དཀའ་སྡུག་གི་ཁྲོད་ནས་འཚར་ལོངས་བྱུང་བའི་མི་ནི་ལྗོན་ཤིང་བཟང་པོའི་མེ་ཏོག་བཞིན་རང་སྟོབས་ཀྱིས་འཚོ་ཞིང་། གཞན་རྟེན་སྐྱིད་ལང་ཤོར་བའི་མི་ནི་ཟླུམ་རའི་དྲོད་ཁང་གི་མེ་ཏོག་ལྟར། རྐྱེན་གཞན་ཕྲན་བུ་ཞིག་གིས་ཀྱང་ཉམ་ཉེས་པར་འགྱུར་རོ།
ཁྱབ་བདག་རྫོགས་ཆེན་པའི་གསུང་ལས་དྲངས།

在艰难困苦中成长的人，如同良木之花，自强不息的活着。而依傍他人、贪图安逸之人，就像温室里的花朵，哪怕是微妙的外力都可将其打败。

大圆满尊者白玛格桑法王

People who grow up with hardships are like flowers on a healthy tree, living through their own strength. People who rely on others and are used to comfort are like flowers in a greenhouse. Even small external forces can damage them.
- Dzogchen Pema Kalsang Rinpoche

མི་ལ་རས་པ།

------མཁན་ཆེན་འཆི་མེད་རིག་འཛིན།

མི་ལ་ཤེས་རབ་རྒྱལ་མཚན་གཤེགས་ཚོད་སྔ་ཞིང་། །
འབྱོར་ཕྱུག་འཚོ་བའི་ནོར་ལ་གོད་ཆགས་བྱུང་སྟེ། །
ལྷན་འཛོམས་ཕ་མའི་དྲུང་ནས་ཐོས་པ་དགའ་བ། །
མིང་སྲིང་མེ་ཏོག་འཐུ་བའི་རྩེ་ལོང་མ་བྱུང་། །

ཁེར་རྐྱང་འགྲོ་འདུག་ཙམ་གྱི་རང་མགོ་ཐོན་དུས། །
མཐའ་ཟད་གོས་ཐུང་ཧྲལ་བོའི་གོང་ཁའི་ངོས་སུ། །
བྱམས་པའི་མ་དང་བྲལ་བའི་མིག་ཆུ་འཐོར་བཞིན། །
ཕ་ཡུལ་སྐྱ་རྔ་རྩ་ནས་འབྲལ་དགོས་བྱུང་འདུག །

ཚོད་མེད་དགྲ་ཡི་བརྙས་བཅོས་སེམས་ལ་བཅངས་ཤིང་། །
དྲིན་ཆེན་ཨ་མ་རྒན་མོའི་རེ་བ་རྫོགས་ཕྱིར། །
རང་སྡེའི་ཕྱེད་ཀ་མཐུ་དང་སེར་བས་བརླགས་པ། །
ཉམ་ཆུང་སྐྱིད་ཆུས་མ་ཡིན་སྡུག་གི་མགོ་ནོན། །

ཚབས་ཆེན་མི་དགེའི་ལས་ཀྱིས་སེམས་ཁམས་འཁྲུགས་ཤིང་། །
གར་འགྲོའི་གཏད་སོ་མེད་པའི་ས་མཚམས་ཤིག་ནས། །
སྒྲ་བསྒྱུར་མར་པའི་སྙན་པ་རྒྱང་ནས་གོ་བ། །
ཚེ་རབས་ལས་ཀྱི་བླ་མས་འབོད་བརྡ་དང་པོ། །

ཡི་ཆད་ལན་བརྒྱད་སྐྱེས་ཀྱང་དད་པ་མ་ལོག །
སྒལ་བ་རྨ་ཡིས་ཟགས་ཀྱང་སྙིང་རུས་མ་ཉམས། །
སྲས་མཁར་དགུ་ཐོག་བསྐྱར་བཞེངས་ལོ་ལྔར་བྱས་ནས། །
མར་པའི་ཐུགས་དགོངས་ལོན་པས་སློབ་མའི་ཡང་རྩེ། །

འཚོ་བ་འཇིག་རྟེན་མི་ལ་རེ་བ་མ་བཅས། །
ལ་རྐེད་སྨུག་སྤྲིན་མན་ལ་གོམ་ཁ་མ་བཞག །
གནམ་སའི་མཚམས་ན་བསྒྲིགས་པའི་རི་རྩེ་འགྲིམས་ནས། །
སྤངས་རྟོགས་ཚད་དུ་བསྐྱལ་བ་མི་ལ་རས་པ། །

རང་བྱུང་རྡོ་ལེབ་སྟེང་ནས་ཏིང་འཛིན་ཟས་ཟོས། །
ཁ་བ་བུ་ཡུག་ཁྲོད་ནས་གཏུམ་མོའི་གོས་གྱོན། །
བྲག་ཆའི་རོལ་མོའི་རྒྱུད་ནས་རྟོགས་པའི་མགུར་བླངས། །
སྙན་གྲགས་བོད་ལ་བཞག་པ་མི་ལ་རས་པ། །

གཅེས་འཛིན་སེམས་ཀྱི་ཞེན་པ་རི་ནས་བཅད་དེ། །
རང་དོན་མཐའ་རུ་ཕྱིན་ནས་འགྲོ་དོན་སྒྲུབ་དུས། །
གཡུ་ཆུང་དྲུག་དཀར་ཙམ་རེའི་གཞན་ཕན་དོན་དུ། །
ལུས་སྲོག་བློ་ཡིས་འདོར་ནུས་མི་ལ་རས་པ། །

དཀའ་སྡུག་འཚོ་བས་མནར་ནས་མིག་ཆུ་འཐོར་མྱོང་། །
སྒྲིབ་སྦྱང་མཁར་ལས་བྱས་ནས་ཟུངས་ཁྲག་བཞུར་མྱོང་། །
དགའ་སྐྱིད་གྲུབ་པ་བརྙེས་ནས་གླུ་ཆུང་ལེན་མྱོང་། །
མ་མྱོང་དགུ་མྱོང་མྱོང་མཁན་མི་ལ་རས་པ། །

ཨ་མའི་ངག་བཞིན་གྲུབ་པའི་བུ་ཆུང་ཁྱེད་ཡིན། །
བླ་མའི་གསུང་བཞིན་གྲུབ་པའི་སློབ་མ་ཁྱེད་ཡིན། །
དགྲ་བོ་རྩ་མེད་བརླགས་པའི་དཔའ་བོ་ཁྱེད་ཡིན། །
བསམ་བསམ་འདོད་ཐོག་འགྲུབ་ནུས་ཁྱེད་རང་ཙམ་ཡིན། །

སྙིང་ལགས་ཕུལ་བ།

ངོ་གཉིས་མས།
དེ་ལྟར་ཡིན་པས
ང་ཁྱེད་ལ་ཆོག་ཤེས་སྐྱེ་ཡོང
ཁྱེད་ནི་སུས་ཀྱང་ལག་འཇུ་ཞིག་ཀྱང་མ་མྱོང་ལ

སུས་ཀྱང
སྙིང་ཉེ་ཞེས་ཀྱང་བོས་མ་མྱོང

ད་ནི་དེ་ལྟར་ཡིན་པས
ང་ཁྱེད་ལ་བརྩེ་བའི་གདུང་ཡོང
ཁྱེད་ནི་དེ་འདྲའི་འཇམ་ཞིང་ལྷོད་ལ མཛེས་ཤིང་སྡུག
བྱིན་ཆགས་ཀྱི་གཤིས་རྒྱུད་དེས་ཀྱང གདུག་རྩུབ་ཀྱིས་ཉེས་ཅན་དག་ལ
སེམས་པ་རྨས་མྱོང

དེ་དུས
ཁྱེད་ནི་ཁྱེད་དང་ང་ནི་ང་ཡིན
དགོང་མོ་དེ

འུ་གཉིས་སུས་ཀྱང་མི་མཐོང་བའི་ཡུལ་གྲུ་དེ་ནས
ཡུལ་སྡེ་གཅིག་དང

ཁང་མིག་གཅིག་གི་ནང་ནས
གདོང་ལ་དམར་ཁ་ཆགས་ཞོར

མིག་མདངས་ཀྱིས་སྐད་ཆ་བཤད

འུ་གཉིས་བྲལ་རྗེས

སེམས་པ་བརླན་མ་མྱོང
སྙིང་སྡུག་གི་སྐད་ཆ་དེ་དག་ཀྱང
ཁྱེད་ཀྱིས་བོས་པ་བཞིན

དེ་ནི་དེ་འདྲའི་ཡིད་འོང་ཞིག་དང་འཇམ་ལྷོད་ཀྱི་གདངས་ཀྱང་མི་འདུག

ང་བུད་སོང་རྗེས

ཁྱེད་ནི་གཞན་གྱི་སྙིང་ཉེ་དང
སྐྱེས་པ་ཞིག་གི་འདུག་རོགས་གྱུར་ན་ཡང
བརྗེད་མི་ཐུབ་ལ

འབྲི་ཡང་མི་ཚར

བྱང་ལྷ་ལ་ཕུལ།