ཀུན་མཁྱེན་ཆེན་པོས།

འོད་གསལ་ཆོས་སྐུ་དྲི་མེད་རྒྱལ་བའི་ཁམས། །
མ་རིག་འཛིན་པས་སྲིད་པ་འདིར་འཁྱམས་ཏེ། །
ལས་དང་ཉོན་མོངས་མྱ་ངམ་ཐང་དཀྱིལ་དུ། །
དུབ་པའི་སེམས་ཉིད་དེ་རིང་ངལ་གསོ་བྱ། །

སངས་རྒྱས་བཅོམ་ལྡན་འདས་ཀྱིང་གང་བསྟན་པའི་ཆོས་ཐམས་ཅད་ཀྱི་སྙིང་པོ་ནི་སོ་སོ་རང་གི་སེམས་ཡོངས་སུ་འདུལ་བ་དེ་ཡིན། ནམ་ཞིག་རང་གི་སེམས་ཡོངས་སུ་ཐུལ་བར་བྱས་ལ། དེ་ལྟར་ན་རང་གཞན་ཐམས་ཅད་སྡུག་བསྔལ་དང་བྲལ་བར་གྱུར་པ་ཡིན་ནོ། །ང་རང་ཚོའི་སེམས་སུ་སྡིག་པ་མི་དགེ་བ་སྣ་ཚོགས་རྣམ་པར་ཁེངས་ན། ལུས་ཀྱི་སྤྱོད་ལམ་དང་ངག་གི་བརྗོད་པ་ནི་ཇི་ལྟར་མིག་ལ་མཛེས་ཤིང་རྣ་བར་སྙན་ཡང་། རང་ཅག་རྣམས་ནི་ཡང་དག་པའི་ལམ་ལས་རྒྱང་རིང་དུ་བྱེས་ཡོད་དོ། །佛陀开示的全部重点就是要让我们主宰自己的心。如果我们能够主宰自己的心，就能够主宰我们的身体和语言，如此我们和他人的痛苦就得以结束。但是如果我们的心充满负面情绪，就算我们身体的行为和我们所说出来的话语多么完美，我们都已经远离了正道。

ངའི་སྙན་ངག

ཁམས་བཟང་མོ།

སྙན་ངག
ཁྱེད་དང་ང་ལ་ཡོད།
ངས་བསམ་ན་སྙན་ངག་ཟེར་བ་དེ།
སེམས་ཀྱིས་ཉར་ཚགས་བཟོས་པའི་ཐ་སྙད་དག
ཚོར་སྣང་གི་ཟིན་བྲིས་ཉུང་ངུ་ཞིག་རེད།
ངའི་སྙན་ངག་ནི།
རང་སེམས་གླེང་བའི་འཛུམས་མདངས་དང་བདེ་སྐྱིད་རེད།

ཡ་མཚན་དོན་ཅི།
འཛུམས་མདངས་ཡོད་ཚེ་དབྱར་གཞུང་གི་གནམ་གཤིས་འདྲ་ལ།
བདེ་སྐྱིད་ཡོད་ཚེ་རྨིས་མ་ཐུབ་པའི་རྨི་ལམ་བཞིན།
ངས་ལ་ལ་ཟིན་བྲིས་འབྲི།
ངས་ལ་ལ་སྙན་ངག་བཞིན་གྱེར།
ངས་ལ་ལ་གྲོགས་གླིང་དང་ཁྱོད་ལ་གླེང་།
ངས་ལ་ལ་གསང་བའི་ཟིན་བྲིས་སུ་བཀོད།

ང་ལ་མང་སོང་བ་ནི་སྙན་ངག་རེད།
ངས་ཀྱང་སྙན་ངག་ལ་དབང་བའི་མིང་ཞིག་འདོན་སྲིད།
དྲང་བདེན་དང་གཡོ་སྒྱུ་རེད།
ངོ་ཚ་དང་རྒྱུ་འབྲས་རེད།
ཡང་ན། དེ་བས་ཁྲམ་པའང་རེད།

ཡང་ན་མི་སེམས་ཁྲོད་ཀྱི་སྙིང་སྟོབས་ཡིན་རྒྱུ་རེད།
ཡང་ན་ངོ་སོའི་ཁྲོད་ཀྱི་གནོན་ཤུགས་ཀྱང་ཡིན་རྒྱུ་རེད་ཡ།

ངའི་སྙན་ངག་ལ་ཡ་མཚན་རྒྱུ་ཡོད།
དེ་ནི་བུ་མོ་ཞིག་གིས་བསླུ་མེད་འདུས་པའི་སྙིང་གཏམ་རེད།
དེ་ནི་རྩོམ་འབྲི་ལ་དུངས་བའི་གོམ་སྟབས་ཤིག་ཀྱང་རེད།
དེ་ནི་སེམས་ཀྱི་ཟིན་བྲིས་ཕབ་ཆོག་པའི་སྐྱིད་སྣང་དེ་བས་རེད།

སྙན་ངག་ལ་སེམས་གཏམ་ཡོད་དུ་ཆུགས་པས།
ཁྱེད་དང་ཁྱེད་ཀྱིས་བསུ་མི་བསུ་ཡང་རང་མོས་ཡིན་ཡ།
ངའི་སྙན་ངག་ནི་ལང་ཚོའི་རྦབ་ཆུ་རེད།
བཞུར་སྟངས་ལ་སྙིང་སྟོབས་འདུས།
ཁེར་རྐྱང་འགྲོ་བའང་གོམས་ཡོད།

ངའི་སྙན་ངག
ཡ་མཚན་སྐྱེས་ན་བདེ་སྐྱིད་ཡིན།