ངའི་སྙིང་ཉེ་བའི་ལྷ་མོ་མྱུར་དུ་མཇལ་བར་སྨོན། ཕ་མ་རིན་པོ་ཆེ་སྐུ་ཚེ་བརྟན་ཤོག དུས་རྒྱུན་དུ་སྐུ་གཟུགས་བདེ་བར་སྨོན།

གུས་པོ་རང་གི་སློབ་སྦྱོང་གི་ལམ་བུ་སྔར་ལས་ཆེར་ཡངས་བར་གྱུར་ཅིག བཀྲ་ཤིས་ཤོག་ཅིག་གུ[菊花][抱抱]⚡༢༠༢༤#སོ་ནམ་ལོ་གསར།#

༈ ༢༠༢༤ལོའི་སྙན་རྩོམ་མགོ་མ་རྣམ་བཀྲའི་འོད་ཀྱི་གུར་ཁྱིམ།

གཟུགས་བཟང་རྒྱན་བཀླུབས་གངས་རིའི་ཤེས་རིག་དང་། །
སྒྱུ་འཕྲུལ་གར་གྱིས་རོལ་པའི་ཚན་རྩལ་ཏེ། །
མི་ཡུལ་ཁམས་ཀུན་རྣམ་པར་དགའ་བྱེད་པ། །
ཕུན་ཚོགས་དཔལ་གྱིས་སྒོ་ཀུན་ཕྱུག་གྱུར་ཅིག །

བརྒྱ་ཕྲག་མཁས་པའི་དབུས་ན་ཉི་ཟླ་བཞིན། །
རྣམ་གསལ་འོད་ཀྱི་གཟི་ཕྲེང་བསྒྲིག་པ་འདི། །
ཤེས་སྤྱོད་དཔལ་གྱིས་ཉེར་འཚོའི་འདོད་ཡོན་ཏེ། །
འགྱུར་མེད་དོན་གྱི་མཛེས་རྒྱན་ཁྱོད་ལ་སྤྲས། །

བལྟ་བས་ཆོག་མི་ཤེས་པའི་དཔྱིད་དཔལ་དག །
ཉེར་གཅིག་དུས་འདིར་བགོ་སྐལ་བཞིན་དུ་ནི། །
ཕྱོགས་དང་བར་མཚམས་མེད་པར་བརྒྱན་པའི་ཚེ། །
རིགས་ཀྱི་བུ་ལ་རིག་པའི་མགུལ་རྒྱན་བསྐོན། །

མ་རྨད་དབྱིག་གི་མཛོད་འཆང་ཆུ་གཏེར་ཀློང་། །
སྲིད་གསུམ་དགའ་བའི་རྟེན་དུ་བཞེངས་པ་བཞིན། །
ངག་དབང་དབྱངས་ཅན་སྒེག་མའི་མཚར་སྡུག་དང་། །
སྙན་འགྱུར་ལྡེམ་རྣམས་སུས་ཀྱང་ལོངས་སྤྱོད་འདོད། །

དེ་ལྟར་ཤེས་བརྒྱའི་སྣང་བ་རབ་མཐོ་ཞིང་། །
གནའ་དེང་གང་ལའང་མཁྱེན་པ་མི་དམན་པ། །
ཉི་མའི་གྲོང་ནས་ཉི་འོད་དང་འགྲོགས་ཏེ། །
རྒྱལ་ཁམས་པ་ཞེས་གྲགས་དེས་སྦྱར་བ་འོ། །

• གནའ་དེང་ཤེས་རིག་གི་རྒྱལ་ཁམས་པས།

བླ་མ་མཆོག་ལ་མ་བསྟེན་པར།།ཐར་བའི་ལམ་སྟོན་གཞན་མེད་དེ།།ཡོན་ཏན་མ་ལུས་དེ་ལས་འབྱུང་།།དེ་ཕྱིར་ཐར་བ་འདོད་པ་ཡི།།རྟག་ཏུ་བླ་མ་བསྒོམ་པར་བྱ།།
如若不依上师宝，别无解脱引路人，无尽功德由此生，因此若欲获解脱，恒常修持上师尊。