ꐋꀨꇊ. ꆏꉌꌤꌨꑌꀋꐚ. ꆏꇳꍝꃅꇴꌠꉡꑌꉢꈨꀐ.
朋友 你是否很孤独 你的呼喊 在我心里
ꐋꀨꇊ. ꅽꑓꁴꅧꇗꀕꀐꀞ. ꉪꊇꐯꇯꌗꋍꌗꈻꃅꈼꀘ
朋友你是否在流泪与你祈祷 一起呼吸
ꎰꆳꃅꉐꈻꄂꀕ. ꑋꈌꉙꏦꀕꌠꊁꆹꐥ.
寒风之中 盼春的来临
ꀋꎪꀋꑴꃅꑇꅇꇈ. ꃪꌠꊁꆹꐥ.
坚定你我信念 会过去
ꉪꊇꇭꀧꉌꂵꃅꇤꐮꊋꄉ. ꈀꄸꑌꐯꄛꇬꀋꎭ.
手相连 心相依 血脉相通 我们并肩不离
ꉪꊇꇇꇤꐯꌫꄉ. ꀒꁨꉜꄉꁧ.
让我们携手同行 不离不弃
ꉪꊈꉪꐨꋍꏢꃅꐯꇯꄉꊋꇤ.
手牵着手 让我们一起努力
ꑓꋪꉜꏾꌠ. ꉌꂵꉪꄉꌠ.
所有期盼的眼神 所有牵动的心
ꐯꇯꅇꂷꋍꇬꐛ:ꍏꇩꃶꉴ,ꉪꊇꐯꀋꐞ
汇成一句 中国 武汉我们在一起
ꐋꀨꇊ. ꆏꐬꄡꆠ. ꅽꉌꂵꈍꃅꐒꌠꉢꅉꐚ.
朋友 你是否很惶恐 你的焦虑 在我眼里
ꐋꀨꇊ.ꄡꐒꄡꊀ. ꌳꃈꌳꈄꑠꁥꆏꐊꐺ.
朋友你是否很无助 逆行人的身影 与你在一起
https://t.cn/A6hwRjsp
朋友 你是否很孤独 你的呼喊 在我心里
ꐋꀨꇊ. ꅽꑓꁴꅧꇗꀕꀐꀞ. ꉪꊇꐯꇯꌗꋍꌗꈻꃅꈼꀘ
朋友你是否在流泪与你祈祷 一起呼吸
ꎰꆳꃅꉐꈻꄂꀕ. ꑋꈌꉙꏦꀕꌠꊁꆹꐥ.
寒风之中 盼春的来临
ꀋꎪꀋꑴꃅꑇꅇꇈ. ꃪꌠꊁꆹꐥ.
坚定你我信念 会过去
ꉪꊇꇭꀧꉌꂵꃅꇤꐮꊋꄉ. ꈀꄸꑌꐯꄛꇬꀋꎭ.
手相连 心相依 血脉相通 我们并肩不离
ꉪꊇꇇꇤꐯꌫꄉ. ꀒꁨꉜꄉꁧ.
让我们携手同行 不离不弃
ꉪꊈꉪꐨꋍꏢꃅꐯꇯꄉꊋꇤ.
手牵着手 让我们一起努力
ꑓꋪꉜꏾꌠ. ꉌꂵꉪꄉꌠ.
所有期盼的眼神 所有牵动的心
ꐯꇯꅇꂷꋍꇬꐛ:ꍏꇩꃶꉴ,ꉪꊇꐯꀋꐞ
汇成一句 中国 武汉我们在一起
ꐋꀨꇊ. ꆏꐬꄡꆠ. ꅽꉌꂵꈍꃅꐒꌠꉢꅉꐚ.
朋友 你是否很惶恐 你的焦虑 在我眼里
ꐋꀨꇊ.ꄡꐒꄡꊀ. ꌳꃈꌳꈄꑠꁥꆏꐊꐺ.
朋友你是否很无助 逆行人的身影 与你在一起
https://t.cn/A6hwRjsp
ꍴꈌꂷꉐ
ꎸꄑꃀꀀꐛꇁꇬ,ꃅꄜꃅꀋꄜꃅꐙꑴꌦ,ꌍꑓꉈꏭꁨꑭꍈꇫꑆꇁ,ꑆꌊꀑꈑꄩꌸ,ꂿꐚꂿꀋꐚꃅꐙ。ꂷꉐꂾꃚꋍꄲꋍꄲꃅꅳꀧꈌꐚꇁ,ꃅꆳꂾꃚꑌꂿꇀꌦꀋꂿꇀꌦꃅ。ꄓꌍꑓꉈꏭꉜꇬ,ꂿꃅꑌꆈꋧꋪ,ꉐꏶꌺꁍꆴꀕꃅꇬꊎꐛꇰ。ꂷꉐꐛꌊꌩꏾꇬ、ꁬꆰꇬ、ꑲꏾꇬ,ꐯꇯꏓꌊꏷꐥꏹꍀꃅꐙꌠꒉꄩꐛꄉꊰꃄꅉꅞ,ꄧꀕꄧꃅꂿ。ꈺꌋꀕꌠꃅꆳꆹꌍꑓꐫꀕꇬꄉꑆꇁ,ꊿꋌꌠꉏꎸꃅꏾ。ꂷꉐꋍꉔꐛꄷꌦꆏ,ꃅꍵꆹꀋꌋꀋꏢꃅꇁꌊꉪꊇꏢꁮꑟꇁꀐꅊꇈ。
ꀀꀨꀁꁧꌠꆦꇫꎭ,ꈺꌋꀕꃅꐙꌠꊿꌌꉪꅜ,ꀋꇊꆏꉪꊇꏭꃢꈜꀊꄖꃅꈚꄿꀐꄷꌠꑌꌡ。ꋋꇅꇬꑲꆀ,ꊷꇨꀕꌠꃅꎸꂶꌠꑌꀋꋓꀋꉪꃅꉪꊇꐞꁧꀐꅊꇈ。
ꃢꈜꈚꄉꇈꒈꋌꌐꄮꇬꆏ,ꃅꄜꐛꐎꀐ,ꉈꏭꂷꉐꑌꀊꅰꐛꀊꅰꀉꒉꇁ。ꂘꑳꆸꅉꈵꃀꇬ,ꊿꉬꇮꃢꈜꀊꄖꃅꈚꌐꀐ,ꆫꁯꐛꑊꋲꑞꈧꌠꑋꈌꄮꐰꌩꃨꈨꌡ,ꑳꉷꁦꀕꎆꇌꅍꊪꄉꌐꄇꈜꏡꌠꂱꋮꇬꄉꃧꇰ,ꑤꍰꇓꈓꋋꍈꋌꁨꌞꉌꃹꌠꍴꈌꂷꐛꑊꐛ。
ꀅꌳꀅꌳꃅꍴꈌꂷꉐꈬꇬꐺ,ꆫꁯꇬꄉꊰꇁꌠꂷꉐꂾꃚꈧꌠꅲ、ꈝꃀꈢꀉꁌꀊꂵꀉꑳꏃꁱꂷꂘꁧꌠꉜ、ꃼꇇꃅꊿꇵꂷꅀꂷꉐꉬꀋꐚꒈꑻꈁꑓꀁꋌꒉꌠꂿ、ꐕꍯꐛꑿꈴꌠꆫ、ꌶꌺꀉꑳꄯꒉꀵꄎꀵꀋꄐꃅꂘꑳꉜꄉꏹꌠꉜ……ꉌꃀꇬꉪꌠꆹꃅꍵꉌꐒꇁꎭꌠꀋꉬꃅ,ꃅꍵꏭꉁꅉꌠꌋꆀꃅꍵꅿꑆꊋ。
ꉡꆹꎸꄑꃀꍴꈌꂷꉐꉌꃹ,ꉡꆹꇓꈓꀄꊭꋋꌺꃅꍵꉌꃹ。
ꍴꈌꂷꉐꆹꋙꎴꒈꎴꇁꀐꄷꌠꄛꇰ,ꍴꈌꂷꉐꆹꋚꁧꒉꁧꄽꂫꃢꌠꏭꒈꎭꄉ,ꑘꃅꊿꁳꋚꊊꒉꊊꎻꌠ。ꉈꑴꍴꈌꂷꉐꆹꉌꇿꑓꇿꋌꌌꀉꑳꈧꌠꁵꇁ。ꋀꊇꆹꍴꈌꂷꉐꈬꄉꐯꒈꐯꈧ,ꃢꈜꈍꃅꒈꊭꄿꂿ,ꀂꏾꈍꃅꀉꋒꄿꂿ,ꈜꈼꌟꃅꑌꀋꐛ。ꑠꆹꍴꈌꂷꉐꉌꇿꑓꇿꐨ!
ꁰꒌꇁꀦ-ꉠꑲꅉ(EYANGDI)
ꍴꈌꂷꉐꆹꉌꇿꋌꌌꃰꊿꁵꌠꀉꄂꀋꉬ,ꉌꎭꑓꁧꑌꋌꎭꌊꇁ。ꊿꋍꈨꋋꈨꆹꑠꃅꅲꏭꐛ,ꋚꅗꒉꅗꌠꆹꃅꍵꋋꂷ,ꈍꃅꄉꉌꐒꇁꎭꇁꉆꂯ?ꋋꆹꉌꈲꃤꍏꐊꋩꑍꑠꂷꐥ,ꍏꐊꋩꑍꆹꊿꋍꁯꋍꑷꐯꏑꄮꉬ,ꀊꄶꉈꏭꈜꎴꃅꄷꐥꈧꌠꑞꃅꉌꀋꎭꂯ?ꌩꏾꆴꌠꇬꄉꎺꃅꈋꐞꉈꏭꐥꈧꌠꄀ,ꎺꋀꊇꌋꆀꀁꇬꊨꏦꊿꐯꇯꐥꀋꄐꌠꄀꇬꆏ,ꉌꂵꈍꃅꈍꃅꐙꀋꐚ,ꌞꉌꂵꐛꀋꐛꌦꄉꏽ!
ꈯꌩꈯꇓꆹꃅꍵꄮꇬꆏꀅꌳꀅꌳꃅꀀꑌꃹꒉꌐꀐ,ꃄꅉꇬꃅꆳꁏꌊꇁꌠꏾꏂꈧꌠꀅꌳꀅꌳꃅꀕꆳꂷꉐꐊꁦꌦ。
ꃅꂿꇬꄉꊰꇁꌠꍴꈌꂷꉐꆹꌩꏾꋌꐛꏾꌌꀕ,ꂴꋌꃀꊌꐨꄸꉪꊇꁵꌠꌩꁧꆹꃅꆳꂷꉐꇱꎟꌦꇇꀉꄂꋒꀐ。ꂷꉐꇂꃴꁦꀑꁧꄩꆹꏁꀠꀕꌐ,ꏁꀠꀕꈧꌠꅩꂿꂾꍈꑌꐊ,ꋋꆹꌩꏪꈬꇬꌧꅗꏽꀕꉬꏭꐛ!ꍴꈌꂷꉐꆹꌙꈈꀕꃅꍻꀊꄶꐋꀋꌡꃅꐙꌠꀊꅪꈧꌠꀵꄉ,ꀊꅪꋌꑵꆹ,ꉈꏭꎆꎹꋚꈹꐺꌠꁳꉘꇈꐨꊌꂿꎻ。ꉈꏭꏹꐺꌠꆹꃅꈋꉂꐪꌋꆀꏣꃀꏣꑟꉂꐪꃅꌧꅗꏽꏾꀊꅪꋋꈨꇬꐊꐺꌐ。ꀁꇬꊿꁳꅉꐚꌠꆏ,ꋀꊇꉈꇬꑓꇬꌋꀋꌶꄷꌠ!
ꁰꒌꇁꀦ-ꉠꑲꅉ(EYANGDI)
ꍴꈌꂷꉐꆹꃅꍵꄮꐰꐵꀋꑷꌠꊩꌺꂷꑌꉬ。ꍴꈌꂷꉐꆹꃅꍵꄮꐰꊌꐨꋌꌌꇁ,ꍴꈌꂷꉐꆹꇓꈓꋋꍈꈲꏣꋌꌌꇁ,ꐙꎴꀕꌠꋌꌌꇉꅶꁵ。ꍴꈌꂷꉐꆹꋍꃀꁨꀋꑌꉌꃀꄅꀋꑌꃅꈲꐪꋌꄻꉪꊇꁳ,ꍴꈌꂷꉐꃅꐨꑽꑌꌋꆀꑌꇐꑲꇐꆹꉪꊇꌶꀠꉬ!
ꍴꈌꂷꉐꁮꑍꃀꑞꈄꃮꃅꃮ,ꃅꍵꋧꃅꂷꋌꃮꐯꇯꄉ。ꂿꃅꑌꆈꋧꋪꃅꐙ,ꑳꈣꇤꈣꇬꁮꑍꃀꑞꈄꃮꐛꌐꌠꌡ。ꂿꃅꇬꃅꄂꀉꌙꈧꌠ,ꀋꇊꆏꑳꄩꄉꊰꇁꌠꀈꃀꀊꐎꈨꑌꌡ。ꉶꇓꇬꌩꋚꇓꂷꈧꌠꆹꃅꎸꄮꐰꌄꆣꐨꉬ,ꀋꃉꑳꈣꈥꇤꀕꂷꀉꏯ,ꂷꉐꎱꀕꎰꃅꐛꄮꇬꆏꑍꃹꐺ,ꂴꋌꃀꈍꃅꀑꑊꁤꇅꀕꌠꎺꐺꇰ。ꁬꆰꈧꌠꆹꃸꌣꀕꌐꀐ,ꃄꅉꇬꃧꀕꑠꀮꎹꊊꀋꄐꆘꅝ;ꉈꏭꃧꀕꈧꌠꑌꇴꊰꆸꊰ,ꑓꁴꇬꇉꑌꄉꉼꄹꌗꏿꇰ。
ꊷꇨꀕꃅꎸꆹꈢꋒꁧꀐ,ꉘꁮꀉꁌꂶꌠꑌ,ꃅꄔꃪꃅꃪꃅꀋꐚꀐ。ꃅꌗꋍꑍꋍꉙꃅꈻꇁ,ꌩꏾꈧꌠꑌꋍꏾꋍꏾꃅꀁꋌꉜꄉꊰ。
ꃅꄜꃀꄓꇁꇬ,ꂷꉐ‘ꄅ’‘ ꄅ’ ‘ꄅ’ꃅꐛꑳꄩꌸꌠꂾꃚꆹꁀꁻꉌꌒꊱꑌꌡ,ꉐꍑꌺꁍꇗꀕꃅꈧꌠꇁꌊꃄꅉꅞꇈꀜꌊꃀꆏꈨꐛꂱꑱꅉꈴꁧꌐ。ꀃꈈꁭꑭꌧꅗꁦꌠꂷꉐꒈꋌꌊꁟꑻꀕ,ꌧꅗꏽꏾꀊꅪꈧꌠꋍꏾꋍꏾꃅꋌꀕꀊꅰꃅꅩꍠꀕ,ꈍꃅꎔꑵꉬꉏ。ꐕꍯꐛꑿꈳꅉꄇꈜꏡꌠꑌꋌꀕꈑꋧꈑꃀꍈꐘꀋꈧꆘꅝ,ꍮꊪꀋꈴꉈꉩꀕꀐ。
ꂷꉐꑄꋻꌠꂿꃅꁬꌠꆹ,ꎿꃀꃴꇉꇈꂷꌡ。ꄂꐎꈧꌠꆳꂾꈨꀉꏯꎿꄩꃰꐺ。
ꍴꈌꂷꉐꁍꇗꀕꃅꇬꊎꐛꇰ,ꐛꇿꅞꏾꈁꅞ。ꁮꑟꏢꌡ,ꃅꉒꌅꌡ,ꃅꇴꁙꌡ。ꐛꌊꈁꑓꌸꇬꈺꌋꀕꃅꐙ,ꐛꌊꈂꀸꊐꇬꐓꂿꀕꃅꐙ,ꀋꇊꆏꎧꏸꄣꑌꌡ,ꐚꒉꍔꑌꌡ,ꊿꋌꎼꀄꂼꂻꐛꇁ。
ꃅꃴꇬꂷꉐꆹꋍꄲꋍꄲꃅꐛꇬꎷ,ꀋꇊꆏꈑꋧꈑꃀꈨꉥꂿꃅꇬꄉꀛꐂꐺꌠꑌꌡ;ꋋꆹꋧꃅꋌꎼꃴꇉꀕ,ꋋꆹꉘꇉꐨꋌꌌꇁ,ꋋꆹꌩꏾꋌꐛꅫꏻꀕ, ꒈꌅꋌꐛꇿꇴꀕ。
ꍴꈌꂷꉐꐛꇀꌦꀐ。
ꎸꄑꃀꀀꐛꇁꇬ,ꃅꄜꃅꀋꄜꃅꐙꑴꌦ,ꌍꑓꉈꏭꁨꑭꍈꇫꑆꇁ,ꑆꌊꀑꈑꄩꌸ,ꂿꐚꂿꀋꐚꃅꐙ。ꂷꉐꂾꃚꋍꄲꋍꄲꃅꅳꀧꈌꐚꇁ,ꃅꆳꂾꃚꑌꂿꇀꌦꀋꂿꇀꌦꃅ。ꄓꌍꑓꉈꏭꉜꇬ,ꂿꃅꑌꆈꋧꋪ,ꉐꏶꌺꁍꆴꀕꃅꇬꊎꐛꇰ。ꂷꉐꐛꌊꌩꏾꇬ、ꁬꆰꇬ、ꑲꏾꇬ,ꐯꇯꏓꌊꏷꐥꏹꍀꃅꐙꌠꒉꄩꐛꄉꊰꃄꅉꅞ,ꄧꀕꄧꃅꂿ。ꈺꌋꀕꌠꃅꆳꆹꌍꑓꐫꀕꇬꄉꑆꇁ,ꊿꋌꌠꉏꎸꃅꏾ。ꂷꉐꋍꉔꐛꄷꌦꆏ,ꃅꍵꆹꀋꌋꀋꏢꃅꇁꌊꉪꊇꏢꁮꑟꇁꀐꅊꇈ。
ꀀꀨꀁꁧꌠꆦꇫꎭ,ꈺꌋꀕꃅꐙꌠꊿꌌꉪꅜ,ꀋꇊꆏꉪꊇꏭꃢꈜꀊꄖꃅꈚꄿꀐꄷꌠꑌꌡ。ꋋꇅꇬꑲꆀ,ꊷꇨꀕꌠꃅꎸꂶꌠꑌꀋꋓꀋꉪꃅꉪꊇꐞꁧꀐꅊꇈ。
ꃢꈜꈚꄉꇈꒈꋌꌐꄮꇬꆏ,ꃅꄜꐛꐎꀐ,ꉈꏭꂷꉐꑌꀊꅰꐛꀊꅰꀉꒉꇁ。ꂘꑳꆸꅉꈵꃀꇬ,ꊿꉬꇮꃢꈜꀊꄖꃅꈚꌐꀐ,ꆫꁯꐛꑊꋲꑞꈧꌠꑋꈌꄮꐰꌩꃨꈨꌡ,ꑳꉷꁦꀕꎆꇌꅍꊪꄉꌐꄇꈜꏡꌠꂱꋮꇬꄉꃧꇰ,ꑤꍰꇓꈓꋋꍈꋌꁨꌞꉌꃹꌠꍴꈌꂷꐛꑊꐛ。
ꀅꌳꀅꌳꃅꍴꈌꂷꉐꈬꇬꐺ,ꆫꁯꇬꄉꊰꇁꌠꂷꉐꂾꃚꈧꌠꅲ、ꈝꃀꈢꀉꁌꀊꂵꀉꑳꏃꁱꂷꂘꁧꌠꉜ、ꃼꇇꃅꊿꇵꂷꅀꂷꉐꉬꀋꐚꒈꑻꈁꑓꀁꋌꒉꌠꂿ、ꐕꍯꐛꑿꈴꌠꆫ、ꌶꌺꀉꑳꄯꒉꀵꄎꀵꀋꄐꃅꂘꑳꉜꄉꏹꌠꉜ……ꉌꃀꇬꉪꌠꆹꃅꍵꉌꐒꇁꎭꌠꀋꉬꃅ,ꃅꍵꏭꉁꅉꌠꌋꆀꃅꍵꅿꑆꊋ。
ꉡꆹꎸꄑꃀꍴꈌꂷꉐꉌꃹ,ꉡꆹꇓꈓꀄꊭꋋꌺꃅꍵꉌꃹ。
ꍴꈌꂷꉐꆹꋙꎴꒈꎴꇁꀐꄷꌠꄛꇰ,ꍴꈌꂷꉐꆹꋚꁧꒉꁧꄽꂫꃢꌠꏭꒈꎭꄉ,ꑘꃅꊿꁳꋚꊊꒉꊊꎻꌠ。ꉈꑴꍴꈌꂷꉐꆹꉌꇿꑓꇿꋌꌌꀉꑳꈧꌠꁵꇁ。ꋀꊇꆹꍴꈌꂷꉐꈬꄉꐯꒈꐯꈧ,ꃢꈜꈍꃅꒈꊭꄿꂿ,ꀂꏾꈍꃅꀉꋒꄿꂿ,ꈜꈼꌟꃅꑌꀋꐛ。ꑠꆹꍴꈌꂷꉐꉌꇿꑓꇿꐨ!
ꁰꒌꇁꀦ-ꉠꑲꅉ(EYANGDI)
ꍴꈌꂷꉐꆹꉌꇿꋌꌌꃰꊿꁵꌠꀉꄂꀋꉬ,ꉌꎭꑓꁧꑌꋌꎭꌊꇁ。ꊿꋍꈨꋋꈨꆹꑠꃅꅲꏭꐛ,ꋚꅗꒉꅗꌠꆹꃅꍵꋋꂷ,ꈍꃅꄉꉌꐒꇁꎭꇁꉆꂯ?ꋋꆹꉌꈲꃤꍏꐊꋩꑍꑠꂷꐥ,ꍏꐊꋩꑍꆹꊿꋍꁯꋍꑷꐯꏑꄮꉬ,ꀊꄶꉈꏭꈜꎴꃅꄷꐥꈧꌠꑞꃅꉌꀋꎭꂯ?ꌩꏾꆴꌠꇬꄉꎺꃅꈋꐞꉈꏭꐥꈧꌠꄀ,ꎺꋀꊇꌋꆀꀁꇬꊨꏦꊿꐯꇯꐥꀋꄐꌠꄀꇬꆏ,ꉌꂵꈍꃅꈍꃅꐙꀋꐚ,ꌞꉌꂵꐛꀋꐛꌦꄉꏽ!
ꈯꌩꈯꇓꆹꃅꍵꄮꇬꆏꀅꌳꀅꌳꃅꀀꑌꃹꒉꌐꀐ,ꃄꅉꇬꃅꆳꁏꌊꇁꌠꏾꏂꈧꌠꀅꌳꀅꌳꃅꀕꆳꂷꉐꐊꁦꌦ。
ꃅꂿꇬꄉꊰꇁꌠꍴꈌꂷꉐꆹꌩꏾꋌꐛꏾꌌꀕ,ꂴꋌꃀꊌꐨꄸꉪꊇꁵꌠꌩꁧꆹꃅꆳꂷꉐꇱꎟꌦꇇꀉꄂꋒꀐ。ꂷꉐꇂꃴꁦꀑꁧꄩꆹꏁꀠꀕꌐ,ꏁꀠꀕꈧꌠꅩꂿꂾꍈꑌꐊ,ꋋꆹꌩꏪꈬꇬꌧꅗꏽꀕꉬꏭꐛ!ꍴꈌꂷꉐꆹꌙꈈꀕꃅꍻꀊꄶꐋꀋꌡꃅꐙꌠꀊꅪꈧꌠꀵꄉ,ꀊꅪꋌꑵꆹ,ꉈꏭꎆꎹꋚꈹꐺꌠꁳꉘꇈꐨꊌꂿꎻ。ꉈꏭꏹꐺꌠꆹꃅꈋꉂꐪꌋꆀꏣꃀꏣꑟꉂꐪꃅꌧꅗꏽꏾꀊꅪꋋꈨꇬꐊꐺꌐ。ꀁꇬꊿꁳꅉꐚꌠꆏ,ꋀꊇꉈꇬꑓꇬꌋꀋꌶꄷꌠ!
ꁰꒌꇁꀦ-ꉠꑲꅉ(EYANGDI)
ꍴꈌꂷꉐꆹꃅꍵꄮꐰꐵꀋꑷꌠꊩꌺꂷꑌꉬ。ꍴꈌꂷꉐꆹꃅꍵꄮꐰꊌꐨꋌꌌꇁ,ꍴꈌꂷꉐꆹꇓꈓꋋꍈꈲꏣꋌꌌꇁ,ꐙꎴꀕꌠꋌꌌꇉꅶꁵ。ꍴꈌꂷꉐꆹꋍꃀꁨꀋꑌꉌꃀꄅꀋꑌꃅꈲꐪꋌꄻꉪꊇꁳ,ꍴꈌꂷꉐꃅꐨꑽꑌꌋꆀꑌꇐꑲꇐꆹꉪꊇꌶꀠꉬ!
ꍴꈌꂷꉐꁮꑍꃀꑞꈄꃮꃅꃮ,ꃅꍵꋧꃅꂷꋌꃮꐯꇯꄉ。ꂿꃅꑌꆈꋧꋪꃅꐙ,ꑳꈣꇤꈣꇬꁮꑍꃀꑞꈄꃮꐛꌐꌠꌡ。ꂿꃅꇬꃅꄂꀉꌙꈧꌠ,ꀋꇊꆏꑳꄩꄉꊰꇁꌠꀈꃀꀊꐎꈨꑌꌡ。ꉶꇓꇬꌩꋚꇓꂷꈧꌠꆹꃅꎸꄮꐰꌄꆣꐨꉬ,ꀋꃉꑳꈣꈥꇤꀕꂷꀉꏯ,ꂷꉐꎱꀕꎰꃅꐛꄮꇬꆏꑍꃹꐺ,ꂴꋌꃀꈍꃅꀑꑊꁤꇅꀕꌠꎺꐺꇰ。ꁬꆰꈧꌠꆹꃸꌣꀕꌐꀐ,ꃄꅉꇬꃧꀕꑠꀮꎹꊊꀋꄐꆘꅝ;ꉈꏭꃧꀕꈧꌠꑌꇴꊰꆸꊰ,ꑓꁴꇬꇉꑌꄉꉼꄹꌗꏿꇰ。
ꊷꇨꀕꃅꎸꆹꈢꋒꁧꀐ,ꉘꁮꀉꁌꂶꌠꑌ,ꃅꄔꃪꃅꃪꃅꀋꐚꀐ。ꃅꌗꋍꑍꋍꉙꃅꈻꇁ,ꌩꏾꈧꌠꑌꋍꏾꋍꏾꃅꀁꋌꉜꄉꊰ。
ꃅꄜꃀꄓꇁꇬ,ꂷꉐ‘ꄅ’‘ ꄅ’ ‘ꄅ’ꃅꐛꑳꄩꌸꌠꂾꃚꆹꁀꁻꉌꌒꊱꑌꌡ,ꉐꍑꌺꁍꇗꀕꃅꈧꌠꇁꌊꃄꅉꅞꇈꀜꌊꃀꆏꈨꐛꂱꑱꅉꈴꁧꌐ。ꀃꈈꁭꑭꌧꅗꁦꌠꂷꉐꒈꋌꌊꁟꑻꀕ,ꌧꅗꏽꏾꀊꅪꈧꌠꋍꏾꋍꏾꃅꋌꀕꀊꅰꃅꅩꍠꀕ,ꈍꃅꎔꑵꉬꉏ。ꐕꍯꐛꑿꈳꅉꄇꈜꏡꌠꑌꋌꀕꈑꋧꈑꃀꍈꐘꀋꈧꆘꅝ,ꍮꊪꀋꈴꉈꉩꀕꀐ。
ꂷꉐꑄꋻꌠꂿꃅꁬꌠꆹ,ꎿꃀꃴꇉꇈꂷꌡ。ꄂꐎꈧꌠꆳꂾꈨꀉꏯꎿꄩꃰꐺ。
ꍴꈌꂷꉐꁍꇗꀕꃅꇬꊎꐛꇰ,ꐛꇿꅞꏾꈁꅞ。ꁮꑟꏢꌡ,ꃅꉒꌅꌡ,ꃅꇴꁙꌡ。ꐛꌊꈁꑓꌸꇬꈺꌋꀕꃅꐙ,ꐛꌊꈂꀸꊐꇬꐓꂿꀕꃅꐙ,ꀋꇊꆏꎧꏸꄣꑌꌡ,ꐚꒉꍔꑌꌡ,ꊿꋌꎼꀄꂼꂻꐛꇁ。
ꃅꃴꇬꂷꉐꆹꋍꄲꋍꄲꃅꐛꇬꎷ,ꀋꇊꆏꈑꋧꈑꃀꈨꉥꂿꃅꇬꄉꀛꐂꐺꌠꑌꌡ;ꋋꆹꋧꃅꋌꎼꃴꇉꀕ,ꋋꆹꉘꇉꐨꋌꌌꇁ,ꋋꆹꌩꏾꋌꐛꅫꏻꀕ, ꒈꌅꋌꐛꇿꇴꀕ。
ꍴꈌꂷꉐꐛꇀꌦꀐ。
ꁍꇩꇊ! 70ꈎ,ꉪꊇꇬꊎꏀꀺ,ꉪꊇꇬꊎꇁꉚ,ꉪꊇꃅꊋꐛꀐ。ꐩꋊꎖꋪꄉꉪꌧꅜ:ꋧꃅꏭꉜꄉꆹꂿꄷꌠꊿꋅꁯꆹ,ꀋꎪꃅꊨꏦꇷꄙꊋꌭ,ꀋꎪꃅꊨꏦꉌꊋꑌꌶ。ꁍꇩꆹꉪꊇꉘꉚꌠꀉꂿꂷ。
ꄚꇬꆹꃰꊿꌧꑳꁧꀿꅉꋍꈚꉬ,ꄚꇬꆹꉬꄙꈎꐩꋊꎵꑳꀕꌠꌋꆀꏁꇅꁤꇅꁏꌠꌧꇐꁱꀕꅏꅉꑌꉬ。ꁍꇩꃅꊂꀂꏽ,ꌄꆣꌠ、ꌣꈚꐞꄿꌠ、ꐩꋊ꓂ꑳꀕꌠ、ꃅꈎꃅꆪꎭꇁꅧꐪꑠꋖꇬꄀꄉꌠꉬ。ꑷꉸꁍꁈꌦꏣꆹꇐꌺꊂꋊꋍꂷꋑꀋꋒꋌꈻꐯꄀꄉ,ꁍꇩꀉꂿꆹꉷꉼꒊꃀꆃꆂꌌꍏꉸꌺꇖꋍꋏꇈꋍꋏꃅꉘꉚꇬꎷ。
ꁍꇩꊖꆈꋋꅔꁕꀂꏽꄉꒆꌠꍏꉸꊿꋅꆹ,ꐥꅷꇁꇬꊨꏦꉌꊋꑌꇈꐵꀋꑷꃅꐥꐨꈝꃀꀺ、ꌳꈄꀬꅑꌠꉌꊋꑌꇬꎷꌠꉬ。ꁂꇴꃅꃴꃄꅉꁉꄉꅑꄊꒄꒉꇈꒈꄻꇬꄉꉜꎼꇁꇬ,ꍉꇩꃅꋊꇬꎭꑷꀝꃔꄉꅑꃖꏧꊉꍨꇬꂾꂶꌠꄻꐛꇬꑟ,ꑭꉰꇝꂱꄉꅑꍏꉸꏓꂱꇩꉼꇭꇈꄺꀱꁉꃑꄻꐛꇬꑟꇬ,ꇰꀋꃀꌠꍏꉸꊿꋅ,ꌳꈄꀬꅑꌠꍏꉸꏓꂱꆹꀋꆏꃅꃚꐓꄉꑵ,ꄺꀱꅉꄉꀍꉀꐕ,ꏀꀺꇬꄉꀻꎆ,ꊋꐛꋍꂷꄉꌠꀉꁁꊋꐛꋍꂷꑟꃅꅷꇁꌠ! ꃅꈎꃅꆪꒉꀕꌟꃅꇫꈴꁧ。ꀋꃅꎼꈎꆏ,ꉪꊇꆹꁍꇩꀉꂿꄻꐛꏃꊰꈎꐛꌠꋨꏦ。ꀙꏸꇓꈓ,ꁈꁧꀊꅪꏁꏪꀕ,ꇰꋒꆏꅥꉢꅥꋓ!ꄟꉢꃀꊿꋅꈀꐥꅉꃅꀛꐂꑵꋓ,ꒈꃚꉏꃚꎓꁨꀕ!ꁍꇩꉂꏣꅼꇻꀕ,ꉂꑟꎵꑳꀕꌠꉬꀐꆺ!ꋋꇅꇬ,ꐻꑌꉪꒉꐯ,ꇿꃚꁦꅂꇈꈴꁍꇩꃅꊂꀋꑟꅉꀋꐥ;ꋋꇅꇬ,ꍤꏦꄇꒉꍤꍰꇓꈓꇬꊎꋬꂻꄜ。ꁍꇩꋬꂻꐮꄮꌣꈚꌄꆣꌠꑵ,ꁍꇩꃆꏂꊂꑋꀊꅰꃅꉾꃪꇁꅊꇈ!
ꐥꐨꒊꃀꀂꏽꉆꄉꉜꇬ,ꊨꏦꆹꈍꃅꀄꊭꑵꉬꉏ,ꉈꑴꀑꇬꑌꈍꃅꇰꀋꃀꑵꉬꌠꉪꌌꉪꅜ。ꑠꅹꉡꆹꑵꉙꑵ,ꐥꐨꇬꀋꆏꃅꇬꊎꊋꇤꏡꇤꄉꃅꈧꌠꏭꑵꉙꑵ,ꊨꏦꏭꑵꉙꑵ,ꃅꋊꋋꂷꏭꑵꉙꑵ,ꊨꏦꀀꁍꀕꇩꀉꂿꏭꑵꉙꑵ。
ꉠꉁꇁꅉꌠꁍꇩꇊ,ꊉꀒꀊꄶꈜꑍꈜꎴꃅꄷꄉꇁꌠꁍꇩꇊ;ꉠꉁꇀꅉꌠꁍꇩꇊ,ꌧꑳꈁꅼꀕꌠꆏꌌꇁ。ꉠꉂꇀꅉꌠꁍꇩꇊ,ꃆꄔꁨꐞꄑꌠꇬꄉꇁ;ꉠꉂꇀꅉꌠꁍꇩꇊ,ꌳꈄꐩꋊꉙꇐꇬꄉꇁ。ꉪꊇꈍꃅꄉꐩꋊꀊꋨꇅꇬꀋꎺꇁꉆꂯ?ꉪꊇꊿꋅꌄꆣꇁꌠꉘꇉꑴꌦ,ꉪꊇꁍꇩꄻꌊꌣꈚꐞꄿꇁꌠꉘꇉꑴꌦ。ꉂꇀꅉꌠꁍꇩꇊ,ꃅꐛꐎꐊꄉꇁ。ꎭꇬꄉꌒꇬꑟꌠ,ꉪꊇꆼꁠꋓꄹ,ꉌꃀꋍꂷꃅ,ꁦꄙꇈꉬ,ꒉꎔꃪꎔꉪꄔꃴꇉꀕ;ꉌꂵꍀꇗꀠꇁꅉꄉꉌꊈꑌꌠꑟ,ꇇꌦꐯꀳꄉ,ꉌꃀꋍꂷꃅ,ꉘꇉꐨꐥꌠꄇꇉꇶꌠꄹ。ꏃꊰꈎꃅꆳꂷꉐꐯꄡ,ꐯꇯꇉꋍꇷꑌ。ꉌꂵꋍꂷꑌ,ꇬꂾꉪꐪꎺ,ꃅꋊꀊꏀꏭꉜꄉꂵ。ꇰꀋꃀꌠꍏꉸꊿꋅꆹꍏꇩꇭꍣꄈꏃꂠꌠꇂꃴꄉꋍꑍꋍꉙꃅꌣꈚꐞꄿꐛꀐꌠꇰꀋꃀꌠꍏꇩꉪꐨꑌꑟꇁꀐ。
ꏃꊰꈎꈝꃀꇂꈪꀕꇂꍤꀕꌠꈴ,ꏃꊰꈎꃅꆳꂷꉐꐯꇯꄡ,ꏃꊰꈎꀕꇁꃅꈭꏝ,ꏃꊰꈎꑋꈌꊷꆣꀕ,ꏃꊰꈎꃅꍵꂷꅑꀮꇗꀕ。ꐩꋊꆹꁍꇩꀉꂿꈴꋺꌠꎭꇁꅧꐪꌋꆀꌄꆣꌠꀋꎺꇁꀋꉆ,ꄯꒉꀊꐎꀂꏽꂷꋶꀉꆈꑠꃅꁱꇬꄀꄉ:ꉪꊇꆹ《ꄏꃓꉼ》ꍡ,ꍏꇩꏓꂱꀃꑍꇈꉈꆏꄓꀍꉀꉆꀐ;ꉪꊇꆹ《ꑋꈌꅿꁮꅉ》ꁮꅉꌧ,ꄺꀱꁉꃑꃅꑌꄮꐰꃅꇴꌟꃅꇴꌊꃄꇖꄹꊂꑟ,ꍏꇩꏓꂱꀃꑍꇈꉈꆏꌣꈚꇁꀐ;ꄓꑦꀻꇰꀋꃀꌠꌧꇗꁈꁧꀊꅪꁬꌠꐕꄉ,ꑭꁘꐕꌊꃅꋊꀊꏀꄮꇬꑟ;ꉪꊇꆹꈆꑪꀻꎆꉜꐨꄐꂠꌊꉌꂵꋍꂷꃅ,ꀒꁨꉜꄉꏀꀺ,ꁊꑷꃅꊼꇅꌣꈚꌠꐧꋦꏭꉜꄉꂵ;ꀋꃉ,ꇩꏤꑭꊂꊿꋅꏓꂱꆹꑮꏣꀻꃅꋊꀊꏀꉪꇐꄐꂠꌠꇂꃴꄉ,ꊋꇤꄉꀒꁨꀥ,ꀒꁨꃅꇬꎷ。
ꃅꍵꏁꌬꀕ,ꆿꍯꇵꌅꀕ。ꁦꉘꀕꌠꍴꆳꆹ,ꎔꇂꃨꌠꋌꎭꌊꄮꐰꋋꂷꁵ。ꇩꏤꁈꁧꀊꅪꑌꄟꉢꃀꄉꉌꇿꑓꇿꃅꀛꐂꇰ。 ꁍꇩꇊ,ꉠꉂꇀꅉꌠꁍꇩ,ꉠꎔꇂꃨꌠꁍꇩ。 ꉠꉂꇀꅉꌠꁍꇩꇊ,ꏮꇊꎿꃀꉜꑌ,ꌩꃨꇓꃨꀕꈍꀕ! ꁍꇩꇊ,ꉠꉂꇀꅉꌠꁍꇩ!ꆎꆹꌧꑳ,ꉌꒊ,ꌳꈄ,ꀑꁮ,ꌳꉔ,ꅔꄎ,ꇷꄙ,ꀻꎆ,ꌧꂿ,ꐮꄮ,ꋯꑌ,ꇐꑌ,ꀬꅑ。ꉪꊇꊿꋅꋋꁯꆹꀋꆏꃅꌧꇐꌌꇁ;ꉪꊇꇩꏤꆹꄺꀱꁉꃑꈝꃀꍬꅷꆹ。 ꁍꇩꇊ,ꉠꉂꇀꅉꌠꁍꇩ,ꉠꉂꏣꎵꑳꀕꌠꁍꇩ!ꎹꄓꈨꑭꅏꄮ,ꍴꆳꆲꌙꀕꃅꁏꌊꉠꉌꃀꇬꊐ,ꁍꇩꉂꐪꐛꂨꀕꌠꋌꁏꎼꇁ,ꄂꏷꌌꄂꐎꋍꌅꐛ。
ꑓꁴ,ꈝꃀꈛꌎꌺꍇꌠꇬꄉꈜꑽ。ꀊꄶꂘꑳꉜꄉꁧꌠꌶꌺꀊꋨꍈ,ꀙꌊꑵꌆꑵꉼꃧꀕ56ꑵꋌꑴꌠꇁ。ꃅꃴꇬꈭꏂꈧꌠꋍꊈꋍꊈꃅꒈꀑꏭꉜꄉꃰ,ꇉꅸꒊꊝꑵꅉꐁꅉꃅ,ꊉꀒꀊꄶꈜꑍꈜꎴꅉꉜꄉꏹ。ꀊꉘꁮꅉꇬ,ꎯꂷꃧꀕꑌꋓꆏꋓꄹꇬꊎꃧꇰ,ꃅꈎꃅꆪꀋꌋꀋꏢ。ꁦꀑꋍꂷꇈꋍꂷ,ꒊꃀꋍꂡꇈꋍꂡ,ꀋꃉꆏꊾꂿꎔꇂꃨꌠꂒꂷꐥꌐ,ꃅꑆꃴꇉꀕꌠꇂꃴꄉꇬꊎꇿꇰ。 ꁍꇩꇊ,ꉠꉂꇀꅉꌠꁍꇩ,ꉠꌣꈚꐞꄿꌠꁍꇩ!
ꍴꈌꏁꌬꀕ。ꋧꃅꇣꄧꃅꑓꏮꉪꇩꏤꉜꄉꌐ。ꄚꁍꇩꀉꂿꆹꈍꃅꎔꇈꈍꃅꀊꏀꑵꉬꉏ,ꋍꎔꐪꆹꇤꃀꀈꑘꏭꀋꋌꃅꎔ,ꀋꇊꆏꑴꁱꁬꌡ。ꋧꃅꇣꄧꉆꈉꋋꂷꊿꃅꋌꀋꇰꂷꀋꐥ,ꊿꃅꇫꑴꀋꁨꂷꀋꐥ。ꃅꍵꋋꂷꆹ,ꄮꐽꌠꄮꐰꂷꉬ,ꉪꊇꉌꂵꄸꐯꑕꄉ,ꇇꌦꐯꀳꄉ!ꉪꊇꈀꉾꀕꈁꃪꀕꈧꌠꏓꐯꇯꄉ,ꎹꄓꃅꆳꁳꑵꉙꎴꄻꎻ,ꃅꃴꄂꐎꁳꁀꁻꊱꁻꎻ。 ꁍꇩꇊ,ꉠꉂꇀꅉꌠꁍꇩ!ꅽꋦꁍꏁꇅꁤꇅꁏꅊꇈ,ꅽꀑꇬꐥꍂꎴꅊꇈ! ꌋꐓꆺꄜꀕ,ꀀꃅꆈꌣꀕ,ꋧꃅꌙꈈꀕ!ꃅꏸꄽꂫꂶꌠꑌꐜꀋꈨꒉꀐ,ꁭꅐꁨꑭꍈꇫꅐꇁ! ꆈꋧꋪꌠꈢꋒꁧ,ꋧꃅꇣꄧꃅꁨꇉꀕ!ꎸꄑꃀ,ꉌꊭꉌꇓꎓꁨꀕ,ꁬꇂꆰꌺꅿꉗꌑꐩꀕ,ꉌꌤꐆꃅꐙꌠꉌꃀꂶꌠꑌꄁꃰꀋꏿꀐ!ꌢꎭꈝꃀꏹꐺꑴꌦꌠꏓꂱꈧꌠꐥꐨꄺꀱꌊꉾꃪꇁꅊꇈ,ꊷꆣꀕꌠꈨꑭꈧꌠꇿꑌꁊꈴꅊꇈ! ꂘꑘꄹꏦꑌꐤꅉꐤꅉꉾꇁꅊꇈ!ꌢꎭꀉꑳꌧꇐꌷꌠꐤꅉꐤꅉꉾꇁꅊꇈ;ꎭꇁꅧꌠꂘꃀ,ꂘꌷꄉꃶꌦꅍꌦꌠꑌꐤꅉꐤꅉꌒꇁꅊꇈ! ꋧꃅꇂꃴꃰꊿꇫꐥꌠꃅꀕꑆꃴꇉꀕꌠꇂꃴꄉ,ꍍꆃꋦꈭꑌꋍꑍꋍꉙꃅꉾꇁꅊꇈ,ꉪꊇꊂꋊꊁꒆꁳꀀꁍꈁꎔꀕꂷꊌꎻ。 ꐧꇂꃰꊿꇫꐥꌠꃅꊫꂫꁨꇉꀕ,ꄇꈜꐍꊏꀕ,ꐥꌒꄻꌒꅊꇈ!ꈀꄸꑌ ꐥꐨꉂ、ꀑꇬꁌꒉ、ꈪꑌꍣꑌꃅꐥꅊꇈ!
ꁨꇉꀕꌠꋧꃅ,ꁨꇉꀕꌠꃅꋊ,ꁨꇉꀕꌠꁍꇩ,ꋋꆹꎸꄑꃀꋍꑍꉬ:ꁍꇩꐥꍂꃅꀊꏀꄷꌠ,ꁍꇩꃆꏂꊂꑋꐤꅉꐤꅉꌄꆣꇁꄷꌠꉬ! ꁍꇩꇊ,ꉠꉂꇀꅉꌠꁍꇩ!ꀊꏀꀑꁮꌠꁍꇩ!ꃅꑍꋍꑍꎸꄑꀨ。ꉪꊇꇇꌦꐯꀳꄉꎸꄑꃀꋋꑍꉜꄉꆹ,ꉪꊇꋓꆏꋓꄹꃆꏂꊂꑋꉜꄉꆹ,ꁍꇩꎸꄑꁨꑭꆹꉪꊇꈝꃀꋌꁨꀕꇉꀕ! ꁍꇩꇊ,ꆎꆹꉠꉌ꒜ꇬꉘꁮꂷ! ꁍꇩꇊ,ꉠꉂꇀꅉꌠꁍꇩ! https://t.cn/Rzk2sqg
ꄚꇬꆹꃰꊿꌧꑳꁧꀿꅉꋍꈚꉬ,ꄚꇬꆹꉬꄙꈎꐩꋊꎵꑳꀕꌠꌋꆀꏁꇅꁤꇅꁏꌠꌧꇐꁱꀕꅏꅉꑌꉬ。ꁍꇩꃅꊂꀂꏽ,ꌄꆣꌠ、ꌣꈚꐞꄿꌠ、ꐩꋊ꓂ꑳꀕꌠ、ꃅꈎꃅꆪꎭꇁꅧꐪꑠꋖꇬꄀꄉꌠꉬ。ꑷꉸꁍꁈꌦꏣꆹꇐꌺꊂꋊꋍꂷꋑꀋꋒꋌꈻꐯꄀꄉ,ꁍꇩꀉꂿꆹꉷꉼꒊꃀꆃꆂꌌꍏꉸꌺꇖꋍꋏꇈꋍꋏꃅꉘꉚꇬꎷ。
ꁍꇩꊖꆈꋋꅔꁕꀂꏽꄉꒆꌠꍏꉸꊿꋅꆹ,ꐥꅷꇁꇬꊨꏦꉌꊋꑌꇈꐵꀋꑷꃅꐥꐨꈝꃀꀺ、ꌳꈄꀬꅑꌠꉌꊋꑌꇬꎷꌠꉬ。ꁂꇴꃅꃴꃄꅉꁉꄉꅑꄊꒄꒉꇈꒈꄻꇬꄉꉜꎼꇁꇬ,ꍉꇩꃅꋊꇬꎭꑷꀝꃔꄉꅑꃖꏧꊉꍨꇬꂾꂶꌠꄻꐛꇬꑟ,ꑭꉰꇝꂱꄉꅑꍏꉸꏓꂱꇩꉼꇭꇈꄺꀱꁉꃑꄻꐛꇬꑟꇬ,ꇰꀋꃀꌠꍏꉸꊿꋅ,ꌳꈄꀬꅑꌠꍏꉸꏓꂱꆹꀋꆏꃅꃚꐓꄉꑵ,ꄺꀱꅉꄉꀍꉀꐕ,ꏀꀺꇬꄉꀻꎆ,ꊋꐛꋍꂷꄉꌠꀉꁁꊋꐛꋍꂷꑟꃅꅷꇁꌠ! ꃅꈎꃅꆪꒉꀕꌟꃅꇫꈴꁧ。ꀋꃅꎼꈎꆏ,ꉪꊇꆹꁍꇩꀉꂿꄻꐛꏃꊰꈎꐛꌠꋨꏦ。ꀙꏸꇓꈓ,ꁈꁧꀊꅪꏁꏪꀕ,ꇰꋒꆏꅥꉢꅥꋓ!ꄟꉢꃀꊿꋅꈀꐥꅉꃅꀛꐂꑵꋓ,ꒈꃚꉏꃚꎓꁨꀕ!ꁍꇩꉂꏣꅼꇻꀕ,ꉂꑟꎵꑳꀕꌠꉬꀐꆺ!ꋋꇅꇬ,ꐻꑌꉪꒉꐯ,ꇿꃚꁦꅂꇈꈴꁍꇩꃅꊂꀋꑟꅉꀋꐥ;ꋋꇅꇬ,ꍤꏦꄇꒉꍤꍰꇓꈓꇬꊎꋬꂻꄜ。ꁍꇩꋬꂻꐮꄮꌣꈚꌄꆣꌠꑵ,ꁍꇩꃆꏂꊂꑋꀊꅰꃅꉾꃪꇁꅊꇈ!
ꐥꐨꒊꃀꀂꏽꉆꄉꉜꇬ,ꊨꏦꆹꈍꃅꀄꊭꑵꉬꉏ,ꉈꑴꀑꇬꑌꈍꃅꇰꀋꃀꑵꉬꌠꉪꌌꉪꅜ。ꑠꅹꉡꆹꑵꉙꑵ,ꐥꐨꇬꀋꆏꃅꇬꊎꊋꇤꏡꇤꄉꃅꈧꌠꏭꑵꉙꑵ,ꊨꏦꏭꑵꉙꑵ,ꃅꋊꋋꂷꏭꑵꉙꑵ,ꊨꏦꀀꁍꀕꇩꀉꂿꏭꑵꉙꑵ。
ꉠꉁꇁꅉꌠꁍꇩꇊ,ꊉꀒꀊꄶꈜꑍꈜꎴꃅꄷꄉꇁꌠꁍꇩꇊ;ꉠꉁꇀꅉꌠꁍꇩꇊ,ꌧꑳꈁꅼꀕꌠꆏꌌꇁ。ꉠꉂꇀꅉꌠꁍꇩꇊ,ꃆꄔꁨꐞꄑꌠꇬꄉꇁ;ꉠꉂꇀꅉꌠꁍꇩꇊ,ꌳꈄꐩꋊꉙꇐꇬꄉꇁ。ꉪꊇꈍꃅꄉꐩꋊꀊꋨꇅꇬꀋꎺꇁꉆꂯ?ꉪꊇꊿꋅꌄꆣꇁꌠꉘꇉꑴꌦ,ꉪꊇꁍꇩꄻꌊꌣꈚꐞꄿꇁꌠꉘꇉꑴꌦ。ꉂꇀꅉꌠꁍꇩꇊ,ꃅꐛꐎꐊꄉꇁ。ꎭꇬꄉꌒꇬꑟꌠ,ꉪꊇꆼꁠꋓꄹ,ꉌꃀꋍꂷꃅ,ꁦꄙꇈꉬ,ꒉꎔꃪꎔꉪꄔꃴꇉꀕ;ꉌꂵꍀꇗꀠꇁꅉꄉꉌꊈꑌꌠꑟ,ꇇꌦꐯꀳꄉ,ꉌꃀꋍꂷꃅ,ꉘꇉꐨꐥꌠꄇꇉꇶꌠꄹ。ꏃꊰꈎꃅꆳꂷꉐꐯꄡ,ꐯꇯꇉꋍꇷꑌ。ꉌꂵꋍꂷꑌ,ꇬꂾꉪꐪꎺ,ꃅꋊꀊꏀꏭꉜꄉꂵ。ꇰꀋꃀꌠꍏꉸꊿꋅꆹꍏꇩꇭꍣꄈꏃꂠꌠꇂꃴꄉꋍꑍꋍꉙꃅꌣꈚꐞꄿꐛꀐꌠꇰꀋꃀꌠꍏꇩꉪꐨꑌꑟꇁꀐ。
ꏃꊰꈎꈝꃀꇂꈪꀕꇂꍤꀕꌠꈴ,ꏃꊰꈎꃅꆳꂷꉐꐯꇯꄡ,ꏃꊰꈎꀕꇁꃅꈭꏝ,ꏃꊰꈎꑋꈌꊷꆣꀕ,ꏃꊰꈎꃅꍵꂷꅑꀮꇗꀕ。ꐩꋊꆹꁍꇩꀉꂿꈴꋺꌠꎭꇁꅧꐪꌋꆀꌄꆣꌠꀋꎺꇁꀋꉆ,ꄯꒉꀊꐎꀂꏽꂷꋶꀉꆈꑠꃅꁱꇬꄀꄉ:ꉪꊇꆹ《ꄏꃓꉼ》ꍡ,ꍏꇩꏓꂱꀃꑍꇈꉈꆏꄓꀍꉀꉆꀐ;ꉪꊇꆹ《ꑋꈌꅿꁮꅉ》ꁮꅉꌧ,ꄺꀱꁉꃑꃅꑌꄮꐰꃅꇴꌟꃅꇴꌊꃄꇖꄹꊂꑟ,ꍏꇩꏓꂱꀃꑍꇈꉈꆏꌣꈚꇁꀐ;ꄓꑦꀻꇰꀋꃀꌠꌧꇗꁈꁧꀊꅪꁬꌠꐕꄉ,ꑭꁘꐕꌊꃅꋊꀊꏀꄮꇬꑟ;ꉪꊇꆹꈆꑪꀻꎆꉜꐨꄐꂠꌊꉌꂵꋍꂷꃅ,ꀒꁨꉜꄉꏀꀺ,ꁊꑷꃅꊼꇅꌣꈚꌠꐧꋦꏭꉜꄉꂵ;ꀋꃉ,ꇩꏤꑭꊂꊿꋅꏓꂱꆹꑮꏣꀻꃅꋊꀊꏀꉪꇐꄐꂠꌠꇂꃴꄉ,ꊋꇤꄉꀒꁨꀥ,ꀒꁨꃅꇬꎷ。
ꃅꍵꏁꌬꀕ,ꆿꍯꇵꌅꀕ。ꁦꉘꀕꌠꍴꆳꆹ,ꎔꇂꃨꌠꋌꎭꌊꄮꐰꋋꂷꁵ。ꇩꏤꁈꁧꀊꅪꑌꄟꉢꃀꄉꉌꇿꑓꇿꃅꀛꐂꇰ。 ꁍꇩꇊ,ꉠꉂꇀꅉꌠꁍꇩ,ꉠꎔꇂꃨꌠꁍꇩ。 ꉠꉂꇀꅉꌠꁍꇩꇊ,ꏮꇊꎿꃀꉜꑌ,ꌩꃨꇓꃨꀕꈍꀕ! ꁍꇩꇊ,ꉠꉂꇀꅉꌠꁍꇩ!ꆎꆹꌧꑳ,ꉌꒊ,ꌳꈄ,ꀑꁮ,ꌳꉔ,ꅔꄎ,ꇷꄙ,ꀻꎆ,ꌧꂿ,ꐮꄮ,ꋯꑌ,ꇐꑌ,ꀬꅑ。ꉪꊇꊿꋅꋋꁯꆹꀋꆏꃅꌧꇐꌌꇁ;ꉪꊇꇩꏤꆹꄺꀱꁉꃑꈝꃀꍬꅷꆹ。 ꁍꇩꇊ,ꉠꉂꇀꅉꌠꁍꇩ,ꉠꉂꏣꎵꑳꀕꌠꁍꇩ!ꎹꄓꈨꑭꅏꄮ,ꍴꆳꆲꌙꀕꃅꁏꌊꉠꉌꃀꇬꊐ,ꁍꇩꉂꐪꐛꂨꀕꌠꋌꁏꎼꇁ,ꄂꏷꌌꄂꐎꋍꌅꐛ。
ꑓꁴ,ꈝꃀꈛꌎꌺꍇꌠꇬꄉꈜꑽ。ꀊꄶꂘꑳꉜꄉꁧꌠꌶꌺꀊꋨꍈ,ꀙꌊꑵꌆꑵꉼꃧꀕ56ꑵꋌꑴꌠꇁ。ꃅꃴꇬꈭꏂꈧꌠꋍꊈꋍꊈꃅꒈꀑꏭꉜꄉꃰ,ꇉꅸꒊꊝꑵꅉꐁꅉꃅ,ꊉꀒꀊꄶꈜꑍꈜꎴꅉꉜꄉꏹ。ꀊꉘꁮꅉꇬ,ꎯꂷꃧꀕꑌꋓꆏꋓꄹꇬꊎꃧꇰ,ꃅꈎꃅꆪꀋꌋꀋꏢ。ꁦꀑꋍꂷꇈꋍꂷ,ꒊꃀꋍꂡꇈꋍꂡ,ꀋꃉꆏꊾꂿꎔꇂꃨꌠꂒꂷꐥꌐ,ꃅꑆꃴꇉꀕꌠꇂꃴꄉꇬꊎꇿꇰ。 ꁍꇩꇊ,ꉠꉂꇀꅉꌠꁍꇩ,ꉠꌣꈚꐞꄿꌠꁍꇩ!
ꍴꈌꏁꌬꀕ。ꋧꃅꇣꄧꃅꑓꏮꉪꇩꏤꉜꄉꌐ。ꄚꁍꇩꀉꂿꆹꈍꃅꎔꇈꈍꃅꀊꏀꑵꉬꉏ,ꋍꎔꐪꆹꇤꃀꀈꑘꏭꀋꋌꃅꎔ,ꀋꇊꆏꑴꁱꁬꌡ。ꋧꃅꇣꄧꉆꈉꋋꂷꊿꃅꋌꀋꇰꂷꀋꐥ,ꊿꃅꇫꑴꀋꁨꂷꀋꐥ。ꃅꍵꋋꂷꆹ,ꄮꐽꌠꄮꐰꂷꉬ,ꉪꊇꉌꂵꄸꐯꑕꄉ,ꇇꌦꐯꀳꄉ!ꉪꊇꈀꉾꀕꈁꃪꀕꈧꌠꏓꐯꇯꄉ,ꎹꄓꃅꆳꁳꑵꉙꎴꄻꎻ,ꃅꃴꄂꐎꁳꁀꁻꊱꁻꎻ。 ꁍꇩꇊ,ꉠꉂꇀꅉꌠꁍꇩ!ꅽꋦꁍꏁꇅꁤꇅꁏꅊꇈ,ꅽꀑꇬꐥꍂꎴꅊꇈ! ꌋꐓꆺꄜꀕ,ꀀꃅꆈꌣꀕ,ꋧꃅꌙꈈꀕ!ꃅꏸꄽꂫꂶꌠꑌꐜꀋꈨꒉꀐ,ꁭꅐꁨꑭꍈꇫꅐꇁ! ꆈꋧꋪꌠꈢꋒꁧ,ꋧꃅꇣꄧꃅꁨꇉꀕ!ꎸꄑꃀ,ꉌꊭꉌꇓꎓꁨꀕ,ꁬꇂꆰꌺꅿꉗꌑꐩꀕ,ꉌꌤꐆꃅꐙꌠꉌꃀꂶꌠꑌꄁꃰꀋꏿꀐ!ꌢꎭꈝꃀꏹꐺꑴꌦꌠꏓꂱꈧꌠꐥꐨꄺꀱꌊꉾꃪꇁꅊꇈ,ꊷꆣꀕꌠꈨꑭꈧꌠꇿꑌꁊꈴꅊꇈ! ꂘꑘꄹꏦꑌꐤꅉꐤꅉꉾꇁꅊꇈ!ꌢꎭꀉꑳꌧꇐꌷꌠꐤꅉꐤꅉꉾꇁꅊꇈ;ꎭꇁꅧꌠꂘꃀ,ꂘꌷꄉꃶꌦꅍꌦꌠꑌꐤꅉꐤꅉꌒꇁꅊꇈ! ꋧꃅꇂꃴꃰꊿꇫꐥꌠꃅꀕꑆꃴꇉꀕꌠꇂꃴꄉ,ꍍꆃꋦꈭꑌꋍꑍꋍꉙꃅꉾꇁꅊꇈ,ꉪꊇꊂꋊꊁꒆꁳꀀꁍꈁꎔꀕꂷꊌꎻ。 ꐧꇂꃰꊿꇫꐥꌠꃅꊫꂫꁨꇉꀕ,ꄇꈜꐍꊏꀕ,ꐥꌒꄻꌒꅊꇈ!ꈀꄸꑌ ꐥꐨꉂ、ꀑꇬꁌꒉ、ꈪꑌꍣꑌꃅꐥꅊꇈ!
ꁨꇉꀕꌠꋧꃅ,ꁨꇉꀕꌠꃅꋊ,ꁨꇉꀕꌠꁍꇩ,ꋋꆹꎸꄑꃀꋍꑍꉬ:ꁍꇩꐥꍂꃅꀊꏀꄷꌠ,ꁍꇩꃆꏂꊂꑋꐤꅉꐤꅉꌄꆣꇁꄷꌠꉬ! ꁍꇩꇊ,ꉠꉂꇀꅉꌠꁍꇩ!ꀊꏀꀑꁮꌠꁍꇩ!ꃅꑍꋍꑍꎸꄑꀨ。ꉪꊇꇇꌦꐯꀳꄉꎸꄑꃀꋋꑍꉜꄉꆹ,ꉪꊇꋓꆏꋓꄹꃆꏂꊂꑋꉜꄉꆹ,ꁍꇩꎸꄑꁨꑭꆹꉪꊇꈝꃀꋌꁨꀕꇉꀕ! ꁍꇩꇊ,ꆎꆹꉠꉌ꒜ꇬꉘꁮꂷ! ꁍꇩꇊ,ꉠꉂꇀꅉꌠꁍꇩ! https://t.cn/Rzk2sqg
✋热门推荐