མི་གཞི་འདི་ཤིན་ཏུ་གལ་ཆེ། བློ་རིག་དང་འཇོན་ན

首页发布

མི་གཞི་འདི་ཤིན་ཏུ་གལ་ཆེ།

བློ་རིག་དང་འཇོན་ནུས་སོགས་ཡོད་ན་བཟང་མོད། འོན་ཀྱང་དེ་ལ་མི་གཞི་བཟང་བོའི་རྩ་བ་མེད་ན། སེམས་གཏིང་ནས་བསྟོད་སྨོན་བྱེད་ཡུལ་དུ་འགྱུར་དཀའ་འོ།།ཡིན་ན་ཡང་མི་གཞི་བཟང་ཟེར་བ་དེ་ཤིན་ཏུ་བཤད་དཀའ་མོ་ཞིག་རེད། དཔོན་པོས་བལྟས་ན་མི་གཞི་བཟང་ཡང་འབངས་མིས་བལྟས་ན་མི་གཞི་ངན་པ་ཡང་ཧ་ཅང་མང་། ཕྱུག་པོས་བལྟས་ན་མི་གཞི་བཟང་ཡང་དབུལ་བོས་བལྟས་ན་མི་གཞི་ངན་པ་ཡང་ཤིན་ཏུ་མང་། བླ་མའི་མདུན་ནས་མི་གཞི་བཟང་ཡང་བླ་མ་དང་ཁ་ཅུང་ཟད་བྲལ་ན་མི་གཞི་ངན་པ་ཡང་ཧ་ཅང་མང་། རང་ཉིད་མཐོ་བར་རློམ་ནས་ཉམ་ཆུང་ལ་ཡ་མ་བྱས་ན་མི་གཞི་ངན་པར་མ་ཟད། མཐོན་པོས་བརྩེ་བས་བསྐྱངས་པ་རང་ཉིད་ཅུང་ཟད་དར་དུས་དེ་དེ་ཉིད་བརྗེད་འགྲོ་བ་ཡང་མི་གཞི་ངན་པའི་རྟགས་ཡིན། དེས་ན་མི་གཞི་བཟང་བོ་ནི་ཐམས་ཅད་ཀྱི་རྩ་བ་ཡིན་པས་དཀའ་ཡང་འབད་དགོས། ལམ་གྱི་རིམ་པ་ཞེས་པའང་གོ་སླ་བར་བཤད་ན། མི་གཞི་རིམ་གྱིས་ཇེ་བཟང་དང་། སེམས་རྒྱུད་རིམ་གྱིས་ཇེ་ལེགས་སུ་བཏང་ནས་མཐར་མི་གཞི་དང་སེམས་རྒྱུད་གང་གི་ཆ་ལའང་སྐྱོན་ཅུང་ཟད་ཀྱང་མེད་པར་གྱུར་བ་ན་སངས་རྒྱས་ཞེས་པ་རེད།

ཞེས་བཛྲ་ཚུལ་ཁྲིམས་རྒྱ་མཚོས།

སྲིད་པའི་ནགས་ཀློང་ན་རྒྱུ་བའི་རི་དྭགས་རྨས་མ། །
དུས་ཀྱི་སྒང་གཤོང་ནས་འཚོ་བའི་ཨ་ཐང་ཆད་ཚེ། །
ཐུགས་རྗེའི་ཞལ་ཆབ་ཀྱི་བསང་གཏོར་ཡི་གར་འོང་བ། །
སེམས་ཀྱི་ཞིང་ས་རུ་འཐོར་བའི་ལྷ་ཡི་ཕོ་ཉ། །

ང་འཕྲུལ་བཟོ་མ་ཡིན་པའི་འཇིག་རྟེན་ཞིག་དགོས།
དེ་ནི་ལས་འབྲས་དང་ཚོགས་བསགས་ཀྱི་ནང་ནོམ་ཞིག

ང་མགོ་སྐོར་མ་ཡིན་པའི་རྣམ་འགྱུར་ཞིག་དགོས།
དེ་ནི་དྲང་བདེན་དང་ལྷིང་འཇགས་ཀྱི་འཁོར་ཡུག་ཅིག

ང་ལྷོད་དལ་རན་པོ་ཡི་འདང་བརྩེ་ཞིག་དགོས།
དེ་ནི་དབང་ཤུགས་དང་སླུ་བྲིད་ལས་གྲོལ་རྒྱུ་གལ།

ང་ཞོགས་པའི་མཚམས་སྤྲིན་གྱི་དམར་མདངས་ཤིག་དགོས།
དེ་ནི་གཞི་གནས་ཀྱི་བཙན་ས་དང་འདི་སྣང་ཡིན།

སྤྲེལ་མིང་གིས། [月亮]