སངས་རྒྱས་བཅོམ་ལྡན་འདས་ཀྱིང་གང་བསྟན་པའི་ཆོས་ཐམས་ཅད་ཀྱི་སྙིང་པོ་ནི་སོ་སོ་རང་གི་སེམས་ཡོངས་སུ་འདུལ་བ་དེ་ཡིན། ནམ་ཞིག་རང་གི་སེམས་ཡོངས་སུ་ཐུལ་བར་བྱས་ལ། དེ་ལྟར་ན་རང་གཞན་ཐམས་ཅད་སྡུག་བསྔལ་དང་བྲལ་བར་གྱུར་པ་ཡིན་ནོ། །ང་རང་ཚོའི་སེམས་སུ་སྡིག་པ་མི་དགེ་བ་སྣ་ཚོགས་རྣམ་པར་ཁེངས་ན། ལུས་ཀྱི་སྤྱོད་ལམ་དང་ངག་གི་བརྗོད་པ་ནི་ཇི་ལྟར་མིག་ལ་མཛེས་ཤིང་རྣ་བར་སྙན་ཡང་། རང་ཅག་རྣམས་ནི་ཡང་དག་པའི་ལམ་ལས་རྒྱང་རིང་དུ་བྱེས་ཡོད་དོ། །佛陀开示的全部重点就是要让我们主宰自己的心。如果我们能够主宰自己的心，就能够主宰我们的身体和语言，如此我们和他人的痛苦就得以结束。但是如果我们的心充满负面情绪，就算我们身体的行为和我们所说出来的话语多么完美，我们都已经远离了正道。

རྒྱལ་བ་ཀུན་གྱི་སྤྱན་སྔར་ཐུགས་བསྐྱེད་རྒྱལ་བའི་ཡུམ་གྱུར་མ་ལུས་རྒྱལ་བའི་འཕྲིན་ལས་ཀུན་བསྒྲུབ་མ།། མྱུར་མ་དཔའ་མོ་དབྱངས་ཅན་མ་དང་བསོད་ནམས་མཆོག་སྟེར་རྣམ་རྒྱལ་རིག་བྱེད་མ་དང་འཇིགས་བྱེད་མ།། གཞན་གྱིས་མི་ཐུབ་གཞན་ལས་རྒྱལ་དང་སེང་ལྡེང་ནགས་ཀྱི་སྒྲོལ་མ་འཇིག་རྟེན་གསུམ་རྒྱལ་ནོར་སྟེར་མ།། བཀྲ་ཤིས་དོན་བྱེད་དགྲ་དཔུང་འཇོམས་མཛད་ཁྲོ་གཉེར་ཅན་མཛད་རབ་ཞི་མ་དང་འབར་བའི་འོད་ཅན་མ།། དཔག་མེད་གནོན་མ་རྨ་བྱ་ཆེན་མོ་མི་ཕམ་རྒྱལ་མོ་རི་ཁྲོད་མ་དང་འོད་ཟེར་ཅན་མར་འདུད།། འགྲོ་ཀུན་སྲིད་པའི་མཚོ་ལས་སྒྲོལ་ཕྱིར་བྱང་ཆུབ་ཐོབ་འདོད་བདག་ཀྱང་ཁྱེད་ལ་རེ་འོ་རྗེ་བཙུན་མ།།

དབང་སྔོན་གཡུ་ཡི་མེ་ལོང་གཉིས་པ་མངོན།།ཁ་བས་ཀླུབ་པའི་ནོར་འཛིན་གསེར་ཞུ་མནབ།།མི་མཐོང་གྲང་ལྷགས་སྐྱེན་པོ་མདའ་ལས་ངར།།དགུ་རྫོགས་དགུན་ཐའི་ཉིན་ཞིག་གནམ་གཤིས་ཡིན།།ཉི་ཟེར་མཐོང་ཉུང་སྦྲུལ་ཟླ་ངོ་ནག་འབོད།།ལྕི་བ་མི་སྐམ་འཁྱག་ཡུ་ནག་ཧྲུག་ཟླ།།མེས་པོའི་ཟླ་བ་ལོ་རྟགས་ལ་བརྩི་བའི།།རང་བཞིན་གནས་ལུགས་ལྡན་པའི་རིག་པ་མང་།།ཟོང་འདྲེན་འཁོར་རིགས་དཀར་མངར་བཟའ་བཅའ་ནོན།།མ་ཐེག་ངུར་སྒྲས་རི་བྲག་གཉིད་ལས་སླང།།གསར་ཚེས་གནམ་ལོ་བསུ་བའི་རྟ་གོན་གྱིས།།མི་ཚོགས་མཁོ་རྒུ་ཚོང་རའི་གསེབ་ཏུ་བྲེལ།།