སྒྲུང་གཏམ་ཐུང་གྲས་ཤིག་བྲིས་ཚར་བས། ཁུར་བོ་ལྗིད་པོ་ཞིག་ས་ལ་ཕོག་པའི་ཚོར་སྣང་སྐྱེས། དེ་འཛིན་པ་ཞིག་ཡིན་ནམ་དངོས་འབྲེལ་ཁུར་བོ་ཞིག་ཡིན། ང་རང་གིས་ནི་འབོར་མི་རུང་བའི་མི་ཚེའི་དགའ་ཕྱོགས་ཤིག་གམ་ཡང་ན་མི་ཚེའི་རིན་ཐང་ཞིག་ཏུ་བསྒོམས་ཡོད། གང་ལྟར་ཡང་ང་ཚོ་ཚང་མ་འཛིན་པ་ཞིག་ལས་མི་ཐར་བར་ཡོད་པ་རེད་ཨང་།[耶]

<<དཔག་བསམ་འཁྲི་ཤིང་ལས། >>
ཕལ་ཆེར་ཡོངས་སུ་འདྲིས་ལ་སྡང་། །
རྟག་ཏུ་གསར་པ་གསར་པ་འཚོལ། །
རིང་ན་གནས་པ་ཐམས་ཅད་ནི། །
ཀུན་གྱི་ཡིད་དུ་འོང་བ་ཡིན། །
_____ཞེས་གསུངས་པ་ལྟར་ཕལ་མོ་ཆེ་ནི་འགྲོགས་འདྲིས་ཆེ་ཞིང་རྒྱུས་མངའ་ཟབ་པའི་ཉེ་འཁོར་བ་དག་གི་ཡོན་ཏན་རྐང་གཅིག་མི་མཐོང་བར་མ་ཟད་སྐྱོན་སྣ་རེ་སྒོས་དམའ་འབེབ་མཐོང་ཆུང་གི་མཚོན་ཆ་འཚེར་སྣང་མེད་པར་འཕེན་ལ། རྒྱུས་མངའ་ཆུང་ཡང་གཞན་སྡེ་རིགས་སུ་གཏོགས་པ་དག་གི་ཡོན་ཏན་འགའ་རེར་སྒྲོ་བསྐུར་སྣ་ཚོགས་སྒོས་ཡིད་འཕྲོག་ཁུལ་གྱིས་གདེང་འཇོག་ཚད་ལས་བརྒལ་བ་བྱས་ཏེ་རང་མིའི་ཡོན་ཏན་མི་སྣང་ཞིང་གཞན་སྐྱོན་རི་རབ་མི་མཐོང་བའི་ལོག་རྟོག་འཁྲུལ་བའི་དག་སྣང་ཅན་དག་གིས་ལེགས་གསུང་གདམས་པའི་ཉིང་ཁུ་འདི་ཉིད་བློ་མིག་སྦྱོང་བའི་སྐྱེས་སུ་ཆེའོ།།[咖啡][月亮]

རང་དབང་རང་ལ་ཡོད་ཙམ་ན། །
གཞན་གྱི་དབང་དུ་མ་ཤོར་བར། །
རི་ཁྲོད་དབེན་པའི་ས་ཕྱོགས་སུ། །
ཉམས་རྟོགས་སྐྱོང་བའི་མི་རེ་སྐྱིད། །

—-འགྲོ་མགོན་གཙང་པ་རྒྱ་རས་པས།