༈ སྟོན་པ་བཅོམ་ལྡན་འདས་ཀྱི་མན་ངག་ཚན་པ་བཅུ། ངེས་པར་དུ་ཡིད་ལ་ཟུང་།
࿐གསུང་པ་པོ། སྟོན་པ་བཅོམ་ལྡན་འདས།
༼༡༽
དགེ་སློང་དག་གམ་མཁས་རྣམས་ཀྱིས། །
སྲེག་བཅད་བརྡར་བའི་གསེར་བཞིན་དུ། །
ལེགས་པར་བརྟག་ལ་ང་ཡི་བཀའ། །
བླང་བར་བྱ་ཡི་གུས་ཕྱིར་མིན། །
—————————————
༼༢༽
སྡིག་པ་ཅི་ཡང་མི་བྱ་ཞིང་། །
དགེ་བ་ཕུན་སུམ་ཚོགས་པར་སྤྱད། །
རང་གི་སེམས་ནི་ཡོངས་སུ་འདུལ། །
འདི་ནི་སངས་རྒྱས་བསྟན་པ་ཡིན། །
—————————————
༼༣༽
རང་གི་ལུས་ལ་དཔེ་ལོངས་ལ། །
གཞན་ལ་གནོད་པ་མ་བྱེད་ཅིག །
—————————————
༼༤༽
བདག་ཉིད་བདག་གི་མགོན་ཡིན་གྱི། །
གཞན་ལྟ་སུ་ཞིག་མགོན་དུ་གྱུར། །
——————————————
༼༥༽
ཟབ་ཞི་སྤྲོས་བྲལ་འོད་གསལ་འདུས་མ་བྱས། །
བདུད་རྩི་ལྟ་བུའི་ཆོས་ཤིག་བདག་གིས་རྙེད། །
སུ་ལ་བསྟན་ཀྱང་གོ་བར་མི་འགྱུར་བས། །
མི་སྨྲ་ནགས་འདབས་ཉིད་དུ་གནས་པར་བྱ། །
———————————————
༼༦༽
སྡུག་བསྔལ་ཤེས་པར་བྱ།
ཀུན་འབྱུང་སྤོང་བར་བྱ།
ལམ་རྒྱུད་ལ་བརྟེན་པར་བྱ།
འགོག་པ་མངོན་དུ་བྱ།
———————————
༼༧༽
མིག་དང་རྣ་བ་སྣ་ཡང་ཚད་མ་མིན། །
ལྕེ་དང་ལུས་དང་ཡིད་ཀྱང་ཚད་མ་མིན། །
གལ་ཏེ་དབང་པོ་འདི་དག་ཚད་ཡིན་ན། །
འཕགས་པའི་ལམ་གྱིས་སུ་ལ་ཅི་ཞིག་བྱ། །
———————————————
༼༨༽
འདུས་བྱས་ཐམས་ཅད་མི་རྟག་པ།
ཟག་བཅས་ཐམས་ཅད་སྡུག་བསྔལ་བ།
ཆོས་རྣམས་ཐམས་ཅད་སྟོང་ཞིང་བདག་མེད་པ།
མྱ་ངན་ལས་འདས་པ་ཞི་བའོ། །
——————————————
༼༩༽
ལུས་ཅན་དག་གི་ལས་རྣམས་ནི། །
བསྐལ་པ་བརྒྱར་ཡང་ཆུད་མི་ཟ། །
ཚོགས་ཤིང་དུས་ལ་བབ་པ་ན། །
འབྲས་བུ་མྱུར་དུ་སྨིན་པར་འགྱུར། །
—————————————
༼༡༠༽
ཐུབ་པས་སྡིག་པ་ཆུ་ཡིས་མི་འཁྲུད་ཅིང་། །
འགྲོ་བའི་སྡུག་བསྔལ་ཕྱག་གིས་སེལ་མི་ནུས། །
ཉིད་ཀྱི་རྟོགས་པ་གཞན་ལ་སྤོ་མིན་ཡང་། །
ཆོས་ཉིད་ཞི་བ་བསྟན་ནས་གྲོལ་བར་འགྱུར། །
࿐གསུང་པ་པོ། སྟོན་པ་བཅོམ་ལྡན་འདས།
༼༡༽
དགེ་སློང་དག་གམ་མཁས་རྣམས་ཀྱིས། །
སྲེག་བཅད་བརྡར་བའི་གསེར་བཞིན་དུ། །
ལེགས་པར་བརྟག་ལ་ང་ཡི་བཀའ། །
བླང་བར་བྱ་ཡི་གུས་ཕྱིར་མིན། །
—————————————
༼༢༽
སྡིག་པ་ཅི་ཡང་མི་བྱ་ཞིང་། །
དགེ་བ་ཕུན་སུམ་ཚོགས་པར་སྤྱད། །
རང་གི་སེམས་ནི་ཡོངས་སུ་འདུལ། །
འདི་ནི་སངས་རྒྱས་བསྟན་པ་ཡིན། །
—————————————
༼༣༽
རང་གི་ལུས་ལ་དཔེ་ལོངས་ལ། །
གཞན་ལ་གནོད་པ་མ་བྱེད་ཅིག །
—————————————
༼༤༽
བདག་ཉིད་བདག་གི་མགོན་ཡིན་གྱི། །
གཞན་ལྟ་སུ་ཞིག་མགོན་དུ་གྱུར། །
——————————————
༼༥༽
ཟབ་ཞི་སྤྲོས་བྲལ་འོད་གསལ་འདུས་མ་བྱས། །
བདུད་རྩི་ལྟ་བུའི་ཆོས་ཤིག་བདག་གིས་རྙེད། །
སུ་ལ་བསྟན་ཀྱང་གོ་བར་མི་འགྱུར་བས། །
མི་སྨྲ་ནགས་འདབས་ཉིད་དུ་གནས་པར་བྱ། །
———————————————
༼༦༽
སྡུག་བསྔལ་ཤེས་པར་བྱ།
ཀུན་འབྱུང་སྤོང་བར་བྱ།
ལམ་རྒྱུད་ལ་བརྟེན་པར་བྱ།
འགོག་པ་མངོན་དུ་བྱ།
———————————
༼༧༽
མིག་དང་རྣ་བ་སྣ་ཡང་ཚད་མ་མིན། །
ལྕེ་དང་ལུས་དང་ཡིད་ཀྱང་ཚད་མ་མིན། །
གལ་ཏེ་དབང་པོ་འདི་དག་ཚད་ཡིན་ན། །
འཕགས་པའི་ལམ་གྱིས་སུ་ལ་ཅི་ཞིག་བྱ། །
———————————————
༼༨༽
འདུས་བྱས་ཐམས་ཅད་མི་རྟག་པ།
ཟག་བཅས་ཐམས་ཅད་སྡུག་བསྔལ་བ།
ཆོས་རྣམས་ཐམས་ཅད་སྟོང་ཞིང་བདག་མེད་པ།
མྱ་ངན་ལས་འདས་པ་ཞི་བའོ། །
——————————————
༼༩༽
ལུས་ཅན་དག་གི་ལས་རྣམས་ནི། །
བསྐལ་པ་བརྒྱར་ཡང་ཆུད་མི་ཟ། །
ཚོགས་ཤིང་དུས་ལ་བབ་པ་ན། །
འབྲས་བུ་མྱུར་དུ་སྨིན་པར་འགྱུར། །
—————————————
༼༡༠༽
ཐུབ་པས་སྡིག་པ་ཆུ་ཡིས་མི་འཁྲུད་ཅིང་། །
འགྲོ་བའི་སྡུག་བསྔལ་ཕྱག་གིས་སེལ་མི་ནུས། །
ཉིད་ཀྱི་རྟོགས་པ་གཞན་ལ་སྤོ་མིན་ཡང་། །
ཆོས་ཉིད་ཞི་བ་བསྟན་ནས་གྲོལ་བར་འགྱུར། །
དུས་ཚོད་དང་གདམ་གསེས།[月亮]
མི་ཞིག་ལ་མཚོན་ན། ལོ་ན་ཚོད་འཕེལ་བའི་འགྲོས་དང་བསྟུན་ནས་དུས་སྐབས་སོ་སོར་དམིགས་བྱའི་དོན་དག་གམ་བསྒྲུབ་བྱའི་ལས་འགན་ལ་གཙོ་ཕལ་གྱི་ཁྱད་པར་འབྱེད་རྒྱུ་ཡོད་སྙམ། དཔེར་ན་ལོ་བཅོ་ལྔ་ཉི་ཤུ་ནང་གི་ཕོ་གསར་མོ་གསར་ཚོར་མཚོན་ན། ཆེད་ལས་ཤེས་བྱ་དང་མི་ཡི་འབྲེལ་བ།སྤྱི་ཚོགས་གོ་གནས། ལས་ཀའི་ཉམས་མྱོང་། མ་རྩའི་ཐོན་སྐྱེད་སོགས་མི་འཛོམས་མོད། ལུས་སེམས་གཉིས་ཆར་མེ་ལྟར་འབར་བཞིན་པའི་གསོན་ཤུགས་ལྡན་པས་སོ་སོའི་དགའ་ཕྱོགས་དང་ཕུགས་བསམ་སྣ་ཚོགས་ལ་ཚོད་ལྟ་བྱེད་འོས། རྒྱུ་མཚན་ནི་ཁོ་ཚོར་ད་དུང་ནོར་འཁྲུལ་བཟོ་བའི་དུས་ཚོད་ཡོད་པ་ཡིན། འོན་ཀྱང་ལོ་ན་ཚོད་རིམ་གྱིས་སྨིན་ཏེ་དར་མའི་དུས་རིམ་ལ་སླེབས་པ་ན། ག་ལེར་རང་གི་དགའ་ཕྱོགས་དང་ཁ་ཕྱོགས་སྣ་མང་ཇེ་ཉུང་དུ་བཏང་ཞིང་། སྔར་བསླབས་པའི་ཤེས་བྱ་དང་བསགས་པའི་ཉམས་མྱོང་། སྤྱི་ཚོགས་ཐོན་ཁུངས་ཇི་སྙེད་རུག་རུག་བཟོས་ཏེ་ཁ་ཕྱོགས་སྣ་གཅིག་གམ་ཉུང་ཤོས་ཞིག་ལ་དམིགས་པ་གཏོད་འོས་པ་རེད། རྒྱུ་མཚན་ནི་ཁོ་ལ་མཐུན་རྐྱེན་དང་རྨང་གཞི་གང་འཚམ་ཡོད་རུང་། གདམ་གསེས་དང་ཚོད་ལྟའི་གོ་སྐབས་མང་པོ་ལྷག་མེད།དེ་ལས་ལྡོག་སྟེ་གཞོན་ནུའི་དུས་སྐབས་སུ་རྒན་པོའི་བརྟུལ་ཞུགས་ཁུར་དུ་བླངས་ཏེ་གང་ལ་ཡང་ཚོད་ལྟ་བྱེད་མི་ཕོད་པ་དང་། དར་མའི་ན་ཚོད་ཡལ་ཟིན་ཡང་ད་དུང་ལོ་ཆུང་སྣང་མཐོ་ཇི་བཞིན་དམིགས་ཡུལ་གསལ་བོ་མེད་པར་གོ་གོ་རིག་རིག་ལ་ཚོད་ལྟ་བྱེད་པའི་བྱ་སྤྱོད་འདི་གཉིས་ཀ་ཡང་མི་ཚེ་འཕྲོ་བརླག་བྱེད་སྤྱད་ལས་ཙམ་མ་འདས། དེ་བས་དུས་ནམ་ཞིག་ལ་ལས་ཅི་ཞིག་བསྒྲུབ་འོས་པ་ཤེས་རྒྱུ་འདི་གནད་ཅིག་རེད་དྲན་བྱུང་།
——མང་རྒྱན།
༢༠༢༠/༡༢/༢༣
མི་ཞིག་ལ་མཚོན་ན། ལོ་ན་ཚོད་འཕེལ་བའི་འགྲོས་དང་བསྟུན་ནས་དུས་སྐབས་སོ་སོར་དམིགས་བྱའི་དོན་དག་གམ་བསྒྲུབ་བྱའི་ལས་འགན་ལ་གཙོ་ཕལ་གྱི་ཁྱད་པར་འབྱེད་རྒྱུ་ཡོད་སྙམ། དཔེར་ན་ལོ་བཅོ་ལྔ་ཉི་ཤུ་ནང་གི་ཕོ་གསར་མོ་གསར་ཚོར་མཚོན་ན། ཆེད་ལས་ཤེས་བྱ་དང་མི་ཡི་འབྲེལ་བ།སྤྱི་ཚོགས་གོ་གནས། ལས་ཀའི་ཉམས་མྱོང་། མ་རྩའི་ཐོན་སྐྱེད་སོགས་མི་འཛོམས་མོད། ལུས་སེམས་གཉིས་ཆར་མེ་ལྟར་འབར་བཞིན་པའི་གསོན་ཤུགས་ལྡན་པས་སོ་སོའི་དགའ་ཕྱོགས་དང་ཕུགས་བསམ་སྣ་ཚོགས་ལ་ཚོད་ལྟ་བྱེད་འོས། རྒྱུ་མཚན་ནི་ཁོ་ཚོར་ད་དུང་ནོར་འཁྲུལ་བཟོ་བའི་དུས་ཚོད་ཡོད་པ་ཡིན། འོན་ཀྱང་ལོ་ན་ཚོད་རིམ་གྱིས་སྨིན་ཏེ་དར་མའི་དུས་རིམ་ལ་སླེབས་པ་ན། ག་ལེར་རང་གི་དགའ་ཕྱོགས་དང་ཁ་ཕྱོགས་སྣ་མང་ཇེ་ཉུང་དུ་བཏང་ཞིང་། སྔར་བསླབས་པའི་ཤེས་བྱ་དང་བསགས་པའི་ཉམས་མྱོང་། སྤྱི་ཚོགས་ཐོན་ཁུངས་ཇི་སྙེད་རུག་རུག་བཟོས་ཏེ་ཁ་ཕྱོགས་སྣ་གཅིག་གམ་ཉུང་ཤོས་ཞིག་ལ་དམིགས་པ་གཏོད་འོས་པ་རེད། རྒྱུ་མཚན་ནི་ཁོ་ལ་མཐུན་རྐྱེན་དང་རྨང་གཞི་གང་འཚམ་ཡོད་རུང་། གདམ་གསེས་དང་ཚོད་ལྟའི་གོ་སྐབས་མང་པོ་ལྷག་མེད།དེ་ལས་ལྡོག་སྟེ་གཞོན་ནུའི་དུས་སྐབས་སུ་རྒན་པོའི་བརྟུལ་ཞུགས་ཁུར་དུ་བླངས་ཏེ་གང་ལ་ཡང་ཚོད་ལྟ་བྱེད་མི་ཕོད་པ་དང་། དར་མའི་ན་ཚོད་ཡལ་ཟིན་ཡང་ད་དུང་ལོ་ཆུང་སྣང་མཐོ་ཇི་བཞིན་དམིགས་ཡུལ་གསལ་བོ་མེད་པར་གོ་གོ་རིག་རིག་ལ་ཚོད་ལྟ་བྱེད་པའི་བྱ་སྤྱོད་འདི་གཉིས་ཀ་ཡང་མི་ཚེ་འཕྲོ་བརླག་བྱེད་སྤྱད་ལས་ཙམ་མ་འདས། དེ་བས་དུས་ནམ་ཞིག་ལ་ལས་ཅི་ཞིག་བསྒྲུབ་འོས་པ་ཤེས་རྒྱུ་འདི་གནད་ཅིག་རེད་དྲན་བྱུང་།
——མང་རྒྱན།
༢༠༢༠/༡༢/༢༣
རྟོག་བཟོ།
ཁང་པ་གཅིག་ནང་འཇིག་རྟེན་ཞིག་ཆགས་ཏེ།
ཉལ་ཁྲིའི་ཐོག་ནས་སྐྱེ་བ་ཞིག་ལོན།
སྔོ་ལྗང་ལྗང་གི་སྤང་ཐང་དེ།
སེམས་ཀྱི་རྟ་ཕོའི་སྐྱིད་སྐྱིད་ཀྱི་རྩེད་ར་ཡིན།
ཡུན་རིང་ཡུན་རིང་།
སྤྱི་ཉིད་ཀྱི་ཞལ་རས་ཀྱང་།
དཀར་ལ་དམར་མདངས་ཀྱི་བཞིན་དུ་འཕོས།
ངས་ཡིད་ཆེས་པའི་འཇིག་རྟེན།
ངས་རེ་ཞིང་སྒུག་པའི་འཚོ་བ།
འདི་ལྟར་རང་དབང་མེད་པར་ལྟོས་བཅས་སུ་གྱུར།
༢༠༢༠-༡༢-༢༢
ཁང་པ་གཅིག་ནང་འཇིག་རྟེན་ཞིག་ཆགས་ཏེ།
ཉལ་ཁྲིའི་ཐོག་ནས་སྐྱེ་བ་ཞིག་ལོན།
སྔོ་ལྗང་ལྗང་གི་སྤང་ཐང་དེ།
སེམས་ཀྱི་རྟ་ཕོའི་སྐྱིད་སྐྱིད་ཀྱི་རྩེད་ར་ཡིན།
ཡུན་རིང་ཡུན་རིང་།
སྤྱི་ཉིད་ཀྱི་ཞལ་རས་ཀྱང་།
དཀར་ལ་དམར་མདངས་ཀྱི་བཞིན་དུ་འཕོས།
ངས་ཡིད་ཆེས་པའི་འཇིག་རྟེན།
ངས་རེ་ཞིང་སྒུག་པའི་འཚོ་བ།
འདི་ལྟར་རང་དབང་མེད་པར་ལྟོས་བཅས་སུ་གྱུར།
༢༠༢༠-༡༢-༢༢
✋热门推荐