དོན་གསུམ་ཚིག་གཉིས་དྲན་ན་རྗེས་དྲན་ཡིན།

首页发布

དོན་གསུམ་ཚིག་གཉིས་དྲན་ན་རྗེས་དྲན་ཡིན།

མཁན་པོ་ཚུལ་ཁྲིམས་བློ་གྲོས་ཀྱིས།

སྙིགས་དུས་འགྲོ་མགོན་རྡོ་རྗེ་འཆང་ཉིད་ཀྱིས།།
ཞིང་གཟིགས་ཟླ་བ་གཉིས་ཀྱི་གོང་རོོལ་ནས།།
སེར་སྐྱ་ཁྲི་ཕྲག་མང་པོའི་ཚོགས་དབུས་སུ།།
ཁོ་བོ་མི་སྡོད་བདེ་བ་ཅན་དུ་འགྲོ།།
ཤུལ་ལུས་བོད་མིས་དོན་གསུམ་ཡིད་ལ་ཟུངས།།
སེམས་ཅན་མ་གསོད་བསམ་པ་བཟང་པོ་གྱིས།།
བདེ་ཆེན་ཞིང་དུ་སྐྱེ་བའི་སྨོན་ལམ་ཐོབ།།
གནས་སྐབས་མི་ཡོང་མཐའ་མར་འཕྲད་ཡོང་སྟེ།།
འདུས་མཐའ་འབྲལ་བ་ཡིན་པས་མ་སྐྱོ་གསུངས།།
མྱ་ངན་འདའ་བའི་ཉིན་གསུམ་གོང་རོལ་དུ།།
གསང་ཆེན་འོད་སྐུར་གྲོལ་བའི་སློབ་ཚོགས་ལ།།
རང་ཚུགས་མ་འཆོར་གཞན་སེམས་མ་དཀྲུག་ཅེས།།
རྡོ་རྗེའི་ཚིག་རྐང་ཞལ་ཆེམས་ཚུལ་དུ་གསུངས།།
གསེར་དང་ས་རྡོ་མཉམ་པའི་འཕགས་ཆེན་ལ།།
བཟའ་བཏུང་བསྟོད་པའི་ཚིག་གིས་ཅི་བགྱི་སྟེ།།
དོན་གསུམ་ཚིག་གཉིས་དྲན་ན་རྗེས་དྲན་ཡིན།།
དེ་དག་ཉམས་སུ་བླངས་ན་མཆོད་པ་ཡིན།།

࿐མཁན་དབང་མཆོག་གིས།

࿐ མི་རྣམས་ཅུང་ཟད་མཚར་བོ་ཞིག་ཏུ་སྣང་སྟེ།
ཁྱོད་ཀྱིས་མཐའ་གཅིག་ཏུ་ཁ་ཞེ་གཉིས་མེད་བྱ་འདོད་དུས་ཁོ་ཚོ་ཅུང་ཟད་འགྱུར་ཡོད་ཉམས་ཤར་ལ། ཡང་ཅི་མི་སྙམ་པར་གཡུག་བསམ་དུས་དེའི་ཚོད་ན་ཡང་མེད་སྣང་ཤར། ཤ་འཚོས་ལ་མ་འཚོས་ཞིམ། མི་འདྲིས་ལ་མ་འདྲིས་བཟང་ཟེར་བ་ལྟར་རོ། ། [太阳]

࿐ དེ་རིང་བོད་ཟླ་བཅུ་གཅིག་པའི་ཚེས་བཅུ་ལ་ཨོ་རྒྱན་ཆེན་པོ་ཉིད་ལྷོ་ནུབ་སྲིན་པོའི་ཡུལ་དུ་གཤེགས་པར་དགོངས་ནས་བསམ་ཡས་མཆིམ་ཕུར་ཡོན་མཆོད་བཀའ་བགྲོས་མཛད་དེ་གཏེར་ཁ་སྦས་པའི་སྟ་གོན་དུ་ལྷ་འདྲེ་དབང་དུ་བསྡུས་ཏེ་གཏེར་གྱི་གཉེར་བྱང་གཏད་པའི་དུས་ཆེན་ཡིན་པས། དགེ་སྡིག་གང་བྱས་འབུམ་དུ་འགྱུར་ལ་མཚོན་གྱི་བསྐལ་བ་ལས་ཐར། ཚ་བའི་དམྱལ་བར་མི་སྐྱེ་བ་སོགས་ཕན་ཡོད་བསམ་གྱིས་མི་ཁྱབ་པ་ཡོད་དོ། གལ་ཏེ་སློབ་དཔོན་པད་འབྱུང་ལ་དད་སེམས་ཀྱི་ངང་ནས་སེམས་གཅིག་གིས་བསྙེན་པ་བརྗོད་ན་བཀྲ་མི་ཤིས་པའི་སྔ་ལྟས་དང་རང་ལོ། དགྲ་འཁྲུགས། ལྟས་ངན། ན་ཚ། ཆག་སྒོ།

ཉམས་ལེན་སོགས་ལ་བར་ཆད་མེད་པར་འགྱུར་ཞིང་བསམ་དོན་མྱུར་དུ་འགྲུབ་པར་འགྱུར་རོ།།དེ་རིང་སློབ་དཔོན་ཉིད་ལ་ཕྱག་དང་བསྐོར་བའི་གུས་འདུད་དང་བཅས་པས་སེར་སྣ་མེད་པར་རང་འབྱོར་དང་བསྟུན་ཏེ་དངོས་རྫས་མེ་ཏོག མཆོད་མེ། ཡོན་ཆབ་སོགས་འབུལ་ཞིང་སྒོ་གསུམ་གྱིས་རྣམ་དཀར་དགེ་བའི་ལས་ལ་འབད་ན་འདི་ཕྱི་ཀུན་ཏུ་བསོད་ནམས་རྒྱུན་ཆད་མེད་པར་འབྱུང་བའི་ཐབས་བླ་ན་མེད་པ་ཡིན་ནོ།