#带着边框一起拍# 話要帶我去食大餐
但冇安排到嘅地方
睇餐牌我問佢食乜
佢同我講我話事喎（我好認真地望…）
佢叫我唔好問佢喎（咁我又好認真問佢點解…）
話我話食牛又唔好（我其實無乜胃口）
答我食雞又話戒口（咁我食完真係唔舒服）
然後話又唔想食豬（我話唔想食炸出嚟嘅豬啫..）
然後我好誠懇遞返張餐牌比佢！你揀啦⋯⋯
佢話我咩都話唔好嗌
問我邊啲係可以嗌
遇著有日跟我食飯（一定要關心我係咪病咗）
我冇心咁答….. ….OMG.
最後當然每道菜都有佢喜歡

我就是queen后發牌
給小小儀式感

#胡定欣[超话]#
臨時劫案｜胡定欣激動舞刀損手

2024農曆新年賀歲鉅獻《臨時劫案》將於今個農曆年跟大家見面。電影多款個人及組合海報日前驚喜發佈，今次無論外觀及演出都甚為破格的郭富城，以爆趣驚喜造型現身，當中城城在戲裏的跳脫無常，金句字字鏗鏘，透過早前發佈的宣傳片，了解到城城是聘請兼職幫手打劫的賊王，但打劫都會講道理，講禮貌，有堅持，重原則。

海報除了打着電影主題「今個龍年 逼人富貴」，還有演員在戲中的惹笑金句，讓大家略知今齣《臨時劫案》的角色人物，絶對是爆趣又驚喜。

今次推出十多款驚喜海報，除了有郭富城（飾演 梅藍天）的騎呢打劫look，配合其對白金句：「你劫我！我劫你！啱晒數！」還有任賢齊（飾演 冇用輝）的驚青走佬造型，配合其戲中對白：「我好人做唔好，壞人又做唔到。」讓觀眾見證小齊如何將廢中演繹得淋漓盡致。而林家棟（飾演 笠水）更將其演繹的貪婪怕事的士司機角色，演得扺死啜核，其對白透露：「咁認真，把鬼咩！我點知你邊袋錢啫！」可見其做事求求其其，廢得極致。其餘海報還有戲中飾演大賊、小賊的父子檔演出的姜大衛、姜卓文，飾演家棟老婆、鮑起靜新抱的胡定欣，海報展示婆媳鬥法。而最正直相信是張可頤、梁仲恆兩個陀槍警察，其餘出現的王敏德、林雪、符家浚、張松枝等，相信都冇個好人，一輪為錢惡鬥一觸即發。

飾演孕婦的胡定欣，其角色經常被奶奶激得情緒高漲，她表示：「拍攝時嗌到成條邨都聽到，放盡嚟嗌。」定欣表示，好開心第一次與家棟合作，雖然說話不多，但感覺到對方是個細心好拍檔，定欣說：「我哋本身唔認識，但係佢都喺旁邊提點我，帶我入戲。」定欣透露，第一場戲在茶餐廳拍攝，情緒演繹已經甚為激動，她說：「要動胎氣生得，又揸住刀，都有損咗手，但都ok好好玩。而今次我入行同鵬哥（盧海鵬）第二次合作，上次係十幾年前，今次好開心且同鵬哥、家棟、鮑姐合作。」

Cr: am730

台慶劇《新聞女王》大結局視帝陳山聰壓軸亮相 演活輕度弱智爸爸

今晚（12月22日）連續兩小時大結局的台慶劇《新聞女王》，壓軸登場個案人物陳山聰絕對是一大亮點！山聰飾演輕度弱智爸爸賴志雄，因女兒嘉嘉離奇墮樓身亡，一直求助無門，最終捲入持刀及炸彈脅持人質事件，其間更因受刺激令場面一度失控，牽涉其中的Man姐（佘詩曼飾）因而身陷險境。

視帝級壓軸個案人物
結局之前在優酷率先播出時贏盡好評，除了令觀眾睇得一殼眼淚，更有人指山聰的好演技令人聯想到劉松仁在《大時代》的經典角色方進新。
予人感覺有型有款的山聰這次放下型仔外表，飾演來自基層家庭的輕度弱智爸爸，無論舉手投足、表情聲線，甚至是背影都入型入格，完全沒有半點陳山聰的味道。其演活了失去女兒的痛心、無助及絕望，難怪成功入圍今屆男配角十強。

客串三日攰到似拍三十集
談到是次角色，視帝級的山聰亦坦言頗有難度。「我相信係我入行以嚟其中一個真係都幾難演嘅角色，當時鍾澍佳總監製同我講要拍呢個角色時，我都嘩了一聲。我開頭仲同阿佘講我嚟客串，同佢玩兩場戲，我諗住好似 Bosco（黃宗澤）咁，著套西裝行行企企講兩句對白架啫，冇諗過要搞成咁！作為一個演員可以遇到真係有一定難度嘅角色，其實係開心嘅。」
雖然只是客串性質，但山聰依然認真對待角色，並專誠找來教開方法演技的戲劇老師一起研究。「我哋用咗好多時間去諗，到底呢個角色嘅輕度弱智要去到幾多呢？點樣分輕重呢？因為大家都對陳山聰有固有印象，佢突然做個咁嘅角色，大家會唔會認同，如果一做錯咗，就會有反效果。」

與阿佘對戲是享受
山聰續指單是為了角色造型，已令他頭痛不己。「因為之前仲拍緊《奪命提示》，所以髪型有所限，原本係梳落嚟直頭髪，但係點整佢哋都係話太有型，想老土啲。真心我依個髪型係我爸爸以前電過嘅，我係參考佢（35年前）嘅髮型。」由於角色難度高，所以山聰只是拍了三天，但感覺卻和拍了三十集冇分別。「第一日朝早06起身，已經開始入狀態，直至收工返到屋企，已經攰到咩咁。第二日繼續，過程辛苦，但非常享受。」
他又感激阿佘，更說不是阿佘，不會遇到一個那麼好的角色。「回想返以前同佢合作，佢已經係超班。今次同佢演咗一場好戲，一如以往佢非常有感染力、好易就畀佢帶到入戲，所以拍攝過程好享受，真心希望將來有機會同佢再玩過。」