་རྨི་ལམ་གཉིད་དུ་ཡོལ་ན་ཡང་།།
甚至游历沉睡梦境中
བླ་མའི་བྱིན་རླབས་མཆོག་གི་སྣང་བ་དང་།།
师尊殊胜加持亦显现
ནམ་ཡང་འབྲལ་བ་མེད་པས་རྗེས་བཟུང་ནས།།
永不分离慈悲而摄受
རྟག་ཏུ་མགོན་ཁྱོད་དགྱེས་པར་བྱེད་གྱུར་ཅིག །
祈愿永恒怙主汝生喜

གངས་ཅན་ཤིང་རྟའི་སྲོལ་འབྱེད་ཙོང་ཁ་པ།།
མདོ་སྔགས་བསྟན་པའི་ཉིན་བྱེད་ཙོང་ཁ་པ།།
སྐྱབས་གསུམ་ཀུན་འདུས་བླ་མ་ཙོང་ཁ་པ།།
བློ་བཟང་གྲགས་པའི་ཞབས་ལ་གསོལ་བ་འདེབས།།

བོད་ཟླ ༡༠.༢༥