༢༠༡༧ལོའི་སྤྱི་ཟླ་༤བའི་ཚེས་༢༠ཉིན་མཚོ་ལྷོ་ཁུལ་མང་རྫོང་ཁ་ཀྱཱ་སྡེ་བའི་སེར་སྐྱ་ཐུན་མོང་གིས་ཡང་ཡང་གསོལ་བ་བཏབ་པ་བཞིན་ཀླུ་ཚང་དགོན་པའི་༧རྙེ་མཆོག་སྤྲུལ་ཚང་དང་ཨ་ལགས་འཇམ་མོ་ཚང་། ཨ་ལགས་ཕྱག་ཤུལ་ཚང་། ཨ་ལགས་རུ་སྔུན་ཚང་། དགེ་བཤེས་སྤྲུལ་སྐུ་ཚང་། སྤྲུལ་སྐུ་སྐྱི་ཚང་། སྤྲུལ་སྐུ་རྒྱ་མཚོ་ཚང་། དགེ་བཤེས་ཡེ་ཤེས་ཟླ་བ། རུ་མང་བསམ་གཏན། འབའ་བརྩོན་འགྲུས། རྒྱས་བཟའི་བསྟན་འཛིན། བློ་བཟང་བསྟན་དར། འབའ་བསམ་གཏན། རུ་མང་ཐབས་མཁས་སོགས་གྲྭ་བཙུན་བརྒྱ་ཕྲག་ལྷག་ཆེད་ཕེབས་ཀྱིས་དམ་པ་ཁོང་གི་ཐུགས་བཀོད་ལྟར་ཁ་ཀྱཱ་རྟ་ལྗང་གཞུང་གི་ན་སེར་བྱེ་ཐང་དུ་༢༠༡༥ ལོར་གསར་བཞེངས་མཛད་པའི་དཔལ་ལྡན་ལྷ་མོའི་ལབ་ཙེ་ལ་གཟིགས་རྟོགས་གནང་ཞིང་བསང་གསོལ་བཏང་ཏེ་འཕྲིན་བཅོལ་གནང་བ་དང་རབ་གནས་ཀྱི་ཆོ་ག་སྤེལ་བར་མ་ཟད། ཁ་ཀྱཱ་དགོན་དུ་ཕེབས་ནས་ས་གནས་དད་ལྡན་ཆོས་ཞུ་བ་རྣམས་ལ་སྐྱབས་འགྲོ་དང་དགའ་ལྡན་ལྷ་བརྒྱ་མ་སོགས་ཀྱི་ལྗགས་ལུང་བསྩལ་ཏེ་དེར་བཞུགས་སེར་སྐྱ་ཡོངས་ལ་བཀའ་སློབ་ལམ་སྟོན་གནང་།[玫瑰][玫瑰][玫瑰] https://t.cn/R2WxDcG

ཁེར་རྐྱང་གི་རྣམ་ཤེས་འཁྱམ་པོ།

ཁོ་རང་ནི་ཁེར་རྐྱང་གི་འཁྱམ་པོ་ཞིག་སྟེ། གངས་རི་དང་རྩྭ་ཐང་། དུར་ཁྲོད་སོགས་གནས་ངེས་མེད་དུ་ཉུལ། ཁེར་རྐྱང་གི་རྣམ་ཤེས་མང་པོར་འཐམ་འཁྱུད་བྱས། སྐབས་དེར་ཁོ་ནི་བྱིས་པ་ཞིག་དང་ཧ་ཅང་འདྲ། སྐབས་རེར་ཨུ་ཚུགས་ཀྱིས་མི་ཚོགས་གསེང་དུ་མཆོངས་ཏེ་གད་མོ་དགོད་མོད། མུན་རུབ་པ་དང་སླར་ཡང་ཁེར་རྐྱང་གི་འཇིག་རྟེན་དུ་ལོག ཁོས་བརྩེ་དུངས་རྣམ་དག་ཅིག་ལ་རེ་སྨོན་བྱེད་མོད། སུ་ཞིག་ལ་ཡང་གཏན་གྱི་འདུན་མ་བྱེད་པའི་སྤོབས་པ་མེད་པར་གྱུར། ཁོས་རང་ཉིད་ཀྱི་རིན་ཐང་ལྟ་ཚུལ་སྤྱད་ནས་འཇིག་རྟེན་འདིར་འཚོ་བཞིན་ཡོད། ཁོ་ནི་འཁྲབ་སྟོན་ལ་མི་དགའ་བར་སྒེར་གྱི་ལྟ་ཚུལ་སྲོང་པོར་སྨྲ་ཐུབ་མཁན་ཞིག་ཡིན། ནམ་ཞིག་ཁོ་རང་རང་ཉིད་ཀྱིས་བློས་བསླངས་པའི་འཇིག་རྟེན་དེར་ལོག་ཐུབ་པར་སྨོན། འཇིག་རྟེན་དེ་ནས་ང་ཚོ་ལྷན་དུ་འཛོམས་ཏེ་དགོད་སྒྲ་དང་བཅས་སྙན་ངག་དང་དྲན་གདུང་སྐྱོ་བ་ཐམས་ཅད་ཞབས་རྟགས་རྒྱག་ཆོག་པར་སྨོན། གནས་དེ་ནས་ཁྱེད་ཀྱིས་ཁེར་རྐྱང་གི་ལྭ་བ་མཐུག་པོ་དེ་ཕུད་ནས་གཉིད་སྐྱིད་པོ་ཞིག་རོལ་ཐུབ་པར་སྨོན། བདག་གི་སྙིང་ཉེ་བའི་གྲོགས་པོ་ལགས།

༢༠༢༣-༡༢-༡༣།

༈ མི་ཚོགས་བསམ་བློ་སྤང་གི་མེ་ཏོག་འདྲ།།
མེ་ཏོག་ལ་ལ་དཀར་ཞིང་ལ་ལ་སྔོ།།
དཀར་པོ་དཀར་རྐྱང་སྨོན་པས་ཅི་བྱ་སྟེ།།
མེ་ཏོག་ཇི་ལྟར་བཞད་ན་དེ་ལྟར་ཞོག།

རིན་ཐང་ལྟ་བ་དགུང་གི་སྐར་ཚོགས་འདྲ།།
སྐར་མ་ལ་ལ་འཚེར་ཞིང་ལ་ལ་མོག།
སྤྲིན་པའི་ཞལ་ཁེབས་ཡང་དང་ཡང་དུ་འཁྱུད།།
སྐར་ཚོགས་ཇི་ལྟར་བཀྲ་ན་དེ་ལྟར་ཞོག།

ཚེ་ཡི་མྱུར་འགྲོས་རྦབ་ཆུའི་རྒྱུན་དང་འདྲ།།
ལོ་དང་ཟླ་བ་སྐད་ཅིག་སྐད་ཅིག་འཁོར།།
ཡུན་ཐུང་ཤོམས་ར་མང་བས་ཅི་བྱ་སྟེ།།
རང་སེམས་ཇི་ལྟར་ལྷོད་ན་དེ་ལྟར་ཞོག།

ལས་དབང་དྭངས་གསལ་ཤེལ་གྱི་མེ་ལོང་འདྲ།།
དགེ་སྡིག་གཟུགས་བརྙན་མ་འདྲེས་ས་ལེར་གསལ།།
རང་ཉམས་རོགས་ལ་གཤེ་བས་ཅི་བྱ་སྟེ།།
བཏང་སྙོམས་ཆེན་པོའི་ངང་ལ་ད་དུང་ཞོག།

ཆགས་སྡང་འཁོར་ལོ་བསྐོར་བའི་གྲོང་ཁྱེར་ནས།།
ཉ་ཉོག་རྩོད་པའི་ལས་ལ་བྲེལ་བས་ཅི།།
གང་ན་ལུས་དབེན་སེམས་དབེན་ངག་ཀྱང་དབེན།།
དབེན་པའི་བདེ་ཆེན་ངང་དུ་ལྷོད་དེ་ཞོག། https://t.cn/R2Wx150