࿐ ཁྱོད་ཚོའི་ཁྲོད་དུ་དེབ་འདི་རྒྱུས་ཡོད་མེད་ཅི་རིགས་ཡོད་ངེས་མོད་དོན་དངོས་སུ་འདི་ནི་བེ་རི་སྒོར་དར་རམ། བེ་རི་བསོད་ནམས་དབང་ཕྱུགས་ཞེེས་པ་ཁམས་པ་ཕྱི་སྡོད་རབ་བྱུང་པ་ཞིག་གིས་བརྩམས་པའི་ཕྱི་ནང་གི་ལྟ་གྲུབ་ཀྱི་ངོས་ནས་ཐག་བཅད་པའི་སྣོད་བཅུད་ཀྱི་འབྲེལ་བའམ་དངོས་དོན་གྱི་རང་བཞིན་དང་། དངོས་ཁམས་རིག་པ་དང་། འཕེལ་འགྱུར་རིགས་པའི་དཔྱད་འབྲས་དག་གི་འགལ་འབྲེལ་ལམ། རྙེད་དོན་མཚུངས་བསྡུར་སོགས་བརྗོད་དོན་མང་པོ་ལས་བརྩམས་པའི་དཔྱད་རྩོམ་ལྷུག་པའི་རྩོམ་ལུས་སུ་གྲུབ་པ་ཞིག་རེད། དེབ་འདིར་བོད་ཀྱི་ཆོས་བརྒྱུད་བཞི་བོན་དང་བཅས་པའི་བདག་མེད་པའི་དོན། སྟོང་རྟེན་འབྱུང་གི་རྣམ་བཞག་སོགས་ལྟ་གྲུབ་ཀྱི་གལ་གནད་མང་དུ་གླེང་ཡོད་ལ། གནད་དེས་ཁོང་ཉིད་དེང་དུས་ཀྱི་ཐོས་རྒྱ་ཁབ་མིག་ལས་དོག་ཀྱང་ང་རྒྱལ་རི་རབ་ལས་མཐོ་ཞིང་། ཕྲག་དོག་དུས་མེ་ལས་ཚ་བའི་གཡོན་ལྷུང་པ་དག་དང་མི་འདྲ་བར་བོད་ཀྱི་གྲུབ་མཐའ་དག་ལ་རིས་མེད་པར་རྒྱུས་གང་འཚམ་ཡོད་ཅིང་། གཟུ་བོའི་བློས་ཅི་ཞིག་ཐོད་ལ་བོར་བའི་དམ་བཅའ་གཙང་མས་གཞི་རྩའི་ཆ་ནས་རང་ལ་ཐོབ་འོས་གང་མང་མཆི་མའི་ཐལ་བ་བཞིན་བོར་བའི་གཏོང་ཕོད་དང་། དེབ་ཆུང་འདིས་རྐྱེན་པས་མདུན་དུ་ལྷག་ངེས་ཀྱི་གནད་དོན་མང་པོ་ལ་གདོང་བཏུག་པའི་སྙིང་སྟོབས་མཚོན་པར་བྱས་ཡོད། ང་རང་ནི་དེབ་འདིའི་བརྗོད་དོན་ཀུན་ཁས་ལེན་ཐུབ་མིན་ལ་མ་ལྟོས་པར། བརྗོད་དོན་གྱི་བབ་དང་། ཁ་ཕྱོགས་སྟངས། དབྱེ་ཞིབ་དང་གཤིབ་བསྡུར་སོགས་རྩོམ་པ་པོའི་བློ་ནུས་དང་འཚམ་པར་གྲལ་འགྲིག་ཅིང་ཡུལ་དུས་ཀྱི་སྤྱི་ཚོགས་དང་འཚམ་པ།དྲང་མོར་བྱས་ཡོད་པའི་ཚོར་སྣང་བྱུང་ཞིང་། ལྷག་དོན་ཚིག་གི་རྩལ་དང་། རྩོམ་པ་པོའི་དང་པོའི་ཀུན་སློང་། སློབ་གནས་ཀྱི་བློས་བཏང་། རང་མོས་ཀྱི་རིག་གཞུང་ཡུལ་སྐོར། མ་འོངས་པར་གདོང་ཕྱོགས་སྟངས་ཀྱི་བསམ་གཞིག་དང་སྙིང་སྟོབས་སོགས་ལ་བལྟས་པས་ཡིད་འཕྲོག་ཅིང་ཁོ་བོའི་བསམ་གཞིགས་ཀྱི་སྒྲོམ་གཞི་མང་པོ་ལ་བསྐྱར་ཞིབ་དང་སོམས་ཉི་ཐེངས་མང་བྱེད་དགོས་བྱུང་། མཚམས་འདིར་ཁོང་གི་སྔོན་གླེང་གི་ཚིག་དུམ་ཞིག་དྲང་ཏེ་མཇུག་བསྡུ་རྒྱུ་ཡིན། དེབ་འདི་ནི། འབྱུང་འགྱུར་གྱི་སྒྲོམ་གཞི་ཆེན་པོ་གཅིག་གི་ཀློང་ན། སྐྱེ་དགུ་རྣམས་ཀྱི་འདོད་དོན་སྐོང་ཐབས་ཡོངས་སུ་ཚང་ཞིང་། ང་དང་ཁྱོད་མེད་པའི་ལྟ་གྲུབ་ཀྱི་མ་ལག་ཞིག་དུས་རབས་འདིར་གཤོམ་ཐུབ་རྒྱུའི་སྔོན་འགྲོའི་ཆ་རྐྱེན་དང་པོ་དེ་ཡིན་ལ། འདི་ནི་སྐས་ཐེམ་ཉི་ཤུ་རྩིས་པའི་དང་པོ་དང་། ལེ་དབར་སྟོང་ཕྲག་གི་ཕ་རོལ་ཏུ་རྒྱུ་དགོས་ན། མགོ་འཛུགས་པ་ཙམ་ཡིན། རྙོག་འཛིང་ཆེ་ཞིང་དཀའ་གནད་ཀྱི་ས་མཚམས་ཇི་སྙེད་གཅིག་མཆིས་ཀྱང་གདོང་ལེན་དང་ཁོག་རྒྱ་བསྐྱེད་དགོས་པ་ནི། རང་བྱུང་གིས་གནང་བའི་བཀའ་སློབ་ངོ་མ་དེ་ཡིན་པས། ཅི་སྟེ་བདག་གི་ཚེ་ལ་བར་ཆད་སོགས་བྱུང་ནའང་། རང་དང་འདུ་ཤེས་མཚུངས་པའི་མི་བུ་ཚོས་མཇུག་སྐྱོང་དགོས་ངེས་ཡིན། ཞེས་སོ།།
ཞེས་གོ་བྲག་པདྨ་བསམ་འགྲུབ་ནས་དཔལ་གསེར་ལྗོངས་བླ་མ་རུང་དུ་ཉེར་གསུམ་ལོའི་བོད་ཟླ་མདུན་པའི་ཚེས་བདུན་ཉིན་ཤར་མར་བྲིས་པའོ།།
ཞེས་གོ་བྲག་པདྨ་བསམ་འགྲུབ་ནས་དཔལ་གསེར་ལྗོངས་བླ་མ་རུང་དུ་ཉེར་གསུམ་ལོའི་བོད་ཟླ་མདུན་པའི་ཚེས་བདུན་ཉིན་ཤར་མར་བྲིས་པའོ།།
࿐སྐྱེས་པ་ཁེར་རྐྱང་དང་ཤི་བ་ཁེར་རྐྱང་ཡིན་ཕྱིར། འཚོ་བ་ལ་དེ་བས་ཁེར་རྐྱང་ཡིན་པ་སྨྲ་ཅི་ལ་དགོས། འོན་ཏང་སྒེར་སེམས་ཤིག་གིས་བུ་གཙའ་བཙལ་དགོས་པའི་བཙན་གཏམ་ཞིག་ཇི་ལྟར་རྒོལ་དགོས་སམ།
࿐འདིར་བཞུགས་ཀྱི་ཡུལ་མི་སྤུན་ཟླ་རྣམ་པ་ལགས་ང་ཚོ་ནི་ལྷ་སྒང་ནས་འོང་བས་རྩེད་རྒོད་རུ་ཁག་ཡིན་ཁྱེད་རྣམ་འདིར་ལག་རྩེད་སྤོ་ལ་བལྟས་མོ་ལྟ་ས་ལ་ཕེབས་ཐུབ་པ་ལ་སྙིང་དབུས་ནས་ཐུགས་རྗེ་ཆེ་ཞུ་རྒྱུ་ཡིན་རྒྱུ་མཚན་ནི་ལུས་རྩལ་ནི་འཛམ་གླིང་ལ་ཆེས་མཆོག་དུ་གྱུར་པའི་འཕྲོད་རྟེན་ཡིན་པ་མ་ཚད་རྐང་རྩེད་སྤོ་ལོ་དང་ལག་རྩེད་སྤོ་ལོ་སོགས་ནི་འཛམ་གླིང་ཞི་བདེ་འོང་བའི་ཐབས་ལམ་གཙོ་བོ་ཞིག་ཀྱང་ཡིན་པ་ནི་འཛམ་གླིང་མཁས་དབང་རྣམས་ཀྱི་གསུང་གཅིག་དང་དབྱངས་གཅིག་ཡིན་པ་ལ་ཐེ་ཚོམ་མི་དགོས་པ་མཁྱེན་གསལ་ལྟར་རེད། དེས་ན་ངེད་ཚོད་ཀྱང་དེ་རིང་རུ་ཁག་འདི་རུ་བཞུགས་ཐུབ་པ་ནི་སྔོན་བསགས་ཀྱི་བསོད་ནམས་དང་ཡུལ་ཕྱོགས་འདི་ཡི་མཐུན་ལམ་དང་དབུས་ཁྲིད་རྣམ་དང་དཔང་པོ་རྣམས་ཀྱི་ཕྱག་ལས་ཡང་དག་པ་ཞིག་འོག་ང་ཚོ་དེ་རིང་གི་རྩེད་མོ་ཡོངས་སུ་མཇུག་ལེགས་པར་གྲུབ་སོང་དེས་ན་ང་ཚོད་རྩེད་རྒོད་རུ་ཁག་ནས་བཀའ་དྲིན་ཆེ་ཞུ་རྒྱུ་ཡིན། ཚང་མ་ལ་བཀྲ་ཤིས་བདེ་ལེགས། ལོ་སར་བཟང་། https://t.cn/A6O9spTr
✋热门推荐