࿐ རྒྱ་བརྒྱུད་བསམ་གཏན་པའི་གྲུབ་མཐའི་སྲོལ་འབྱེད་པ་པོ་རྒྱ་གར་གྱི་གྲུབ་ཐོབ་དྷརྨ་བོདྷ་ 菩提达摩 (—༥༣༦ ) དང་རྒྱ་བརྒྱུད་ནང་བསྟན་དཀར་ཟས་ཀྱི་སྲོལ་གཏོད་པ་ཆོས་རྒྱལ་ལོའོ་ཨོའུ་ཏིའེ་ 梁武帝 (༥༠༢—༥༤༩ ) གཉིས་མཇལ་འཕྲད་སྐབས་ཀྱི་ཡ་མཚན་པའི་གཏམ་རྒྱུད་ཅིག་སྔར་ནས་ཐོས་མྱོང་ཡོད།  དེ་རིང་གནས་དེར་མཇལ་སྐོར་ལ་ཐོན།  གྲུབ་ཐོབ་ཁོང་རྒྱ་གར་ནས་ལྷོ་ལམ་བརྒྱུད་དེ་ཀོན་ཀྲོའུ广州 ས་ཁུལ་ལ་ཕེབས།  རྒྱལ་པོས་འཕགས་ཡུལ་ནས་གྲུབ་ཐོབ་ཆེན་པོ་ཞིག་ཀོན་ཀྲོའུ་ལ་ཕེབས་པར་ཐོས་འཕྲལ་སྤྱི་ལོ་ ༥༢༧ ལོར་རྒྱལ་ས་ནན་ཅིན་南京 ལ་གདན་དྲངས།

རྒྱལ་པོ་དང་གྲུབ་ཐོབ་བར་གྱི་དྲི་ལན།
达摩与梁武帝之对话

武帝问：如何是圣谛第一义?
师曰： 廓然无圣。
རྒྱལ་པོས།    དོན་དམ་བདེན་པའི་དོན་གང་།
གྲུབ་ཐོབ།    བདེན་པ་དབེན།

帝曰：对联者谁?
师曰：不识。
རྒྱལ་པོས།    ངའི་ཁ་གཏད་ཀྱི་མི་དེ་སུ་རེད།
གྲུབ་ཐོབ།    མི་ཤེས།

又问：朕自登九五已来，度人造寺，写经造像，有何功德?
师曰：无功德。
རྒྱལ་པོས།   ང་ལ་རྒྱལ་ས་ཐོབ་ནས་དགོན་པ་དང་རྟེན་གསུམ་བཞེངས་བསྐྲུན།  འགྲོ་ཕན་བྱ་བ་བསྒྲུབས་པ་ལ་དགེ་བ་གང་ཙམ་ཡོད་དམ། 
གྲུབ་ཐོབ།   དགེ་བ་མེད།

帝曰：何以无功德?
师曰：此是人天小果，有漏之因，如影随形。虽有善因，非是实相。
རྒྱལ་པོས།  དགེ་བ་ཅིའི་ཕྱིར་མེད་དམ།
གྲུབ་ཐོབ།  འདི་ནི་ལྷ་མིའི་དགེ་འབྲས་ཆུང་ངུ་ཙམ་དང་།  ཟག་བཅས་ཀྱི་ལས་ལུས་དང་གྲིབ་བཞིན་འགྲོགས་ཤིང་། དགེ་བ་ཅུང་ཟད་ཡོད་རུང་དོན་གྱི་དགེ་བ་མིན།

武帝问：如何是真功德?
师曰：净智妙圆，体自空寂。如是功德，不以世求。
རྒྱལ་པོས།  དོན་དམ་པའི་དགེ་བ་ནི་གང་།
གྲུབ་ཐོབ།  འཁོར་གསུམ་དམིགས་མེད། ངོ་བོ་སྟོང་ཉིད། འདི་ལྟར་དགེ་བ་ནི་འཇིག་རྟེན་ལེགས་སྨོན་ལས་ཐོབ་མི་སྲིད།

武帝不了达摩所言，变容不言。自知机不契，一苇潜过江北，入于魏邦。
རྒྱལ་པོས་གྲུབ་ཐོབ་ཀྱི་གསུང་ཇི་བཞིན་མ་རྟོགས་པར་ངོ་གདོང་འགྱུར་ནས་ཅི་ཡང་མ་སྨྲས།  གྲུབ་ཐོབ་ཀྱིས་གདུལ་བྱ་དུས་ལ་མ་བབས་པ་མཁྱེན་ནས་འཇམ་ཐིང་ཐིང་འདམ་རྩྭའི་ཉག་མས་འབྲི་ཆུ་བརྒལ་ནས་བྱང་ཕྱོགས་སུ་ཕེབས།

                 ཀུན་བཟང་བསྟན་འཛིན་ཀྱིས་ནན་ཅིན་ནས་བྲིས།
                                            2023/10/21

࿐ཟས་རིགས་ལ་མང་ཉུང་ཚོད་འཛིན་བྱ་དགོས་ངེས་པར་རེད།

རྒྱུ་མཚན་གང་ཡིན་ཞེ་ན།

ད་ལྟའི་མི་རྣམས་འགུལ་སྐྱོད་ཉུང་བས་ཟས་བཟའ་མང་དྲགས་པས་མ་ཞུ་བའི་ནད་མང་དུ་བསྐྱེད་པ་བྱེད་གི་ཡོད་པ་རེེད།

࿐ཁ་བ་འབབ་པའི་རི་ལུང་ནས།།
གྲང་ངར་བཙན་པོའི་ཁུགས་སོ་ནས།།
ཆུ་ཟོམ་ཁུར་བའི་འབྲོག་མོ་ཁྱེད།།
རྩྭ་ཐང་སྟེང་གི་བདག་མོ་རེད།།
雪中的背水牧女，
你是草原的主人。 ​​​

______ལེ་ལོ་ཅན་