གོས་རྒྱན་རིག་གནས་འཚོལ་བསྡུའི་བརྡ་སྦྱོར།

བོད་ཀྱི་གོས་རྒྱན་རིག་གནས་ལ་སྲུང་སྐྱོབ་དང་ཞིབ་འཇུག རྒྱུད་འཛིན་བྱེད་པའི་ཆེད་དུ། བདག་གིས་བོད་ཀྱི་གོས་དང་རྒྱན་ཆའི་སྐོར་གྱི་འདྲ་པར་དང་དངོས་པོ། འབྲེལ་ཡོད་ངོ་སྤྲོད་སོགས་རྒྱུ་ཆ་འཚོལ་སྡུད་དང་ཚགས་སྒྲིག་བྱ་རྩིས་ཡོད་པས། དམངས་སྲོལ་རིག་གནས་དང་གོས་རྒྱན་རིག་གནས་ལ་གཞོལ་བའི་ཆེད་མཁས་དང་མོས་པ་ཅན་རྣམས་ཀྱིས་དོ་ཁུར་དང་རྒྱབ་སྐྱོར་ཡོད་པར་ཞུ།

འདྲ་པར་དང་དངོས་པོ། ངོ་སྤྲོད་ཡི་གེ་བཅས་ཀྱི་ནང་དུ། གོས་རྒྱན་གྱི་མིང་དང་༼འབོད་སྟངས་གཞན་དག་ཀྱང་འབྲི་ཆོག༽འབྱུང་ཁུངས། བྱེད་ནུས། ཁྱད་ཆོས། རྒྱབ་ལྗོངས་ཀྱི་རིག་གནས་༼འབྲེལ་ཡོད་ངག་རྒྱུན་དང་གཏམ་དཔེ། དམངས་གླུ་སོགས།༽བཅས་ཚང་བར་བསྐུར་བ་དང་། ངོ་སྤྲོད་ཡིག་འབྲུ་༥༠༠ལས་མི་མང་ཞིང་༼བོད་རྒྱ་དབྱིན་གསུམ་གྱི་ཡིག་རིགས་གང་ཡིན་ཡང་རུང་༽འདྲ་པར་གྱི་དྭངས་ཚད་མཐོན་པོ་ཡིན་དགོས། གལ་ཏེ་མཁོ་འདོན་བྱས་པའི་རྒྱུ་ཆ་དེ་དག་བེད་སྤྱོད་ཡོང་ན་ལྟོས་བཅས་ཀྱིས་སྐྱེས་ལན་བསློག་ངེས་ཡིན།
སྦྲག་སྒམ། zangfushiwenhua@163.com

ཐུགས་རྗེ་ཆེ།

བསོད་དར་རྒྱས་ནས།

ཕྱི་ལོ་༢༠༢༣ལོའི་ཟླ་༨པའི་ཚེས་༢༦་ལ།

为了保护、研究、传承藏族服饰文化，我想收集、整理与藏族服装和饰品相关的图片、实物、文字素材资料，希望得到致于民俗文化、服饰文化的专家学者、爱好者的关注和支持。

图片、实物、文字内容包含服饰名称（俗名别名均可）、来源、功能、特点、背景文化（相关故事、谚语、民歌等)，500字以内（藏汉英均可），图片清晰。提供的资料如果能用上，我们也会给予相应回馈。

资料邮箱：zangfushiwenhua@163.com

诚心致谢！

索达吉堪布

2023年8月26日

དིལ་མཁྱེན་རྡོ་རྗེ་འཆང་སྐུ་ཚེ་སྟོད་ཀྱི་རྣམ་ཐར་ཞལ་གསུངས་མ། ༼53༽

རྒྱ་སྤྲུལ་རིན་པོ་ཆེས་བཀའ་མའི་དབང་ལུང་འཆད་སྤེལ་རྒྱ་ཆེར་གནང་སྟེ་བཀའ་མའི་ཆོས་སྐོར་ཡོངས་རྫོགས་པར་དུ་བཀོད། བཀའ་མའི་སྒྲུབ་མཆོད་ཚུགས་པས་བསྟན་རྒྱུན་ལ་ཕན་པ་རྒྱ་ཆེར་བྱུང་བ་རེད། ད་རེས་ལེགས་ལྡན་དབང་གི་སྐབས་ཕྲན་ལའང་ལེགས་ལྡན་དངོས་སུ་ཡོད་པའི་མཐོང་སྣང་བྱུང་བས། ཁྱོད་རང་གིས་བཀའ་མའི་བསྟན་རྒྱུན་ལ་ཕན་པའི་རྟེན་འབྲེལ་ཡིན་འདྲ་ཞེས་གསུངས། ཀློང་ཆེན་སྙིང་ཐིག་རྩ་པོད་གཉིས། ཡུམ་ཀའི་ནང་སྒྲུབ་སྒྲོལ་མ། གྲོལ་ཐིག་སྐོར་བཞིའི་རྗེས་གནང༌། མཁྱེན་བརྩེའི་ཡང་གཏེར། ཞི་ཁྲོ་ངན་སོང་སྦྱོང་བའི། རྩ་གསུམ་གཅིག་དྲིལ་གྱི་གཏེར་གཞུང་ལུང༌། རྒྱུད་ལུགས་ཕུར་པ། གྲོལ་ཐིག་དབང་ཆེན། ཇོ་ལུགས་སྒྲོལ་དཀར། རྡོར་སེམས་མངོན་དགའ་བཅས་ཆ་ཚང་དང༌། རྡོ་གྲུབ་འཇིགས་མེད་ཕྲིན་ལས་འོད་ཟེར་གྱི་སྙིང་ཐིག་དབང་གི་མཚམས་སྦྱོར་རྣམས་ཀྱི་ལུང་དང༌། བྱང་ཆུབ་སེམས་སྡོམ། ཡོན་ཏན་རིན་པོ་ཆེའི་མཛོད་ཀྱི་རྩ་བ་ལས་དབུ་མ་ལུགས་ཀྱི་སེམས་སྡོམ། ལས་རབ་གླིང་པའི་རྟེན་འབྲེལ་ཉེས་སེལ་རྒྱས་འབྲིང་བསྡུས་གསུམ། བི་མ་སྙིང་ཐིག་གི་སྤྲོས་བཅས། སྤྲོས་མེད། ཤིན་ཏུ་སྤྲོས་མེད། རབ་ཏུ་སྤྲོས་མེད་རྣམས་ཀྱི་དབང་བཅས་ཀཿཐོག་སི་ཏུ་མཆོག་སྤྲུལ་བྱམས་པ་ཆོས་ཀྱི་ཉི་མ། སངས་རྒྱས་མཉན་སྤྲུལ་ཀརྨ་བཤད་སྒྲུབ་བསྟན་པའི་ཉི་མ། ཁྱུང་སྤྲུལ་པདྨ་དབང་ཆེན་སྲས་པདྨ་ལགས་སོགས་ལ་ཞིབ་རྒྱས་སུ་བསྩལ། རྗེ་མཁྱེན་བརྩེ་རིན་པོ་ཆེའི་སྙིང་ཐིག་རྩ་པོད་དགོན་ཆེན་གྱི་སྤར་མ་པོད་གཉིས་མཁྱེན་བརྩེའི་ཕྱག་ཏུ་སླེབ་པ་དང་བཀའ་སྲུང་དྲང་སྲོང་ཆེན་པོས་གློག་ཞགས་ཁྱུག་ཁྱུག་ཏུ་བྱུང་བའི་ཐུགས་དམ་ཕྱག་དཔེས་སྙིང་ཐིག་གི་པོ་ཏིའི་ལུང་དབང་ཡང་དགྱེས་བཞིན་བསྩལ། སྤྲེལ་ཟླའི་ཚེས་བཅུར་བླ་མ་གསང་འདུས་བཏང་མཛད་ནས་དེའི་གཏོར་དབང་གནད་ཀྱི་ཤོག་གཅིག་ཀུན་གཟིགས་མཁྱེན་བརྩེའི་གསུང་བཞིན་བཀའ་དྲིན་ཐོབ། ཆགས་མེད་སངས་རྒྱས་སྤྲུལ་སྐུ་ལ། བསྟན་བཅོས་ཤེས་བྱ་ཀུན་ཁྱབ་ཀྱི་རྩ་བ་མཁས་དབང་བླ་མ་བཀྲ་འཕེལ་ལས་གསན་པའི་བཤད་ལུང་བསྩལ་བས་བཀའ་དྲིན་ཐོབ། ཀཿཐོག་མཁན་ཆེན་ནུས་ལྡན་དང༌། གྲྭ་ལག་ཕྱག་ཚ་བཅས་ལ་བི་མ་སྙིང་ཐིག་གི་གཏེར་གཞུང་དང༌། རྗེ་བདག་ཉིད་ཆེན་པོའི་ལམ་རིམ་ཆེན་པོ། མེ་ཉག་ཀུན་བཟང་བསོད་ནམས་ཀྱི་སློབ་མ་ཨ་དཔལ་ལས་གསན་པའི་ལུང་བཅས་ཐོབ། བླ་མ་ཡང་ཏིག་དཔལ་སྤྲུལ་རིན་པོ་ཆེའི་ཁྲིད་རྒྱུན་གསན་བཞེས་གསུངས་པའང་ཕུལ། ཞབས་བརྟན་དུ་རྒྱལ་པོ་དཀར་པོ་དྲུག་མདོས་རྒྱས་བསྡུས་གཉིས། མི་ཕམ་རིན་པོ་ཆེའི་མདོས་གཞུང་གི་རྒྱལ་མདོས་རྒྱས་པ་བཅས་ཞག་བདུན་དུ་བསྒྲུབས། དགུན་ཐོག་དེར་རྗེ་བླ་མ་སྐུ་མཚམས་ལ་མཁའ་འགྲོ་གསང་འདུས་རྩ་བ། རྡོ་རྗེ་མཁའ་འགྲོའི་ཚེ་སྒྲུབ། པདྨ་མཁའ་འགྲོའི་དབང་སྡུད་བཅས་ལྗགས་བསྙེན་བཏང༌། རང་ཉིད་ཀྱང་མཁྱེན་བརྩེ་རིན་པོ་ཆེ་གདོད་མའི་གཞི་དབྱིངས་ལ་མངོན་པར་བྱང་ཆུབ་པའི་གཟིམ་ཕུག་ཏུ་བླ་མའི་རྣལ་འབྱོར་བཏོན་ནས་བསྡད། ཤིང་བྱ་གནམ་ལོ་གསར་ཚེས་ཀྱི་རྗེ་མཁྱེན་བརྩེའི་སྐུ་མཆོད་ལ་ཐུགས་སྒྲུབ་བར་ཆད་ཀུན་སེལ་གྱི་སྒྲུབ་ཆེན་གནང་ནས་རིན་ཆེན་གཏེར་མཛོད་ཆེན་པོའི་ཆོས་སྒོ་འབྱེད་པར་བཀའ་གནང༌། ཞེ་ཆེན་རབ་འབྱམས་རིན་པོ་ཆེ། སྨར་ཁམས་རྒྱལ་སྲས་སྤྲུལ་སྐུ། ཁྱུང་སྲས་པདྨ་ལགས། རྫོང་སར་མཁན་པོ་མཁྱེན་རབ་སེང་གེ་སོགས་ཚོགས་གྲལ་དུ་བཞུགས། སྒྲུབ་ཆེན་གྱི་བར་དེར་རྒྱལ་ཕུར་འགྲུབ་སྦྱོར་སོགས་གཟའ་ཚེས་ཤིན་ཏུ་དགེ་བ་ཞིག་ལ་ཐུགས་སྒྲུབ་བླ་མ་ཆོས་སྐུའི་དབང་ཞིག་བསྩལ་ཏེ། གཏེར་མཛོད་ཀྱི་སྨིན་གྲོལ་ཐོག་མའི་སྐར་འཛིན་མཛད། སྒྲུབ་ཆེན་གྲོལ་དབང་ལ་ཐུགས་སྒྲུབ་་་ ་་་་

མུ་འགོད

༼ཉིན་གཉིས་པའི་མཇལ་སྐོར།༽
བྱམས་ཆེན་གྱི་སྐུ་ཆེན་པོ་འདི་ནི་ཐང་རྒྱལ་རབས་སྐབས་སྤྱི་ལོ༧༣༡ལོར་བཞེངས་འགོ་བརྩམས་པ་ཞིག་རེད།  ཅིའི་ཕྱིར་སྐུ་འདི་འདྲ་ཞིག་བཞེངས་པ་ཡིན་ཞེ་ན།  ད་ལྟ་བྱམས་ཆེན་གྱི་མདུན་དུ་ཡོད་པའི་གཙང་པོ་དེ་ནི岷江་མུང་ཅང་གཙང་བོ་དང衣江ཡུས་ཅང་གཙང་བོ་དང大渡江ཏཱ་ཏུའུ་གཙང་བོ་ཞེས་པའི་ཆུ་བོ་གསུམ་འདུས་པ་ལས་བྱུང་བ་ཞིག་ཡིན་པར་འདུག སྔོན་ཆད་ཆུ་དེ་ནི་གཏིང་ཟབ་ཅིང་མཚོ་རླབས་ཀྱི་ཟེགས་མ་དགུང་དུ་འཕྱོ་བས། དེ་ལས་བརྒལ་བའི་གྲུ་ཆེ་ཆུང་རྣམས་གཙང་བོའི་ནང་དུ་བསྒྱུར་བས། ཚེ་སྲོག་གི་རྩྭ་ཉག་མང་ཙམ་འཁྱུར་མིད་དུ་བཏང་བར་བཤད་དོ།། དེས་ན་གནོད་པ་དེ་བཟློག་ཕྱིར་དུ海通和尚བཙུན་པ་ཧེད་ཐུང་གིས་བྲག་ངོས་སུ་བྱམས་ཆེན་གྱི་ལྷ་སྐུ་གསར་དུ་བཞེངས་པར་གྲགས།   བྱམས་ཆེན་གྱི་སྐུ་ཡོངས་སུ་འཇུག་གྲུབ་པ་ལ་ལོ་ངོ་ཧྲིལ་པོ་༩༠ འགོར་བར་བཤད་པའི་སྐུ་བརྙན་དང་གནས་རི་སོགས་མཇལ་སྐོར་ཡང་དག་པ་ཞིག་བྱས།
འཇམ་དཔལ་དཔའ་བོས་ཇི་ལྟར་མཁྱེན་པ་དང་། །
ཀུན་ཏུ་བཟང་པོ་དེ་ཡང་དེ་བཞིན་ཏེ། །
དེ་དག་ཀུན་གྱི་རྗེས་སུ་བདག་སློབ་ཕྱིར། །
དགེ་བ་འདི་དག་ཐམས་ཅད་རབ་ཏུ་བསྔོ། །