ལོ་ཆང་ཁམ་པ།

首页发布

ལོ་ཆང་ཁམ་པ།

དྲན་པ་མག་མོག་ཞིག་ནས།།
རྨི་ལམ་ཅུང་ཙམ་རྨིས་སོང་།།
ཐག་རིང་ཨ་ཇོ་སེམས་ནས།།
མཇལ་འཛོམས་སྐལ་བ་སྒུག་ཡོད།།

ཨ་ཇོ་སེམས་ཞིག་ཡོད་ན།།
མཇལ་བའི་སྐལ་བ་གནོང་ཤོག།
ལས་སྨོན་སོང་བའི་མི་དེས།།
དྲན་པའི་ཀློང་ནས་སྒུག་ཡོད།།

ཁ་ཐག་བར་ཐག་རིང་ཡང་།།
སེམས་མཐུན་བསམ་པ་རིང་མེད།།
སྨོན་འདུན་ལྷ་ལ་ཞུས་ནས།།
ཤེལ་སྒོར་བར་ནས་ལྟས་ཡོད།།

ཨ་སྔོན་སྤྲིན་པ་སེར་པོ།།
འདི་ནས་མི་འདུག་འགྲོ་ན།།
རྒྱང་རིང་ཡུལ་གྱི་ཨ་ཇོ།།
མཇལ་བའི་སྐལ་བཟང་ཐོབ་ཤོག།

དྲན་པ་དབང་དུ་གྲགས་པས།།
རྨི་ལམ་ནང་ནས་མཇལ་སོང་།།
ཞལ་མཇལ་གསུངས་གླེང་སྐབས་སུ།།
རྨི་ལམ་རྨིས་འཚམ་ཟད་སོང་།།

འདོད་ཁམས་ཞེ་ནག་ཅན་པོས།།
གནས་ཡུལ་ཁ་ཁར་བཞག་ནས།།
དྲན་པ་སྟོང་བ་ཞིག་གིས།།
རང་ལམ་བསྙེགས་དགོས་ཐུག་སོང་།།

འཇིག་རྟེན་འཁོར་བ་འདི་ནས།།
འཚོ་འདོད་ཞེ་ན་མེད་ཀྱང་།།
ལས་དབང་བསམ་ནག་ཅན་དེས།།
བཙན་པོའི་རོལ་དུ་བཅུག་སོང་།།

འཆི་སེམས་སྐད་ཅིག་མཐའ་མར།།
དྲན་པ་རང་ལ་དབང་ན།།
ཕྱི་སྟོང་ནང་སྟོང་ནང་གི།
ན་ཟུག་ཕྱི་ལ་སྒྲོན་སྲིད།།

ཆུང་དུས་རྩེ་རུའི་ཁྲོད་ན།།
བདེ་སྐྱིད་ཡོད་པ་མང་ཙམ།།
སྤྲོད་སྐྱིད་ཁྲོད་ཀྱི་ལོ་བརྡ།།
ཕྱི་མར་སོང་ཡང་བརྗེད་དཀའ།།

མཐུན་པའི་མེ་ཏོག་ཆུང་ཆུང་།།
གཡུ་སྤྲང་འཁོར་ས་ལོས་ཡིན།།
མཛུམ་པའི་འདབ་ལོ་རྒྱས་དང་།།
གཡུ་སྤྲང་ཕྱོགས་རྩལ་རྒྱས་འགྲོ།།

ཆོས་གྲོགས་ཚེ་རིང་ཟླ་བ།།
ཨ་ཇོ་ཚེ་རིང་བསྟན་ཉི།།
དབུས་གྲོཊ་ཚེ་རིང་དོན་འགྲུབ།།
ཚེ་ཐག་རང་གི་སྨོན་ལམ།།

སྡེ་ཆེན་སྡེ་བའི་ཁྲོད་ན།།
ཕྱི་མཛེས་ཕྱུག་པོ་མང་ཡང་།།
ཨ་ཇོ་དུང་བའི་དབང་གིས།།
སེམས་སོང་མི་ལ་མ་གྱུར།།

ཨ་ཇོ་ཨ་ཇོ་ཟེར་ནས།།
དྲན་པ་དུབ་ལ་ཁད་རེད།།
ཕྱིར་ཕེབས་ཕྱིར་ཕེབས་ཟེར་དུས།།
མིག་ཆུ་ཟད་ནས་བུད་ཐལ།།

དུང་བ་ཆེ་བའི་དབང་གི།
རྣ་དབང་ཡིད་དབང་འགག་ཁད།།
དྲན་པ་ཆེ་བའི་དབང་གིས།།
ནང་སེམས་སྟོང་བར་གྱུར་ཐལ།།

བརྡ་འཕྲིན་དུས་རབས་ཡིན་ཡང་།།
སྐད་འཕྲིན་བརྩེ་འདོད་དཀའ་གི།
གླུ་དབྱངས་སྙན་མོ་ཡོད་ཡང་།།
ཉན་འདོད་ཞེ་ན་དཀོན་གི།

མི་ཚེ་འཁྱམས་པོ་ཞིག་གིས།།
སེམས་སུ་ཟླ་བ་ཤར་ཡང་།།
སྤྲིན་པ་ཁོག་རྩོག་ཅན་དེས།།
མ་དབང་བཙན་གྱིས་ཁྲིད་སོང་།།

༢༠༢༤

༄༄༎ ནམ་ཞིག་སྐྱེས་བུ་གང་དེ་འདོད་པ་ཐམས་ཅད་དང་ཡོངས་སུ་བྲལ་བའི་གནས་སྐབས་སུ་མཆི་ན།གང་དེའི་ནང་གི་རྣམ་པར་ཤེས་པའང་རང་བཞིན་ཞི་ཞིང་འཇགས་ལ་འཆིང་བ་ཐམས་ཅད་ལས་གྲོལ་བའི་རང་བཞིན་གི་རྣམ་པ་ཡང་དག་པར་གནས་སོ།

ཡུན་རིང་ཞིག་ལ། ཞེ་ལ་མནག་པའི་དོན་དག་ཞིག དེ་རིང་མངོན་གྱུར་བྱུང་སོང་བ་རེད་དམ། ཡང་ན། ཚེ་གང་པོར་བརྗེད་མི་ཐུབ་པའི་ན་ཟིག་ཅིག་གི་དབུ་ཁྱུད་བྲིས་སོང་བ་རེད། [哈哈]